KA BUKE ʻALUA A MOSE, I KAPA ʻIA PUKA ʻANA 13:9 - Ka Baibala Hemolele

⁹ “He hōʻailona nō ia nou ma kou lima, he mea hoʻomanaʻo nō hoʻi ma waena o kou mau maka, i mau ke kānāwai o Iēhova ma kou waha; no ka mea, me ka lima ikaika kā Iēhova i lawe mai ai iā ʻoe mai ʻAigupita mai.

KA BUKE ʻALUA A MOSE, I KAPA ʻIA PUKA ʻANA 13:9 Iomraidhean Croise

KA BUKE A NEHEMIA 1:10

“A, ʻo lākou lā, ʻo kāu poʻe kauā nō a me kou poʻe kānaka, āu i hoʻopakele ai me kou mana nui, a me kou lima ikaika.

KA BUKE O NĀ HALELŪ 136:11

A hoʻopuka maila i kā ʻIseraʻela, mai waena mai o lākou, No ka mea, ua mau loa kona lokomaikaʻi;

KA BUKE O NĀ HALELŪ 136:12

Me ka lima ikaika, a me ka lima kākāuha nō hoʻi, No ka mea, ua mau loa kona lokomaikaʻi.

KA BUKE O NĀ HALELŪ 89:13

He lima nō kou i lako i ka ikaika; Ua ikaika nō kou lima, ua kiʻekiʻe hoʻi kou lima ʻākau.

KA BUKE ʻALUA A MOSE, I KAPA ʻIA PUKA ʻANA 12:14

‘A e lilo nō kēia lā i mea e hoʻomanaʻo ai no ʻoukou; a e mālama ʻoukou ia lā i ʻahaʻaina na Iēhova, a hiki i ko ʻoukou mau hanauna a pau; e mālama ʻoukou ia i ʻahaʻaina, ma ke kānāwai mau loa.

KA BUKE ʻALUA A MOSE, I KAPA ʻIA PUKA ʻANA 12:41

A pau akula ia mau makahiki ʻehā haneri a me ke kanakolu, ia lā nō, hele maila ka poʻe koa a pau o Iēhova, mai ka ʻāina mai ‘o ʻAigupita.

KA BUKE ʻALUA A MOSE, I KAPA ʻIA PUKA ʻANA 13:14

“Eia hoʻi, a i ka wā e nīnau mai ai kāu keiki kāne ma hope aku nei, e ʻī mai ana, ‘He aha kēia?’ A laila e haʻi aku ʻoe iā ia, ‘Me ka lima ikaika kā Iēhova i lawe mai ai iā mākou mai loko mai o ʻAigupita, a mai loko mai hoʻi o ka hale hoʻoluhi.

KA BUKE ʻALUA A MOSE, I KAPA ʻIA PUKA ʻANA 13:16

“A e lilo kēia mea i hōʻailona ma kou lima, a he mea hoʻomanaʻo hoʻi ma waena o kou mau maka; no ka mea, me ka lima ikaika i lawe mai ai ʻo Iēhova iā kākou ma waho mai o ʻAigupita.”

KA BUKE ʻALUA A MOSE, I KAPA ʻIA PUKA ʻANA 13:3

¶ ʻĪ akula ʻo Mose i nā kānaka, “E hoʻomanaʻo ʻoukou i kēia lā a ʻoukou i puka mai ai, mai loko mai o ʻAigupita, a mai loko aʻe o ka hale hoʻoluhi; no ka mea, ua lawe mai nei ʻo Iēhova iā ʻoukou mai loko mai o ia wahi, me ka lima ikaika; ʻaʻole e ʻai ʻia ka berena hū.

KA BUKE ʻALUA A MOSE, I KAPA ʻIA PUKA ʻANA 3:20

“Akā, e ʻō aku nō wau i koʻu lima, a e paopao wau iā ʻAigupita me nā mea mana a pau aʻu e hana aku ai ma waenakonu o lākou; a ma hope e hoʻokuʻu nō ʻo ia iā ʻoukou.

KA BUKE ʻALUA A MOSE, I KAPA ʻIA PUKA ʻANA 7:4

“ʻAʻole naʻe e hoʻolohe mai ʻo Paraʻo iā ʻolua, i kau aku ai au i koʻu lima ma luna o ʻAigupita, a e lawe mai i waho i koʻu poʻe kaua, i ka poʻe kānaka oʻu, i nā mamo a ʻIseraʻela, mai ka ʻāina ʻo ʻAigupita mai, me ka hoʻopaʻi nui aku.

