KA BUKE ʻALUA A MOSE, I KAPA ʻIA PUKA ʻANA 12:3 - Ka Baibala Hemolele

³ “E ʻōlelo aku ʻolua i ka poʻe kānaka o kā ʻIseraʻela a pau, e ʻī aku: ‘I ka lā ʻumi o kēia malama, e lawe kēlā kanaka kēia kanaka i hipa keiki ma ko ka hale o nā mākua, he hipa keiki no ka hale hoʻokahi.

KA BUKE ʻALUA A MOSE, I KAPA ʻIA PUKA ʻANA 12:3 Iomraidhean Croise

KA BUKE MUA A MOSE, I KAPA ʻIA KINOHI 22:8

ʻĪ maila ʻo ʻAberahama, “E kuʻu keiki, na ke Akua nō e hoʻomākaukau i keiki hipa nāna i mōhai kuni.” A haele pū akula lāua.

KA BUKE MUA A MOSE, I KAPA ʻIA KINOHI 4:4

Lawe akula hoʻi ʻo ʻAbela i kekahi o nā hānau mua o kāna poʻe hipa, i nā mea momona hoʻi. A maliu maila ʻo Iēhova iā ʻAbela a me kāna mōhai;

KA BUKE ʻALUA O KA ʻOIHANA ALIʻI 35:7

¶ A hāʻawi ʻo Iosia na nā kānaka i nā holoholona, i nā hipa keiki, a me nā kao keiki, i mau mōhai Mōliaola, no nā kānaka a pau i hiki mai, he kanakolu tausani ma ka helu ʻana, a me nā bipi ʻekolu tausani; a ʻo kēia mau mea no ko ke aliʻi waiwai nō ia.

KA BUKE ʻALUA A MOSE, I KAPA ʻIA PUKA ʻANA 12:2

“Eia ka malama maka mua o ko ʻoukou mau malama, eia ka malama mua o ko ʻoukou makahiki.

KA BUKE ʻALUA A MOSE, I KAPA ʻIA PUKA ʻANA 12:21

¶ A laila, kiʻi akula ʻo Mose i nā lunakahiko a pau o kā ʻIseraʻela, ʻī akula iā lākou, “E wae ʻoukou, a e lawe i kā ʻoukou hipa keiki, ma kā ʻoukou mau ʻohana, a e pepehi i ka Mōliaola.

KA BUKE ʻALUA A MOSE, I KAPA ʻIA PUKA ʻANA 12:4

‘Akā, inā he ʻuʻuku ko ka hale, ʻaʻole lawa no ka hipa keiki, e lawe pū ia me kona hoalauna e kokoke ana ma kona hale, e like me ka nui o lākou; e like me ka ʻai ʻana a kēlā kanaka kēia kanaka, pēlā nō ʻoukou e helu ai i nā hipa keiki.

KA BUKE ʻALUA A MOSE, I KAPA ʻIA PUKA ʻANA 12:6

‘Na ʻoukou ia e mālama a hiki i ka lā ʻumikumamāhā o ia malama; a na ke anaina kanaka a pau o kā ʻIseraʻela e pepehi iho ia i ke ahiahi.

KA BUKE ʻALUA A MOSE, I KAPA ʻIA PUKA ʻANA 14:15

¶ ʻĪ maila ʻo Iēhova iā Mose, “No ke aha lā ʻoe e kāhea mai nei iaʻu? E ʻī aku ʻoe i nā mamo a ʻIseraʻela, e hele aku lākou i mua.

KA BUKE ʻALUA A MOSE, I KAPA ʻIA PUKA ʻANA 20:19

ʻĪ akula lākou iā Mose, “Nāu nō mākou e ʻōlelo mai, a e hoʻolohe aku nō mākou; akā, mai ʻōlelo mai ke Akua iā mākou, o make auaneʻi mākou.”

KA BUKE ʻALUA A MOSE, I KAPA ʻIA PUKA ʻANA 4:30

Haʻi akula ʻo ʻAʻarona i nā ʻōlelo a pau a Iēhova i ʻōlelo mai ai iā Mose; a hana ihola ia i nā ʻōuli i mua o nā maka o kānaka.

KA BUKE ʻALUA A MOSE, I KAPA ʻIA PUKA ʻANA 6:6

“No ia mea, e ʻōlelo aku ʻoe i nā mamo a ʻIseraʻela, ‘ʻO wau nō Iēhova, a e lawe mai ana nō wau iā ʻoukou mai lalo mai o nā mea kaumaha a ko ʻAigupita, a e hoʻopakele nō wau iā ʻoukou i ko lākou hoʻoluhi ʻana; a e hoʻōla wau iā ʻoukou me ka lima kākāuha, a me nā hoʻopaʻi ʻana he nui loa.

