KA BUKE ʻALUA A MOSE, I KAPA ʻIA PUKA ʻANA 10:5 - Ka Baibala Hemolele

⁵ ‘A e uhi mai auaneʻi lākou ma luna o ka ʻāina, ʻaʻole e ʻikea ka ʻāina ke nānā aku; a e ʻai iho nō lākou i ke koena o nā mea i waiho ʻia na ʻoukou e ka huahekili; a e ʻai iho hoʻi lākou i nā lāʻau a pau e ulu ana no ʻoukou ma ke kula.

KA BUKE ʻALUA A MOSE, I KAPA ʻIA PUKA ʻANA 10:5 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 10:12

¶ ʻĪ maila ʻo Iēhova iā Mose, “E ʻō aku kou lima, ma luna o ka ʻāina ʻo ʻAigupita no nā ʻūhini, i hele mai ai lākou ma luna o ka ʻāina ʻo ʻAigupita, a e ʻai iho i nā lāʻau iki ʻai a pau o ka ʻāina, i nā mea a pau i waiho ʻia e ka huahekili.”

KA BUKE ʻALUA A MOSE, I KAPA ʻIA PUKA ʻANA 10:15

No ka mea, uhi paʻapū ihola lākou i ka ʻāina a pau, a pōʻeleʻele hoʻi ka ʻāina; ʻai ihola lākou i nā lāʻau iki ʻai a pau o ka ʻāina, a me ka hua a pau o nā lāʻau, a ka huahekili i waiho mai ai; ʻaʻole i koe kekahi mea uliuli ma nā lāʻau, a ma nā lāʻau iki ʻai o ke kula, ma ka ʻāina a pau o ʻAigupita.

KA BUKE ʻALUA A MOSE, I KAPA ʻIA PUKA ʻANA 10:4

‘Akā, inā e hōʻole ʻoe, ʻaʻole e hoʻokuʻu mai i koʻu poʻe kānaka, aia hoʻi, i ka lā ʻapōpō, e halihali mai nō wau i nā ʻūhini ma kou ʻāina.

KA BUKE ʻALUA A MOSE, I KAPA ʻIA PUKA ʻANA 9:32

Akā, ʻo ka palaoa, a me ka palaoa ʻeleʻele, ʻaʻole i make; no ka mea, ua ʻōpiopio.

IOʻELA 1:4

¶ ʻO ka mea i koe i ka ʻūhini hulu ʻole, ua pau ia i ka ʻūhini; A ʻo ka mea i koe i ka ʻūhini, ua pau ia i ka ʻūhini huluhulu, A ʻo ka mea i koe i ka ʻūhini huluhulu, ua pau ia i ka ʻūhini hulu ʻole.

IOʻELA 2:25

“A e uku au iā ʻoukou no nā makahiki o nā ʻūhini i ʻai ai, A ka ʻūhini huluhulu, a me ka ʻūhini hulu ʻole, a me ka ʻūhini ʻōpio hulu ʻole, Kuʻu poʻe kaua nui aʻu i hoʻouna aku ai i waena o ʻoukou.

IOʻELA 2:3

E ʻai ana ke ahi i mua ona, A ma hope ona, he lapalapa e hoʻopau ana. Me ka māla ʻo ʻEdena, pēlā ka ʻāina ma mua ona; A ma hope ona, me he wao akua lā; ʻAʻole hoʻi e pakele kekahi mea iā ia.