KA BUKE ʻALUA A MOSE, I KAPA ʻIA PUKA ʻANA 12:2 - Ka Baibala Hemolele

² “Eia ka malama maka mua o ko ʻoukou mau malama, eia ka malama mua o ko ʻoukou makahiki.

KA BUKE ʻALUA A MOSE, I KAPA ʻIA PUKA ʻANA 12:2 Iomraidhean Croise

KA BUKE NO ʻESETERA 3:7

¶ I ka malama mua, ʻo ia hoʻi ka malama ʻo Nisana, i ka makahiki ʻumikumamālua o ke aliʻi ʻo ʻAhasuero, hoʻolei Pura lākou, ʻo ia hoʻi ka hailona, i mua o Hamana i kēlā lā i kēia lā, i kēlā malama i kēia malama, a hiki i ka malama ʻumikumamālua, ʻo ia hoʻi ʻo ʻAdara.

KA BUKE ʻALUA A MOSE, I KAPA ʻIA PUKA ʻANA 12:1

¶ ʻŌlelo maila ʻo Iēhova iā Mose lāua ʻo ʻAʻarona, ma ka ʻāina ʻo ʻAigupita, ʻī maila,

KA BUKE ʻALUA A MOSE, I KAPA ʻIA PUKA ʻANA 12:18

‘I ka malama maka mua, i ka lā ʻumikumamāhā o ka malama, i ke ahiahi, a laila e ʻai ʻoukou i ka berena hū ʻole, a hiki i ke ahiahi o ka lā iwakāluakumamākahi o ua malama lā.

KA BUKE ʻALUA A MOSE, I KAPA ʻIA PUKA ʻANA 12:3

“E ʻōlelo aku ʻolua i ka poʻe kānaka o kā ʻIseraʻela a pau, e ʻī aku: ‘I ka lā ʻumi o kēia malama, e lawe kēlā kanaka kēia kanaka i hipa keiki ma ko ka hale o nā mākua, he hipa keiki no ka hale hoʻokahi.

KA BUKE ʻALUA A MOSE, I KAPA ʻIA PUKA ʻANA 13:3

¶ ʻĪ akula ʻo Mose i nā kānaka, “E hoʻomanaʻo ʻoukou i kēia lā a ʻoukou i puka mai ai, mai loko mai o ʻAigupita, a mai loko aʻe o ka hale hoʻoluhi; no ka mea, ua lawe mai nei ʻo Iēhova iā ʻoukou mai loko mai o ia wahi, me ka lima ikaika; ʻaʻole e ʻai ʻia ka berena hū.

KA BUKE ʻALUA A MOSE, I KAPA ʻIA PUKA ʻANA 13:4

“I kēia lā ʻoukou i hele mai ai, i ka malama ʻo ʻAbiba.

KA BUKE ʻALUA A MOSE, I KAPA ʻIA PUKA ʻANA 23:15

“E mālama ʻoe i ka ʻAhaʻaina o ka Berena Hū ʻOle; ʻehiku lā ʻoe e ʻai ai i ka berena hū ʻole, me aʻu i kauoha aku ai iā ʻoe, i ka manawa i hāʻawi ʻia, ma ka malama ʻo ʻAbiba; no ka mea, ia wā ʻoe i hele mai ai mai loko mai o ʻAigupita; mai ʻike ʻia naʻe kekahi i mua oʻu me ka waiwai ʻole;

KA BUKE ʻALUA A MOSE, I KAPA ʻIA PUKA ʻANA 34:18

¶ “E mālama ʻoe i ka ʻAhaʻaina o ka Berena Hū ʻOle. ʻEhiku lā kāu e ʻai ai i ka berena hū ʻole, me aʻu i kauoha aku ai iā ʻoe, i ka wā o ka malama ʻo ʻAbiba; no ka mea, i ka malama ʻo ʻAbiba i puka mai ai ʻoe ma waho mai o ʻAigupita.

KA BUKE ʻALUA A MOSE, I KAPA ʻIA PUKA ʻANA 40:17

¶ A i ka malama mua o ka makahiki ʻalua, i ka lā mua o ka malama, ua kūkulu ʻia ka halelewa.

KA WĀNANA A ʻEZEKIʻELA 45:18

¶ ‘Ke ʻī mai nei Iēhova ka Haku, penei, “ʻO ka malama mua, i ka lā mua o ka malama, e lawe ai ʻoe i ka bipi ʻōpiopio kīnā ʻole, a e hoʻomaʻemaʻe i kahi hoʻāno.

KA WĀNANA A ʻEZEKIʻELA 45:21

¶ “I ka malama mua, i ka lā ʻumikumamāhā o ka malama, iā ʻoukou ka Mōliaola, he ʻahaʻaina no nā lā ʻehiku; e ʻai ʻia ka berena hū ʻole.

KA BUKE ʻAKOLU A MOSE, I KAPA ʻIA ʻOIHANA KAHUNA 23:5

‘I ka lā ʻumikumamāhā o ka malama mua, i ke ahiahi, i laila ka Mōliaola a Iēhova.

KA BUKE ʻAHĀ A MOSE, I KAPA ʻIA NĀ HELU 28:16

¶ ‘I ka lā ʻumikumamāhā o ka malama mua ka Mōliaola no Iēhova.

KA BUKE ʻALIMA A MOSE, I KAPA ʻIA KĀNĀWAI LUA 16:1

¶ “E hoʻomanaʻo ʻoe i ka malama ‘o ʻAbiba, a e mālama ʻoe i ka Mōliaola na Iēhova kou Akua; no ka mea, ʻo ʻAbiba ka malama a Iēhova kou Akua i lawe mai ai iā ʻoe mai loko mai o ʻAigupita i ka pō.