KA BUKE ʻALUA A MOSE, I KAPA ʻIA PUKA ʻANA 11:5 - Ka Baibala Hemolele

⁵ a e make auaneʻi nā hiapo a pau o ka ʻāina ʻo ʻAigupita nei, mai ka hiapo mai a Paraʻo, ka mea noho ma kona noho aliʻi, a hiki i ka hiapo a ke kauā wahine e noho ana ma ka mea wili palaoa; a me nā hiapo a pau a nā holoholona.

KA BUKE ʻALUA A MOSE, I KAPA ʻIA PUKA ʻANA 11:5 Iomraidhean Croise

KA BUKE O NĀ HALELŪ 105:36

Pepehi nō hoʻi ʻo ia i nā makahiapo a pau o ko lākou ʻāina, I ke poʻokela hoʻi o ko lākou ikaika a pau.

KA BUKE O NĀ HALELŪ 135:8

¶ Nāna nō i pepehi ka makahiapo o ko ʻAigupita, Kā ke kanaka, a me kā ka holoholona hoʻi.

KA BUKE O NĀ HALELŪ 136:10

¶ I ka Mea nāna i luku ko ʻAigupita, ma ko lākou makahiapo, No ka mea, ua mau loa kona lokomaikaʻi;

KA BUKE O NĀ HALELŪ 78:51

A pepehi nō hoʻi i nā hiapo a pau o ʻAigupita, ʻO nā poʻo ikaika ma nā halelewa o Hama.

KA BUKE ʻALUA A MOSE, I KAPA ʻIA PUKA ʻANA 12:12

‘No ka mea, e hele aku ana au ma ka ʻāina a pau o ʻAigupita i kēia pō, a e pepehi nō wau i nā hiapo a pau ma ka ʻāina ʻo ʻAigupita, ʻo kā ke kanaka a me kā ka holoholona; a e hoʻopaʻi aku nō wau i nā akua a pau o ʻAigupita; ʻo wau nō Iēhova.

KA BUKE ʻALUA A MOSE, I KAPA ʻIA PUKA ʻANA 12:29

¶ A hiki i ke aumoe, pepehi ihola ʻo Iēhova i nā hiapo a pau, ma ka ʻāina ʻo ʻAigupita, mai ka hiapo a Paraʻo, a ka mea noho ma luna o kona noho aliʻi, a hiki i ka hiapo a ka mea pio i loko o ka hale lua paʻahao, a me nā hiapo a pau a nā holoholona.

KA BUKE ʻALUA A MOSE, I KAPA ʻIA PUKA ʻANA 13:15

‘A i ka wā i ʻauʻa ai ʻo Paraʻo i ke kuʻu mai iā mākou, a laila pepehi ihola ʻo Iēhova i nā hiapo a pau ma ka ʻāina ʻo ʻAigupita, ʻo ka hiapo a ke kanaka a me ka hiapo a ka holoholona; no laila kaʻu e mōhai aku nei i nā kāne a pau i hānau mua; akā, ʻo nā hiapo a pau a kaʻu mau keiki, ʻo ia kaʻu e hoʻola pānaʻi aku.’

KA BUKE ʻALUA A MOSE, I KAPA ʻIA PUKA ʻANA 4:23

“Ke ʻōlelo aku nei au iā ʻoe, ‘E hoʻokuʻu ʻoe i kaʻu keiki, i mālama mai ia iaʻu: a inā e hōʻole mai ʻoe i kona hoʻokuʻu ʻia, aia hoʻi, e pepehi aku nō au i kāu keiki kāne, i kāu hiapo hoʻi.’”

KA WĀNANA A ʻISAIA 47:2

“E lawe i ka mea kaʻa palaoa, a e kaʻa hoʻi i ka palaoa, E wehe i kou pale maka, e waiho aku ka huʻa kapu, E wehe i ka ʻūhā, a e hele aʻe i kēlā ʻaoʻao o nā muliwai.

KE KANIKAU A IEREMIA 5:13

Lawe lākou i nā kānaka uʻi, i poʻe wili palaoa, Hīkākā aʻela nā kānaka ʻōpiopio, ma lalo iho o ka lāʻau.

KA ʻEUANELIO I KĀKAU ʻIA AI E MATAIO 24:41

“ʻElua wāhine e wili palaoa ana, a lawe ʻia kekahi, a e koe nō kekahi.

ʻO KA ʻEPISETOLE A PAULO KA LUNAʻŌLELO I KO HEBERA 11:28

Ma ka manaʻoʻiʻo hoʻi ʻo ia i mālama ai i ka Mōliaola, a me ka pīpī ʻana o ke koko, i ʻole ai e hoʻopā mai iā lākou ka mea nāna i luku mai i nā makahiapo.

KA BUKE NO NĀ LUNA KĀNĀWAI 16:21

Hoʻopaʻa ihola ko Pilisetia iā ia, pōʻalo akula i kona mau maka, a lawe aʻela iā ia i Gaza, a hoʻopaʻa ihola iā ia i nā kūpeʻe keleawe; a wili aʻela ia i loko o ka hale paʻahao.