KA WĀNANA A ʻEZEKIʻELA 40:1

¶ I ka iwakāluakumamālima o ka makahiki o ko kākou pio ʻana, i ka hoʻomaka ʻana o ka makahiki, i ka lā ʻumi o ka malama, i ka ʻumikumamāhā o ka makahiki ma hope mai o ka pepehi ʻia o ke kūlanakauhale, ia lā nō, kau mai ka lima o Iēhova ma luna oʻu, a lawe mai iaʻu i laila.

KA BUKE ʻAKOLU A MOSE, I KAPA ʻIA ʻOIHANA KAHUNA 1:2

“E ʻōlelo aku ʻoe i nā mamo a ʻIseraʻela, e ʻī aku hoʻi iā lākou, ‘Inā e lawe kekahi kanaka o ʻoukou i ka mōhai iā Iēhova, no nā holoholona e lawe ai ʻoukou i kā ʻoukou mōhai, no ka ʻohana bipi, a no ka ʻohana hipa.

KA BUKE ʻAKOLU A MOSE, I KAPA ʻIA ʻOIHANA KAHUNA 5:6

a e lawe mai ʻo ia i kāna mōhai hala iā Iēhova no kona hewa āna i hana ai, he wahine no ka ʻohana, he keiki hipa, a i ʻole ia, he keiki kao, i mōhai hala; a e hana ke kahuna i ke kalahala nona no kona hewa.

KA BUKE ʻAHĀ A MOSE, I KAPA ʻIA NĀ HELU 15:11

¶ ‘Pēlā e hana ʻia aku ai no ka bipi kāne hoʻokahi, a no ka hipa kāne hoʻokahi, a no ke keiki hipa, a no ke keiki kao.

KA ʻEUANELIO I KĀKAU ʻIA AI E IOANE 1:29

¶ A ia lā aʻe, ʻike aʻela ʻo Ioane iā Iesū e hele mai ana i ona lā, ʻī maila, “E nānā i ke Keiki Hipa a ke Akua, nāna e lawe aku ka hala o ke ao nei!

KA ʻEUANELIO I KĀKAU ʻIA AI E IOANE 1:36

A ʻike akula iā Iesū e hele aʻe ana, ʻī maila ia, “E nānā i ke Keiki Hipa a ke Akua!”

KA ʻEUANELIO I KĀKAU ʻIA AI E IOANE 12:1

¶ ʻAono lā ma mua o ka Mōliaola, hele maila ʻo Iesū i Betania, kahi o Lazaro ka mea i make, āna i hoʻāla aʻe mai ka make mai.

KA ʻEUANELIO I KĀKAU ʻIA AI E IOANE 12:12

¶ Ia lā aʻe, hele nui maila nā kānaka i ka ʻahaʻaina, i ko lākou lohe e hele ana ʻo Iesū i Ierusalema;

ʻO KA ʻEPISETOLE MUA A PAULO KA LUNAʻŌLELO I KO KORINETO 5:7

No ia mea, e kiola ʻoukou i waho i ua mea hū kahiko lā, i lilo ʻoukou i pōpō hou i hū ʻole ai ʻoukou. No ka mea, ua mōhai ʻia ʻo Kristo, ko kākou Mōliaola no kākou.

KA BUKE A IOSUA 7:14

‘I ke kakahiaka, e neʻe mai ʻoukou ma ko ʻoukou ʻohana; a ʻo ka ʻohana a Iēhova e lawe ai, e neʻeneʻe mai lākou ma ko lākou hale; a ʻo ka hale a Iēhova e lawe ai, e neʻe mai lākou ma ko lākou ʻōhua; a ʻo ko ka ʻōhua a Iēhova e lawe ai, e neʻe pākahi mai nā kānaka.

KA HŌʻIKE ʻANA A IOANE KA HAIPULE 13:8

A e hoʻomana aku iā ia ka poʻe a pau e noho ana ma ka honua, ka poʻe ʻaʻole i kākau ʻia ko lākou inoa ma ka Buke o ke Ola a ke Keiki Hipa, ka mea i pepehi ʻia mai ka hoʻokumu ʻana mai o ka honua nei.

KA BUKE MUA A SAMUʻELA 7:9

Lawe akula ʻo Samuʻela i ke keiki hipa omo waiū, a kaumaha akula ia mea a pau i mōhai kuni iā Iēhova; a kāhea akula ʻo Samuʻela iā Iēhova no kā ʻIseraʻela, a hoʻolohe mai ʻo Iēhova iā ia.