NĀ ʻŌLELO AKAMAI A SOLOMONA 1:9

No ka mea, he mea nani ia no kou poʻo, He mau lei hoʻi no kou ʻāʻī.

NĀ ʻŌLELO AKAMAI A SOLOMONA 3:21

E kuʻu keiki ē, mai huli ʻē aku kou mau maka; E hoʻopaʻa i ka naʻauao a me ka ʻike.

NĀ ʻŌLELO AKAMAI A SOLOMONA 7:23

A ʻō akula ka pua i kona ake, E like me ka lele ʻana o ka manu i ke pahele, ʻAʻole ona ʻike no kona ola ia.

KE MELE A SOLOMONA 8:6

“E kau mai iaʻu i hōʻailona ma luna o kou naʻau, I hōʻailona hoʻi ma luna o kou lima; No ka mea, ʻo ke aloha, ua ikaika ia e like me ka make; ʻO ka lili, ua paʻa loa ia e like me ka lua kupapaʻu; ʻO kona lapalapa ʻana, ʻo ka lapalapa ʻana nō ia o ke ahi wela loa.

KA WĀNANA A ʻISAIA 27:1

¶ I kēlā lā, me kona pahi kaua kaumaha, a nui, a ikaika, E hoʻopaʻi mai ai ʻo Iēhova i Leviatana, i ka nahesa lele hoʻi, I Leviatana, i nahesa kekeʻe hoʻi, A e pepehi nō ʻo ia i ka moʻo nui ma loko o ke kai.

KA WĀNANA A ʻISAIA 40:10

Aia hoʻi, e hele mai ana ka Haku, ʻo Iēhova me ka ikaika, Na kona lima nō e mālama ia; Aia hoʻi, me ia pū nō kāna uku mai, A ʻo kāna uku hana hoʻi ma kona alo.

KA WĀNANA A ʻISAIA 44:5

“E ʻōlelo nō kekahi, ‘No Iēhova au’; A e kapa ʻia kekahi ma ka inoa ʻo Iakoba; A e kākau kekahi ma kona lima, ‘No Iēhova au,’ A hea aku ia ma ka inoa o kā ʻIseraʻela.

KA WĀNANA A ʻISAIA 49:16

“Aia hoʻi, ua kahakaha au iā ʻoe ma nā poho lima oʻu; Ua mau loa nō kou mau pā pōhaku ma koʻu alo.

KA WĀNANA A ʻISAIA 51:9

¶ E ala, e ala, e ʻaʻahu i ka ikaika, e ka lima o Iēhova; E ala, e like me ia i nā lā ma mua, I nā hanauna kahiko loa aku hoʻi. ʻAʻole anei ʻoe ka mea nāna i ʻokiʻoki iā Rahaba? A hou iho nō hoʻi i ka moʻo nui?

KA WĀNANA A ʻISAIA 59:21

“ʻO wau hoʻi, eia kaʻu berita me lākou,” wahi a Iēhova; “ʻo kuʻu ʻUhane, ka mea ma luna ou, a me kaʻu mau ʻōlelo, aʻu i waiho ai i loko o kou waha, ʻaʻole e haʻalele ia mau mea i kou waha, ʻaʻole hoʻi i ka waha o kāu mau keiki, ʻaʻole hoʻi i ka waha o nā keiki a kāu mau keiki, mai kēia wā aku, a i ke ao pau ʻole,” wahi a Iēhova.

KA WĀNANA A IEREMIA 22:24

¶ “Me aʻu e ola nei,” wahi a Iēhova, “inā ʻo Konia, ke keiki a Iehoiakima, ke aliʻi o kā Iuda, inā paha ʻo ia ka hōʻailona ma koʻu lima ʻākau; e uhuki aku nō au iā ʻoe ma laila mai.

KA BUKE NO DANIʻELA 9:15

“ʻĀnō, e ka Haku, e ko mākou Akua ē, ka mea nāna e hoʻopuka mai i kou poʻe kānaka mai ka ʻāina ʻo ʻAigupita mai me ka lima kākāuha, a hoʻokaulana ʻoe i kou inoa e like me ia i kēia lā; ua hewa mākou, a ua hana ʻino aku nō hoʻi mākou.

