KA BUKE ʻALUA A MOSE, I KAPA ʻIA PUKA ʻANA 11:8 - Ka Baibala Hemolele

⁸ “A ʻo kēia poʻe kauā āu, e hele mai nō lākou i oʻu nei, a e kūlou i lalo i mua oʻu, a e ʻī mai, ‘E hele aku ʻoe, a me nā kānaka a pau ma muli ou.’ A ma hope iho e puka aku nō wau.” Hele aʻela ia mai o Paraʻo mai me ka wela o kona huhū.

KA BUKE ʻALUA A MOSE, I KAPA ʻIA PUKA ʻANA 11:8 Iomraidhean Croise

KA BUKE MUA NO NĀ ALIʻI 20:10

Hoʻouna hou maila ʻo Bene-Hadada i ona lā, ʻī maila, “Pēlā e hana mai ai nā akua iaʻu, a e hui hou, ke lawa ka lepo o Samaria e piha ai nā lima o ka poʻe kānaka a pau e hahai ana ma muli oʻu.”

KA BUKE ʻALUA NO NĀ ALIʻI 3:9

A hele akula ke aliʻi o kā ʻIseraʻela, a me ke aliʻi o kā Iuda, a me ke aliʻi o kā ʻEdoma; a hele pōʻai lākou i ka hele ʻana i nā lā ʻehiku, ʻaʻohe wai no ka poʻe kaua, a no nā holoholona ma hope o lākou.

KA BUKE A NEHEMIA 5:6

¶ A huhū loa ihola au i koʻu lohe ʻana i ko lākou ʻōhumu ʻana, a me kēia mau mea.

KA BUKE O NĀ HALELŪ 6:1

¶ E Iēhova, mai hoʻohewa mai ʻoe iaʻu me kou huhū; Mai hahau mai ʻoe iaʻu, me kou inaina nui.

KA BUKE ʻALUA A MOSE, I KAPA ʻIA PUKA ʻANA 10:29

ʻĪ akula ʻo Mose iā ia, “Ua ʻōlelo pono mai ʻoe; ʻaʻole au e ʻike hou aku i kou maka.”

KA WĀNANA A ʻISAIA 49:23

“A e lilo nā aliʻi i poʻe mākua kāne hānai nou, A ʻo nā wāhine aliʻi a lākou, i poʻe mākuahine hānai nou; A e kūlou i lalo i ka honua ko lākou maka i mua ou, A e palu iho lākou i ka lepo o kou mau wāwae; A e ʻike auaneʻi ʻoe, ʻo wau nō Iēhova; No ka mea, ʻo ka poʻe e kali iaʻu, ʻaʻole lākou e hilahila.

KA WĀNANA A ʻISAIA 49:26

“ʻO ka poʻe hoʻoluhi aku iā ʻoe, E hānai aku au iā lākou i ko lākou ʻiʻo iho, A e ʻona auaneʻi lākou i ko lākou koko iho, e like me ka waina hou; A e ʻike nō nā mea ʻiʻo a pau, ʻo wau nō Iēhova, ʻO kou Ola, a me kou Hoʻōla Pānaʻi, Ka Mea Mana hoʻi o kā Iakoba.”

KA WĀNANA A ʻEZEKIʻELA 3:14

Kaʻikaʻi aʻela hoʻi ka ʻUhane iaʻu, a lawe aku iaʻu, a hele au me ke kaumaha loa a me ka wela o koʻu ʻuhane; akā, ua kau ikaika mai ka lima o Iēhova ma luna iho oʻu.

KA BUKE NO DANIʻELA 3:19

¶ A laila, piha aʻela ʻo Nebukaneza i ka huhū, a ʻano ʻē aʻela kona helehelena iā Saderaka, a me Mesaka, a me ʻAbedenego; a hoʻolale aʻela ʻo ia e hoʻaʻā i ka umu ahi a pāhiku ka ʻenaʻena ʻana i kona mau e ʻenaʻena ai.

KA BUKE ʻAHĀ A MOSE, I KAPA ʻIA NĀ HELU 12:3

(A ʻo ua kanaka lā ʻo Mose, ua ʻoi aku kona akahai ma mua o ko nā kānaka a pau ma luna o ka honua.)

KA ʻEUANELIO I KĀKAU ʻIA AI E MAREKO 3:5

Nānā aʻela ʻo ia iā lākou me ka inaina; no ka mea, ua minamina ia no ka paʻakikī o ko lākou naʻau. ʻĪ aʻela ia i ua kanaka lā, “E ʻō mai kou lima.” A ʻō maila ia, a laila hoʻōla ʻia ihola ia, e like me kekahi lima.

KA BUKE ʻALIMA A MOSE, I KAPA ʻIA KĀNĀWAI LUA 29:24

“A e ʻōlelo mai nā lāhui kanaka a pau, ‘No ke aha lā i hana mai ai ʻo Iēhova i kēia ʻāina pēlā? No ke aha lā hoʻi ka wela o kēia inaina nui?’

KA BUKE ʻALIMA A MOSE, I KAPA ʻIA KĀNĀWAI LUA 32:24

‘E pau auaneʻi lākou i ka pōloli, E ʻai ʻia hoʻi lākou i ke ahi wela, a me ka make ʻawaʻawa; ʻO ka niho o nā mea hihiu kaʻu e hoʻouna aku ai ma luna o lākou, A me nā mea make o nā nahesa o ka honua.

ʻO KA ʻEPISETOLE A PAULO KA LUNAʻŌLELO I KO HEBERA 11:27

Ma ka manaʻoʻiʻo nō ʻo ia i haʻalele ai iā ʻAigupita, me ka makaʻu ʻole aku i ka huhū o ke aliʻi; no ka mea, ua kūpaʻa ʻo ia me he mea lā e ʻike maoli ana i ka Mea i ʻike maka ʻole ʻia.

KA HŌʻIKE ʻANA A IOANE KA HAIPULE 3:9

‘Aia hoʻi, e hoʻolilo aku au i hale hālāwai o Sātana, i ka poʻe i ʻōlelo iā lākou iho, he poʻe Iudaio, ʻaʻole kā, ua wahaheʻe lākou; e hana aku nō au iā lākou, a e hele mai lākou a e kukuli hoʻomaikaʻi i mua o kou wāwae, a e ʻike auaneʻi lākou, ʻo wau nō kai aloha aku iā ʻoe.

KA BUKE NO NĀ LUNA KĀNĀWAI 4:10

Hoʻākoakoa maila ʻo Baraka i kā Zebuluna, a me kā Napetali i Kedesa; a piʻi pū akula ia me nā kānaka, he ʻumi tausani, ma kona wāwae, a piʻi pū akula ʻo Debora me ia.

KA BUKE NO NĀ LUNA KĀNĀWAI 8:5

ʻĪ aʻela ia i kānaka o Sukota, “Ke nonoi aku nei au iā ʻoukou, e hāʻawi mai i mau pōpō berena na ka poʻe e hahai ana iaʻu; no ka mea, ua maka pōniuniu lākou, a e hahai ana au iā Zeba, a me Zalemuna, i nā aliʻi o ko Midiana.”