KA BUKE ʻALUA A MOSE, I KAPA ʻIA PUKA ʻANA 12:7 - Ka Baibala Hemolele

⁷ ‘A e lawe lākou i ke koko, a e kau aku ma nā lapauila a ʻelua, a ma luna ma ka hoaka o ka puka o nā hale, kahi a lākou e ʻai ai ia mea.

KA BUKE ʻALUA A MOSE, I KAPA ʻIA PUKA ʻANA 12:7 Iomraidhean Croise

KA BUKE MUA NO NĀ ALIʻI 6:31

A no ka puka o kahi e ʻōlelo ai, i hana ai ʻo ia i nā pani lāʻau ʻoliva, a ʻo ka lapauila a me nā lāʻau kū, ʻo ka hapalima nō ia.

KA BUKE ʻALUA A MOSE, I KAPA ʻIA PUKA ʻANA 12:13

‘A ʻo ke koko, ʻo ia ka hōʻailona no ʻoukou ma nā hale o ko ʻoukou wahi; aia ʻike aku au i ke koko, e waiho wau iā ʻoukou, ʻaʻole e kau mai ka mea ʻino ma luna o ʻoukou e make ai, iaʻu e pepehi iho ai i ko ka ʻāina ʻo ʻAigupita.

KA WĀNANA A ʻEZEKIʻELA 9:4

A ʻōlelo maila ʻo Iēhova iā ia, “E hele ʻoe ma waena o ke kūlanakauhale ma waenakonu o Ierusalema, a e kau i ka hōʻailona ma nā lae o nā kānaka e kaniʻuhū ana a e uē ana no nā mea e inaina ʻia ma waenakonu ona.”

ʻO KA ʻEPISETOLE A PAULO KA LUNAʻŌLELO I KO ʻEPESO 1:7

Nona mai ke ola iā kākou ma kona koko, ke kala ʻana o nā hala, e like me ka lako o kona lokomaikaʻi;

KA BUKE ʻALIMA A MOSE, I KAPA ʻIA KĀNĀWAI LUA 11:20

“A e kākau ʻoe ia mau mea ma nā lapauila o kou puka hale, a ma nā puka pā ou.

ʻO KA ʻEPISETOLE A PAULO KA LUNAʻŌLELO I KO HEBERA 10:14

Ma ka mōhai hoʻokahi hoʻi, i hana ai ʻo ia i ka mea e pono mau ai ka poʻe nona ka huikala.

ʻO KA ʻEPISETOLE A PAULO KA LUNAʻŌLELO I KO HEBERA 10:29

He aha lā i ko ʻoukou manaʻo ka make ʻeha nui aku e manaʻo ʻia ana he pono; no ka mea, nāna i hehi ma lalo iho o ka wāwae i ke Keiki a ke Akua, me ka manaʻo i ke koko o ka berita āna i hoʻolaʻa ʻia ai he mea haumia, a me ka hoʻowahāwahā aku i ka ʻUhane lokomaikaʻi?

ʻO KA ʻEPISETOLE A PAULO KA LUNAʻŌLELO I KO HEBERA 11:28

Ma ka manaʻoʻiʻo hoʻi ʻo ia i mālama ai i ka Mōliaola, a me ka pīpī ʻana o ke koko, i ʻole ai e hoʻopā mai iā lākou ka mea nāna i luku mai i nā makahiapo.

ʻO KA ʻEPISETOLE A PAULO KA LUNAʻŌLELO I KO HEBERA 9:22

ʻAneʻane pau nā mea ma ke Kānāwai i ka hoʻomaʻemaʻe ʻia i ke koko; ʻaʻohe kala ʻana ke hoʻokahe ʻole ʻia ke koko.

ʻO KA ʻEPISETOLE HOʻOLAHA MUA A PETERO 1:2

ma ka ʻike mua ʻana o ke Akua, ka Makua, ma o ka huikala ʻana o ka ʻUhane, ua wae ʻia mai ʻoukou, i poʻe hoʻolohe, a i poʻe e kāpīpī ʻia i ke koko o Iesū Kristo; i nui ko ʻoukou aloha ʻia mai, a me ka maluhia hoʻi.