KA BUKE ʻALUA A MOSE, I KAPA ʻIA PUKA ʻANA 10:7 - Ka Baibala Hemolele

⁷ ʻŌlelo akula nā kauā a Paraʻo iā ia, “Pehea lā ka lōʻihi o ka hoʻohihia ʻana o kēia kanaka iā kākou? E hoʻokuʻu aku i ua poʻe kānaka lā, i hoʻokauā aku ai lākou na Iēhova na ko lākou Akua. ʻAʻole anei ʻoe i ʻike i nēia manawa, ua oki loa ʻo ʻAigupita nei?”

KA BUKE ʻALUA A MOSE, I KAPA ʻIA PUKA ʻANA 10:7 Iomraidhean Croise

KA BUKE O NĀ HALELŪ 107:34

A me ka ʻāina hua nui, i ʻāina hua ʻole, No ka hewa o ka poʻe e noho ana ma laila.

KA BUKE ʻALUA A MOSE, I KAPA ʻIA PUKA ʻANA 12:33

Ikaika ihola ka manaʻo o ko ʻAigupita, e kipaku koke iā lākou mai ka ʻāina aku; no ka mea, “Ua pau mākou i ka make,” wahi a lākou.

KA BUKE ʻALUA A MOSE, I KAPA ʻIA PUKA ʻANA 23:33

“ʻAʻole lākou e noho i kou ʻāina, o hoʻolilo lākou iā ʻoe i mea hana hewa mai iaʻu; no ka mea, inā e mālama ʻoe i ko lākou mau akua, e lilo auaneʻi ia i mea hoʻowalewale nou.”

KA BUKE ʻALUA A MOSE, I KAPA ʻIA PUKA ʻANA 7:5

“A e ʻike auaneʻi ko ʻAigupita, ʻo wau nō Iēhova, iaʻu e hoʻokākāuha aku ai i koʻu lima ma luna o ʻAigupita, a e lawe mai i nā mamo a ʻIseraʻela mai waena mai o lākou.”

KA BUKE ʻALUA A MOSE, I KAPA ʻIA PUKA ʻANA 8:19

A laila ʻōlelo aʻela nā māgoi iā Paraʻo, “Eia nō ka lima o ke Akua.” Ua hoʻopaʻakikī ʻia nō naʻe ko Paraʻo naʻau; ʻaʻole ia i hoʻolohe i kā lāua, e like me kā Iēhova i ʻōlelo mai ai.

NĀ ʻŌLELO AKAMAI A SOLOMONA 29:6

Punihei ʻia ke kanaka hewa ma kona hewa iho; Hauʻoli nō ka mea pono me ka ʻoliʻoli.

KE KAHUNA 7:26

A ua loaʻa mai iaʻu kēia, ʻo ka wahine nona ka naʻau e hoʻohihia ai, a e hoʻohei ai, nona hoʻi nā lima e paʻa ai me he kaula lā, ua ʻoi aku kona ʻawaʻawa ma mua o ka make; ʻo ka mea maikaʻi i mua o ke Akua e pakele nō ia mai ona aku lā; akā, ʻo ka mea hewa, e hihia auaneʻi ʻo ia iā ia.

KA WĀNANA A ʻISAIA 14:20

“ʻAʻole ʻoe e hui pū ʻia me lākou ma ke kanu ʻana, No ka mea, ua hoʻōki loa ʻoe i kou ʻāina iho, Ua luku nō ʻoe i kou poʻe kānaka; ʻAʻole e hea hou ʻia ka hanauna o ka poʻe hewa a i ke ao pau ʻole.

KA WĀNANA A ʻISAIA 51:9

¶ E ala, e ala, e ʻaʻahu i ka ikaika, e ka lima o Iēhova; E ala, e like me ia i nā lā ma mua, I nā hanauna kahiko loa aku hoʻi. ʻAʻole anei ʻoe ka mea nāna i ʻokiʻoki iā Rahaba? A hou iho nō hoʻi i ka moʻo nui?

KA WĀNANA A IEREMIA 48:4

“Ua ʻānai ʻia ʻo Moaba; Ua uē nā kamaliʻi ʻuʻuku a lohe ʻia.

KA WĀNANA A IEREMIA 51:8

Ua hāʻule hoʻohikilele ʻo Babulona, a ua ʻānai ʻia; E ʻaoa nona, e kiʻi hoʻi i wahi nini no kona ʻeha, Inā paha e hoʻōla ʻia ʻo ia.

ZEPANIA 1:18

ʻAʻole hoʻi e hiki i kā lākou kālā, ʻaʻole hoʻi i kā lākou gula Ke hoʻopakele iā lākou I ka lā o ko Iēhova inaina; Akā, e pau auaneʻi ka ʻāina a pau I ke ahi o kona lili ʻana; No ka mea, e hoʻopau koke ana ʻo ia I ka poʻe a pau E noho ana ma ka ʻāina.

ʻO KA ʻEPISETOLE MUA A PAULO KA LUNAʻŌLELO I KO KORINETO 7:35

Ke ʻōlelo aku nei au i kēia i mea e pono ai ʻoukou; ʻaʻole e hoʻohihia ai ʻoukou, no ka pono naʻe, i mālama ʻoukou i ka Haku, me ka ikaika a me ka hihia ʻole.

KA BUKE A IOSUA 23:13

e ʻike pono ʻoukou, ʻaʻole e kipaku hou aku ʻo Iēhova, ko ʻoukou Akua i kēia mau lāhui kanaka, mai ko ʻoukou alo aku; akā, e lilo lākou i mau pahele no ʻoukou, a he mea ʻūpiki, a he mea hahau ma ko ʻoukou mau ʻaoʻao, a i mea ʻoʻoi ma ko ʻoukou mau maka, a make wale ʻoukou, mai kēia ʻāina maikaʻi aku a Iēhova ko ʻoukou Akua i hāʻawi mai ai no ʻoukou.

KA BUKE MUA A SAMUʻELA 18:21

ʻĪ akula ʻo Saula, “E hāʻawi aku au iā ia nāna, i lilo ai ia i mea hihia nona, a i kūʻē mai ai ka lima o ko Pilisetia iā ia.” ʻĪ akula ʻo Saula iā Dāvida, “E lilo mai ʻoe i kēia lā i hūnōna kāne naʻu ma kekahi o lāua.”

KA BUKE MUA A SAMUʻELA 5:11

No ia hoʻi, hoʻouna akula lākou e hōʻuluʻulu i nā haku a pau o ko Pilisetia, ʻī akula, “E lawe aku i ka pahu o ke Akua o kā ʻIseraʻela, a e hoʻihoʻi aku ma kona wahi, i ʻole ai ia e pepehi mai iā mākou a me ko mākou poʻe kānaka”; no ka mea, he make nui ma ke kūlanakauhale a pau; ua kaumaha loa ka lima o ke Akua ma laila.