KA BUKE ʻALUA A MOSE, I KAPA ʻIA PUKA ʻANA 13:3 - Ka Baibala Hemolele

³ ¶ ʻĪ akula ʻo Mose i nā kānaka, “E hoʻomanaʻo ʻoukou i kēia lā a ʻoukou i puka mai ai, mai loko mai o ʻAigupita, a mai loko aʻe o ka hale hoʻoluhi; no ka mea, ua lawe mai nei ʻo Iēhova iā ʻoukou mai loko mai o ia wahi, me ka lima ikaika; ʻaʻole e ʻai ʻia ka berena hū.

KA BUKE ʻALUA A MOSE, I KAPA ʻIA PUKA ʻANA 13:3 Iomraidhean Croise

KA BUKE MUA A MOSE, I KAPA ʻIA KINOHI 15:16

“Akā, e hoʻi hou mai nō lākou i ʻaneʻi i ka hā o ka hanauna; no ka mea, ʻaʻole i lawa ka hewa o kā ʻAmora i nei manawa.”

KA BUKE MUA NO NĀ ALIʻI 8:42

(no ka mea, e lohe nō lākou i kou inoa nui, a me kou lima ikaika, a me kou lima kākāuha); aia hele mai ia a e pule i kēia hale;

KA BUKE MUA O KA ʻOIHANA ALIʻI 16:12

E hoʻomanaʻo i nā hana mana āna i hana ai, I nā mea kupanaha āna, a me nā ʻōlelo hoʻopono a kona waha;

KA BUKE A NEHEMIA 1:10

“A, ʻo lākou lā, ʻo kāu poʻe kauā nō a me kou poʻe kānaka, āu i hoʻopakele ai me kou mana nui, a me kou lima ikaika.

KA BUKE A NEHEMIA 9:10

“Hana ihola ʻoe i nā mea hōʻike, a me nā mea kupanaha ma luna o Paraʻo, A ma luna o kāna poʻe kauā a pau, A ma luna hoʻi o ka poʻe kānaka a pau o kona ʻāina. No ka mea, ua ʻike ʻoe i kā lākou hana hoʻokiʻekiʻe ʻana ma luna o lākou. Pēlā nō ʻoe i hoʻokaulana i kou inoa e like me ia i nēia lā.

KA BUKE O NĀ HALELŪ 105:5

E hoʻomanaʻo i nā hana mana āna i hana ai, A me kāna mau mea kupanaha, A me ka hoʻoponopono ʻana o kona waha;

KA BUKE O NĀ HALELŪ 114:1

¶ I ka puka ʻana o kā ʻIseraʻela i waho o ʻAigupita, Ka hale o Iakoba hoʻi, mai waena aku o nā kānaka ʻōlelo ʻē;

KA BUKE O NĀ HALELŪ 136:11

A hoʻopuka maila i kā ʻIseraʻela, mai waena mai o lākou, No ka mea, ua mau loa kona lokomaikaʻi;

KA BUKE O NĀ HALELŪ 136:12

Me ka lima ikaika, a me ka lima kākāuha nō hoʻi, No ka mea, ua mau loa kona lokomaikaʻi.

KA BUKE O NĀ HALELŪ 89:14

ʻO ka pono, a me ka hoʻopono, ʻo ia ke kumu o kou noho aliʻi; E hele aʻe nō i mua o kou maka ka lokomaikaʻi, a me ka ʻoiaʻiʻo.

KA BUKE ʻALUA A MOSE, I KAPA ʻIA PUKA ʻANA 12:15

¶ ‘ʻEhiku mau lā kā ʻoukou e ʻai ai i ka berena hū ʻole; i ka lā mua e hoʻolei aku ʻoukou i ka mea hū ma waho o ko ʻoukou mau hale; ʻo ka mea nāna e ʻai i ka berena hū, mai ka lā ʻakahi a hiki i ka lā hiku, e ʻoki ʻia aku ia mai kā ʻIseraʻela aku.