IOʻELA 2:11

A e hoʻopuka mai ʻo Iēhova i kona leo i mua o kona kaua; No ka mea, ua nui loa kona wahi i hoʻomoana ai; No ka mea, ua ikaika ka mea nāna e hoʻokō i kāna ʻōlelo; No ka mea, ua nui ka lā o Iēhova, a me ka weliweli nui; A ʻo wai lā ke hoʻomanawanui ia mea?

KA BUKE ʻAHĀ A MOSE, I KAPA ʻIA NĀ HELU 15:39

“A e lilo iho ia no ʻoukou i pihapiha, e nānā iho ai, a e hoʻomanaʻo i nā kauoha a pau a Iēhova, a e mālama hoʻi iā lākou; i ʻole ai ʻoukou e ʻimi aku ma muli o ko ʻoukou mau naʻau, a me ko ʻoukou mau maka; ma muli o ia mau mea kā ʻoukou i hele moekolohe ai;

KA ʻEUANELIO I KĀKAU ʻIA AI E MATAIO 23:5

“Ke hana nei lākou i kā lākou mau hana a pau, i ʻikea mai ai e nā kānaka. Ke hoʻopālahalaha nei lākou i nā ʻāpana kānāwai o lākou; a ke hoʻonui nei hoʻi lākou i nā lepa o kā lākou ʻaʻahu.

ʻO KA ʻEPISETOLE A PAULO KA LUNAʻŌLELO I KO ROMA 10:8

He aha hoʻi kāna i ʻōlelo mai nei? “«Ua kokoke i ou lā ka ʻōlelo, aia i loko o kou waha a me kou naʻau».” ʻO ia ka ʻōlelo a ka manaʻoʻiʻo a kākou e haʻi aku nei;

KA BUKE ʻALIMA A MOSE, I KAPA ʻIA KĀNĀWAI LUA 30:14

“Akā, ua kokoke loa ka ʻōlelo iā ʻoe, ma kou waha, a ma kou naʻau, i hana aku ai ʻoe ia mea.

KA BUKE ʻALIMA A MOSE, I KAPA ʻIA KĀNĀWAI LUA 5:15

‘E hoʻomanaʻo hoʻi ʻoe, he kauā nō ʻoe ma ka ʻāina ʻo ʻAigupita, a na Iēhova na kou Akua ʻoe i lawe mai nei mai laila mai, me ka lima ikaika, a me ka lima kākāuha; no ia mea, i kauoha mai ai ʻo Iēhova kou Akua iā ʻoe e mālama i ka lā Sābati.

KA BUKE ʻALIMA A MOSE, I KAPA ʻIA KĀNĀWAI LUA 6:21

“A laila ʻoe e ʻōlelo aku ai i kāu keiki, ‘He poʻe kauā hoʻoluhi mākou a Paraʻo i ʻAigupita, na Iēhova mākou i kaʻi aʻe mai ʻAigupita mai me ka lima ikaika;

KA BUKE ʻALIMA A MOSE, I KAPA ʻIA KĀNĀWAI LUA 6:6

“ʻO kēia mau ʻōlelo aʻu e kauoha aku nei iā ʻoe i kēia lā, e waiho nō ia ma loko o kou naʻau.

KA BUKE ʻALIMA A MOSE, I KAPA ʻIA KĀNĀWAI LUA 6:8

“A e nākiʻi ʻoe ia mau mea i hōʻailona ma kou lima, a e lilo ia i mea e hoʻomanaʻo ai ma waena o kou mau maka.

KA HŌʻIKE ʻANA A IOANE KA HAIPULE 18:8

“No laila, i ka lā hoʻokahi e hiki mai ai kona mau ʻino, ʻo ka make, a me ke kanikau, a me ka wī; a e puhi loa ʻia nō hoʻi ia i ke ahi; no ka mea, ua ikaika loa ka Haku, ke Akua ka Mea e hoʻopaʻi ana iā ia.

KA BUKE NO NĀ LUNA KĀNĀWAI 2:12

Haʻalele lākou iā Iēhova, i ke Akua o ko lākou poʻe mākua, i ka mea i lawe mai ai iā lākou mai ka ʻāina ʻo ʻAigupita mai, a hahai lākou ma muli o nā akua ʻē, i nā akua o ka poʻe kānaka e noho pōʻai ana iā lākou, a kūlou i mua o lākou, a hoʻonāukiuki akula iā Iēhova.