KA BUKE ʻALUA A MOSE, I KAPA ʻIA PUKA ʻANA 12:11 - Ka Baibala Hemolele

¹¹ ‘Penei ʻoukou e ʻai ai; e hoʻoliki ʻia ko ʻoukou pūhaka, a me nā kāmaʻa e paʻa ana ma ko ʻoukou mau wāwae, a me ke koʻokoʻo ma ko ʻoukou lima; e ʻai wikiwiki ʻoukou; no ka mea, ʻo ka Mōliaola ia na Iēhova.

KA BUKE ʻALUA A MOSE, I KAPA ʻIA PUKA ʻANA 12:11 Iomraidhean Croise

KA BUKE ʻALUA NO NĀ ALIʻI 23:21

¶ Kauoha akula ke aliʻi i nā kānaka a pau, ʻī akula, “E mālama ʻoukou i ka Mōliaola no Iēhova ko ʻoukou Akua, e like me ka mea i kākau ʻia ma ka Buke o kēia Kānāwai.”

KA BUKE ʻALUA A MOSE, I KAPA ʻIA PUKA ʻANA 12:13

‘A ʻo ke koko, ʻo ia ka hōʻailona no ʻoukou ma nā hale o ko ʻoukou wahi; aia ʻike aku au i ke koko, e waiho wau iā ʻoukou, ʻaʻole e kau mai ka mea ʻino ma luna o ʻoukou e make ai, iaʻu e pepehi iho ai i ko ka ʻāina ʻo ʻAigupita.

KA BUKE ʻALUA A MOSE, I KAPA ʻIA PUKA ʻANA 12:21

¶ A laila, kiʻi akula ʻo Mose i nā lunakahiko a pau o kā ʻIseraʻela, ʻī akula iā lākou, “E wae ʻoukou, a e lawe i kā ʻoukou hipa keiki, ma kā ʻoukou mau ʻohana, a e pepehi i ka Mōliaola.

KA BUKE ʻALUA A MOSE, I KAPA ʻIA PUKA ʻANA 12:27

“E ʻōlelo aku ʻoukou, ‘ʻO ka mōhai Mōliaola kēia na Iēhova, nāna nō i waiho i nā hale o nā mamo a ʻIseraʻela ma ʻAigupita, i ka wā āna i pepehi aku ai i ko ʻAigupita, a hoʻopakele mai i ko nā hale o mākou.’” Kūlou ihola ke poʻo o kānaka a hoʻomana akula.

KA BUKE ʻALUA A MOSE, I KAPA ʻIA PUKA ʻANA 12:43

¶ ʻĪ maila ʻo Iēhova iā Mose lāua ʻo ʻAʻarona, “Eia nō ke kānāwai o ka Mōliaola; ʻaʻole e ʻai ke kanaka ʻē ia mea.

KA WĀNANA A ʻISAIA 52:12

No ka mea, ʻaʻole ʻoukou e puka aku me ka holo, ʻAʻole hoʻi ʻoukou e hele me ka ʻauheʻe; No ka mea, e hele nō ʻo Iēhova i mua o ʻoukou, A ʻo ke Akua o kā ʻIseraʻela auaneʻi ka mea hele ma hope o ʻoukou.

KA WĀNANA A ʻEZEKIʻELA 45:21

¶ “I ka malama mua, i ka lā ʻumikumamāhā o ka malama, iā ʻoukou ka Mōliaola, he ʻahaʻaina no nā lā ʻehiku; e ʻai ʻia ka berena hū ʻole.

KA BUKE ʻAKOLU A MOSE, I KAPA ʻIA ʻOIHANA KAHUNA 23:5

‘I ka lā ʻumikumamāhā o ka malama mua, i ke ahiahi, i laila ka Mōliaola a Iēhova.

KA BUKE ʻAHĀ A MOSE, I KAPA ʻIA NĀ HELU 28:16

¶ ‘I ka lā ʻumikumamāhā o ka malama mua ka Mōliaola no Iēhova.

KA BUKE ʻAHĀ A MOSE, I KAPA ʻIA NĀ HELU 9:1

¶ ʻŌlelo maila ʻo Iēhova iā Mose ma ka wao nahele ʻo Sinai, i ka malama mua o ka lua o ka makahiki, ma hope o ko lākou puka ʻana mai loko mai o ka ʻāina ʻo ʻAigupita, ʻī maila,

KA ʻEUANELIO I KĀKAU ʻIA AI E LUKA 12:35

¶ “E kākoʻo ʻia ko ʻoukou mau pūhaka, i ʻaʻā hoʻi ko ʻoukou mau kukui.

KA ʻEUANELIO I KĀKAU ʻIA AI E LUKA 15:22

“Akā, ʻī akula ka makua i kāna mau kauā, ‘E lawe mai i ka ʻaʻahu maikaʻi loa, a e hōʻaʻahu aʻe iā ia; a e hoʻokomo i ke komo lima ma kona lima, a me nā kāmaʻa ma kona mau wāwae;

KA ʻEUANELIO I KĀKAU ʻIA AI E LUKA 2:41

¶ Hele nā mākua ona i Ierusalema i kēlā makahiki i kēia makahiki i ka ʻAhaʻaina Mōliaola.

KA ʻEUANELIO I KĀKAU ʻIA AI E LUKA 7:38

kū ihola ia ma hope, ma kona mau wāwae, e uē ana, hoʻomaka ihola ia e hoʻopulu i ko Iesū mau wāwae me ka waimaka, a holoi ihola me ka lauoho o kona poʻo, a honi ihola i kona mau wāwae, a poni ihola me ka mea poni.

ʻO KA ʻEPISETOLE MUA A PAULO KA LUNAʻŌLELO I KO KORINETO 5:7

No ia mea, e kiola ʻoukou i waho i ua mea hū kahiko lā, i lilo ʻoukou i pōpō hou i hū ʻole ai ʻoukou. No ka mea, ua mōhai ʻia ʻo Kristo, ko kākou Mōliaola no kākou.

ʻO KA ʻEPISETOLE A PAULO KA LUNAʻŌLELO I KO ʻEPESO 6:15

i hāwele ʻia hoʻi «ko ʻoukou wāwae i ka mākaukau no ka ʻeuanelio e malu ai».

KA BUKE ʻALIMA A MOSE, I KAPA ʻIA KĀNĀWAI LUA 16:1

¶ “E hoʻomanaʻo ʻoe i ka malama ‘o ʻAbiba, a e mālama ʻoe i ka Mōliaola na Iēhova kou Akua; no ka mea, ʻo ʻAbiba ka malama a Iēhova kou Akua i lawe mai ai iā ʻoe mai loko mai o ʻAigupita i ka pō.

KA BUKE A IOSUA 5:10

Hoʻomoana nō nā mamo a ʻIseraʻela ma Gilegala, a mālama ihola lākou i ka Mōliaola, i ka lā ʻumikumamāhā o ka malama, i ke ahiahi, ma nā wahi pāpū o Ieriko.

ʻO KA ʻEPISETOLE HOʻOLAHA MUA A PETERO 1:13

¶ No ia mea, e kāʻei ʻoukou i ka pūhaka o ko ʻoukou naʻau, e kūoʻo, a e hoʻomau i ka lana ʻana o ka manaʻo, no ke aloha ʻia mai i ka wā e hōʻikea mai ai ʻo Iesū Kristo.