KA BUKE ʻALUA A MOSE, I KAPA ʻIA PUKA ʻANA 12:17

‘E mālama nō ʻoukou i ka ʻAhaʻaina Berena Hū ʻOle; no ka mea, ia lā nō ua lawe mai au i ko ʻoukou poʻe koa, mai ka ʻāina mai o ʻAigupita; no ia mea, e mālama ʻoukou i kēia lā i kā ʻoukou mau hanauna aku, ma ke kānāwai mau loa.

KA BUKE ʻALUA A MOSE, I KAPA ʻIA PUKA ʻANA 12:19

‘ʻEhiku lā e loaʻa ʻole ai ka mea hū ma loko o ko ʻoukou mau hale. ʻO ka mea ʻai i ka palaoa hū, ʻo ia ke hōʻoki ʻia aku mai ke anaina kanaka o kā ʻIseraʻela aku; inā paha he kanaka ʻē ʻo ia, a inā paha o ka mea i hānau ma ka ʻāina.

KA BUKE ʻALUA A MOSE, I KAPA ʻIA PUKA ʻANA 12:2

“Eia ka malama maka mua o ko ʻoukou mau malama, eia ka malama mua o ko ʻoukou makahiki.

KA BUKE ʻALUA A MOSE, I KAPA ʻIA PUKA ʻANA 12:41

A pau akula ia mau makahiki ʻehā haneri a me ke kanakolu, ia lā nō, hele maila ka poʻe koa a pau o Iēhova, mai ka ʻāina mai ‘o ʻAigupita.

KA BUKE ʻALUA A MOSE, I KAPA ʻIA PUKA ʻANA 12:42

He pō ia e hoʻomanaʻo nui ʻia ai no Iēhova, no kona lawe ʻana mai iā lākou mai ka ʻāina mai ʻo ʻAigupita; eia nō ka pō o Iēhova e hoʻomanaʻo ʻia ai e nā mamo a pau a ʻIseraʻela, ma nā hanauna o lākou.

KA BUKE ʻALUA A MOSE, I KAPA ʻIA PUKA ʻANA 12:8

‘A ia pō nō, e ʻai lākou i ka ʻiʻo i ʻōhinu ʻia i ke ahi, e ʻai pū lākou ia mea me ka palaoa hū ʻole, a me nā mea mulemule.

KA BUKE ʻALUA A MOSE, I KAPA ʻIA PUKA ʻANA 13:14

“Eia hoʻi, a i ka wā e nīnau mai ai kāu keiki kāne ma hope aku nei, e ʻī mai ana, ‘He aha kēia?’ A laila e haʻi aku ʻoe iā ia, ‘Me ka lima ikaika kā Iēhova i lawe mai ai iā mākou mai loko mai o ʻAigupita, a mai loko mai hoʻi o ka hale hoʻoluhi.

KA BUKE ʻALUA A MOSE, I KAPA ʻIA PUKA ʻANA 13:9

“He hōʻailona nō ia nou ma kou lima, he mea hoʻomanaʻo nō hoʻi ma waena o kou mau maka, i mau ke kānāwai o Iēhova ma kou waha; no ka mea, me ka lima ikaika kā Iēhova i lawe mai ai iā ʻoe mai ʻAigupita mai.

KA BUKE ʻALUA A MOSE, I KAPA ʻIA PUKA ʻANA 20:2

¶ “ʻO wau nō Iēhova ʻo kou Akua, ka mea nāna ʻoe i lawe mai nei, mai ka ʻāina ʻo ʻAigupita mai, mai loko mai hoʻi o ka hale hoʻoluhi.

KA BUKE ʻALUA A MOSE, I KAPA ʻIA PUKA ʻANA 20:8

¶ “E hoʻomanaʻo i ka lā Sābati, a e hoʻāno ia.

KA BUKE ʻALUA A MOSE, I KAPA ʻIA PUKA ʻANA 23:15

“E mālama ʻoe i ka ʻAhaʻaina o ka Berena Hū ʻOle; ʻehiku lā ʻoe e ʻai ai i ka berena hū ʻole, me aʻu i kauoha aku ai iā ʻoe, i ka manawa i hāʻawi ʻia, ma ka malama ʻo ʻAbiba; no ka mea, ia wā ʻoe i hele mai ai mai loko mai o ʻAigupita; mai ʻike ʻia naʻe kekahi i mua oʻu me ka waiwai ʻole;

KA BUKE ʻALUA A MOSE, I KAPA ʻIA PUKA ʻANA 3:20

“Akā, e ʻō aku nō wau i koʻu lima, a e paopao wau iā ʻAigupita me nā mea mana a pau aʻu e hana aku ai ma waenakonu o lākou; a ma hope e hoʻokuʻu nō ʻo ia iā ʻoukou.

KA BUKE ʻALUA A MOSE, I KAPA ʻIA PUKA ʻANA 34:18

¶ “E mālama ʻoe i ka ʻAhaʻaina o ka Berena Hū ʻOle. ʻEhiku lā kāu e ʻai ai i ka berena hū ʻole, me aʻu i kauoha aku ai iā ʻoe, i ka wā o ka malama ʻo ʻAbiba; no ka mea, i ka malama ʻo ʻAbiba i puka mai ai ʻoe ma waho mai o ʻAigupita.

KA BUKE ʻALUA A MOSE, I KAPA ʻIA PUKA ʻANA 6:1

¶ A laila ʻōlelo maila ʻo Iēhova iā Mose, “ʻĀnō, e ʻike auaneʻi ʻoe i ka mea aʻu e hana aku ai iā Paraʻo; no ka mea, e hoʻokuʻu aku nō ʻo ia iā lākou me ka lima ikaika, a me ka lima ikaika hoʻi ʻo ia e kipaku aku ai iā lākou, mai kona ʻāina aku.”

KA BUKE ʻALUA A MOSE, I KAPA ʻIA PUKA ʻANA 6:6

“No ia mea, e ʻōlelo aku ʻoe i nā mamo a ʻIseraʻela, ‘ʻO wau nō Iēhova, a e lawe mai ana nō wau iā ʻoukou mai lalo mai o nā mea kaumaha a ko ʻAigupita, a e hoʻopakele nō wau iā ʻoukou i ko lākou hoʻoluhi ʻana; a e hoʻōla wau iā ʻoukou me ka lima kākāuha, a me nā hoʻopaʻi ʻana he nui loa.

KA BUKE ʻALUA A MOSE, I KAPA ʻIA PUKA ʻANA 6:7

‘A e hoʻonoho nō wau iā ʻoukou i poʻe kānaka noʻu, a ʻo wau auaneʻi hoʻi ko ʻoukou Akua; a e ʻike auaneʻi hoʻi ʻoukou, ʻo wau nō Iēhova, ʻo ko ʻoukou Akua, nāna ʻoukou e lawe aʻe, mai lalo aʻe o nā mea kaumaha a ko ʻAigupita.

KA BUKE ʻALUA A MOSE, I KAPA ʻIA PUKA ʻANA 7:4

“ʻAʻole naʻe e hoʻolohe mai ʻo Paraʻo iā ʻolua, i kau aku ai au i koʻu lima ma luna o ʻAigupita, a e lawe mai i waho i koʻu poʻe kaua, i ka poʻe kānaka oʻu, i nā mamo a ʻIseraʻela, mai ka ʻāina ʻo ʻAigupita mai, me ka hoʻopaʻi nui aku.

KA WĀNANA A IEREMIA 34:13

“Ke ʻī mai nei ʻo Iēhova, ke Akua o kā ʻIseraʻela penei, ‘Hana akula au i berita me ko ʻoukou poʻe kūpuna, i ka lā aʻu i lawe mai ai iā lākou, mai ka ʻāina ʻo ʻAigupita mai, a mai ka hale mai o ka poʻe kauā, ʻī maila,

KA BUKE NO DANIʻELA 9:15

“ʻĀnō, e ka Haku, e ko mākou Akua ē, ka mea nāna e hoʻopuka mai i kou poʻe kānaka mai ka ʻāina ʻo ʻAigupita mai me ka lima kākāuha, a hoʻokaulana ʻoe i kou inoa e like me ia i kēia lā; ua hewa mākou, a ua hana ʻino aku nō hoʻi mākou.

KA ʻEUANELIO I KĀKAU ʻIA AI E MATAIO 10:12

“Aia komo aku ʻoukou i loko o ka hale, e uē aku i ko laila.

KA ʻEUANELIO I KĀKAU ʻIA AI E LUKA 22:19

A laila lālau ihola ia i ka berena, hoʻomaikaʻi akula, a wāwahi ihola, a hāʻawi maila iā lākou, ʻī maila, “ʻO koʻu kino kēia i hāʻawi ʻia no ʻoukou; e hana hoʻi ʻoukou i kēia me ka hoʻomanaʻo mai iaʻu.”

ʻO KA ʻEPISETOLE MUA A PAULO KA LUNAʻŌLELO I KO KORINETO 11:24

a pau ka hoʻālohaloha ʻana, wāwahi ihola ia, ʻī akula, “E lawe ʻoukou, e ʻai; eia nō koʻu kino i wāwahi ʻia no ʻoukou. E hana ʻoukou i kēia me ka hoʻomanaʻo mai iaʻu.”

ʻO KA ʻEPISETOLE MUA A PAULO KA LUNAʻŌLELO I KO KORINETO 5:8

No ia mea, e mālama kākou i ka ʻahaʻaina, ʻaʻole naʻe me ka hū kahiko, ʻaʻole hoʻi me ka mea hū o ka hoʻomauhala, a me ka hewa; akā, me ka mea hū ʻole o ka manaʻo maikaʻi a me ka ʻoiaʻiʻo.

ʻO KA ʻEPISETOLE A PAULO KA LUNAʻŌLELO I KO ʻEPESO 1:19

a me ka nui loa o kona mana no kākou ka poʻe manaʻoʻiʻo, ma ka hoʻoikaika ʻana o kona mana ikaika,

KA BUKE ʻALIMA A MOSE, I KAPA ʻIA KĀNĀWAI LUA 13:10

“A e hailuku aku ʻoe iā ia i ka pōhaku e make ia; no ka mea, ua ʻimi mai ia e hoʻohuli iā ʻoe mai o Iēhova kou Akua aku, nāna ʻoe i lawe mai nei mai ka ʻāina ʻo ʻAigupita mai, a mai loko mai hoʻi o ka hale hoʻoluhi.

KA BUKE ʻALIMA A MOSE, I KAPA ʻIA KĀNĀWAI LUA 13:11

“A e hoʻolohe mai kā ʻIseraʻela a pau, a e makaʻu hoʻi, ʻaʻole hoʻi e hana hewa hou i kekahi hewa e like me ia i waena o ʻoukou.

KA BUKE ʻALIMA A MOSE, I KAPA ʻIA KĀNĀWAI LUA 13:5

“A ʻo ua kāula lā, a ʻo ua mea moeʻuhane lā paha, e pepehi ʻia ʻo ia; no ka mea, ua ʻōlelo hoʻokipi ʻo ia iā Iēhova ko ʻoukou Akua, nāna ʻoukou i lawe mai, mai ka ʻāina ʻo ʻAigupita mai, a hoʻopakele mai iā ʻoukou mai loko mai o ka hale hoʻoluhi, i mea e hoʻoʻauana ai iā ʻoe mai ke ala aku a Iēhova kou Akua i kauoha mai ai iā ʻoe e hele. Pēlā ʻoe e hoʻolei aku ai i ka mea hewa mai ou aku lā.

KA BUKE ʻALIMA A MOSE, I KAPA ʻIA KĀNĀWAI LUA 13:6

¶ “A ʻo kou hoahānau kāne, ke keiki a kou makuahine, a ʻo kāu keiki iho paha, a ʻo kāu kaikamahine paha, a ʻo ka wahine o kou poli, a ʻo kāu mea aloha paha e like me kou ʻuhane iho, ke hoʻowalewale malū mai iā ʻoe, i ka ʻī ʻana mai, ‘E hele kāua e mālama i nā akua ʻē,’ i nā mea āu i ʻike ʻole ai, ʻaʻole hoʻi kou mau kūpuna;

KA BUKE ʻALIMA A MOSE, I KAPA ʻIA KĀNĀWAI LUA 15:15

“A e hoʻomanaʻo hoʻi ʻoe, he kauā nō ʻoe ma ka ʻāina ʻo ʻAigupita, a na Iēhova na kou Akua ʻoe i hoʻopakele; no laila e kauoha aku nei au iā ʻoe ia mea i kēia lā.

KA BUKE ʻALIMA A MOSE, I KAPA ʻIA KĀNĀWAI LUA 16:1

¶ “E hoʻomanaʻo ʻoe i ka malama ‘o ʻAbiba, a e mālama ʻoe i ka Mōliaola na Iēhova kou Akua; no ka mea, ʻo ʻAbiba ka malama a Iēhova kou Akua i lawe mai ai iā ʻoe mai loko mai o ʻAigupita i ka pō.

KA BUKE ʻALIMA A MOSE, I KAPA ʻIA KĀNĀWAI LUA 16:12

“A e hoʻomanaʻo hoʻi ʻoe, he kauā luhi nō ʻoe ma ʻAigupita; a e mālama, e hana hoʻi i kēia mau kānāwai.

KA BUKE ʻALIMA A MOSE, I KAPA ʻIA KĀNĀWAI LUA 16:3

“Mai ʻai pū ʻoe me ia i ka berena hū; i nā lā ʻehiku e ʻai ʻoe i ka berena hū ʻole me ia, i ka berena o ka pōʻino; no ka mea, ua hele mai ʻoe mai ka ʻāina ʻo ʻAigupita mai me ka lalelale, i hoʻomanaʻo ʻoe i ka lā āu i hele mai ai mai loko mai o ka ʻāina ʻo ʻAigupita i nā lā a pau o kou ola ʻana.

KA BUKE ʻALIMA A MOSE, I KAPA ʻIA KĀNĀWAI LUA 24:18

“Akā, e hoʻomanaʻo iho ʻoe he kauā hoʻoluhi ʻoe ma ʻAigupita, a na Iēhova kou Akua ʻoe i hoʻopakele aʻe ia wahi; no laila, ke kauoha aku nei au iā ʻoe e hana ia mea.

KA BUKE ʻALIMA A MOSE, I KAPA ʻIA KĀNĀWAI LUA 24:22

“E hoʻomanaʻo ʻoe, he kauā hoʻoluhi ʻoe ma ka ʻāina ʻo ʻAigupita; no laila ke kauoha aku nei au iā ʻoe e hana ia mea.

KA BUKE ʻALIMA A MOSE, I KAPA ʻIA KĀNĀWAI LUA 26:8

‘A lawe mai ʻo Iēhova iā kākou mai ʻAigupita mai me ka lima ikaika, a me ka lima kākāuha, a me ka mea weliweli nui, a me nā hōʻailona, a me nā mea kupanaha.

KA BUKE ʻALIMA A MOSE, I KAPA ʻIA KĀNĀWAI LUA 4:34

“Ua hoʻāʻo anei ke Akua e hele a e lawe i lāhui kanaka nona mai waena mai o kekahi lāhui kanaka, ma nā hoʻāʻo ʻana, a ma nā hōʻailona, a ma nā mea kupanaha, a ma ke kaua, a ma ka lima ikaika, a ma ka lima kākāuha, a ma nā mea weliweli nui, e like me nā mea a pau a Iēhova ko ʻoukou Akua i hana mai ai no ʻoukou ma ʻAigupita i mua o kou maka?

KA BUKE ʻALIMA A MOSE, I KAPA ʻIA KĀNĀWAI LUA 5:15

‘E hoʻomanaʻo hoʻi ʻoe, he kauā nō ʻoe ma ka ʻāina ʻo ʻAigupita, a na Iēhova na kou Akua ʻoe i lawe mai nei mai laila mai, me ka lima ikaika, a me ka lima kākāuha; no ia mea, i kauoha mai ai ʻo Iēhova kou Akua iā ʻoe e mālama i ka lā Sābati.

KA BUKE ʻALIMA A MOSE, I KAPA ʻIA KĀNĀWAI LUA 5:6

¶ ‘ʻO wau nō Iēhova, ʻo kou Akua, ka mea nāna ʻoe i lawe mai nei mai ka ʻāina ʻo ʻAigupita mai, mai loko mai hoʻi o ka hale hoʻoluhi.

KA BUKE ʻALIMA A MOSE, I KAPA ʻIA KĀNĀWAI LUA 6:12

a laila e mālama iā ʻoe iho, o hoʻopoina ʻoe iā Iēhova, nāna ʻoe i lawe mai ka ʻāina ʻo ʻAigupita mai, mai loko mai hoʻi o ka hale hoʻoluhi.

KA BUKE ʻALIMA A MOSE, I KAPA ʻIA KĀNĀWAI LUA 6:21

“A laila ʻoe e ʻōlelo aku ai i kāu keiki, ‘He poʻe kauā hoʻoluhi mākou a Paraʻo i ʻAigupita, na Iēhova mākou i kaʻi aʻe mai ʻAigupita mai me ka lima ikaika;

KA BUKE ʻALIMA A MOSE, I KAPA ʻIA KĀNĀWAI LUA 7:8

akā, no ke aloha o Iēhova iā ʻoukou, a no kona mālama i ka hoʻohiki ʻana i hoʻohiki ai i ko ʻoukou poʻe kūpuna; no laila i kaʻi mai nei ʻo Iēhova iā ʻoukou me ka lima ikaika, a e hoʻopakele iā ʻoukou mai ka hale hoʻoluhi mai, mai loko mai o ka lima o Paraʻo, ke aliʻi o ʻAigupita.

KA BUKE ʻALIMA A MOSE, I KAPA ʻIA KĀNĀWAI LUA 8:14

a laila e hoʻokiʻekiʻe ʻia aʻe kou naʻau i luna, a hoʻopoina ʻoe iā Iēhova kou Akua, nāna ʻoe i lawe mai nei mai ka ʻāina ʻo ʻAigupita mai, mai loko mai hoʻi o ka hale hoʻoluhi;

KA BUKE ʻALIMA A MOSE, I KAPA ʻIA KĀNĀWAI LUA 9:12

“A ʻōlelo mai ʻo Iēhova iaʻu, ‘E kū aʻe ʻoe, e iho koke ʻoe mai kēia wahi aku; no ka mea, ua hana hewa kou poʻe kānaka āu i lawe mai nei mai ka ʻāina ʻo ʻAigupita mai; ua kāpae koke aʻe lākou mai ke ala aku aʻu i kauoha aku ai iā lākou; ua hana lākou i kiʻi i hoʻoheʻeheʻe ʻia no lākou.’

KA BUKE A IOSUA 24:17

no ka mea, ʻo Iēhova, ko kākou Akua, ʻo ia nō ka mea nāna i lawe mai iā kākou, a me ko kākou poʻe mākua mai ka ʻāina ʻo ʻAigupita mai, mai loko mai hoʻi o ka hale hoʻoluhi; ka mea nāna i hana i nā mea nui i mua o ko kākou mau maka, a mālama mai ʻo ia iā kākou ma ke alanui a pau a kākou i hele mai ai, a ma waena o nā kānaka a pau ma kahi a kākou i hele ai.

KA BUKE NO NĀ LUNA KĀNĀWAI 2:12

Haʻalele lākou iā Iēhova, i ke Akua o ko lākou poʻe mākua, i ka mea i lawe mai ai iā lākou mai ka ʻāina ʻo ʻAigupita mai, a hahai lākou ma muli o nā akua ʻē, i nā akua o ka poʻe kānaka e noho pōʻai ana iā lākou, a kūlou i mua o lākou, a hoʻonāukiuki akula iā Iēhova.

KA BUKE NO NĀ LUNA KĀNĀWAI 6:8

A laila, hoʻouna mai ʻo Iēhova i kekahi kanaka, he kāula, ʻī maila ia iā lākou, “Penei ka ʻōlelo ʻana mai a Iēhova, ke Akua o kā ʻIseraʻela, ‘Naʻu nō ʻoukou i lawe mai nei, mai ʻAigupita mai, a hoʻopuka mai iā ʻoukou, mai loko mai o ka hale hoʻoluhi;