ʻO KA ʻEPISETOLE A PAULO KA LUNAʻŌLELO I KO ʻEPESO 6:10 - Ka Baibala Hemolele

¹⁰ ¶ Eia hoʻi, e nā hoahānau oʻu, i ikaika ʻoukou ma ka Haku, a ma ka ikaika o kona mana.

ʻO KA ʻEPISETOLE A PAULO KA LUNAʻŌLELO I KO ʻEPESO 6:10 Iomraidhean Croise

KA BUKE MUA O KA ʻOIHANA ALIʻI 28:10

“E mālama ʻoe ʻānō; no ka mea, ua wae mai ʻo Iēhova iā ʻoe e hana i hale no ke keʻena kapu; e hoʻoikaika ʻoe, a e hana.”

KA BUKE MUA O KA ʻOIHANA ALIʻI 28:20

¶ ʻŌlelo maila ʻo Dāvida iā Solomona kāna keiki, “E ikaika ʻoe, a e koa hoʻi, a e hana; mai makaʻu ʻoe, ʻaʻole hoʻi e pauaho; no ka mea, me ʻoe pū nō ʻo Iēhova ke Akua, ʻo koʻu Akua; ʻaʻole ʻo ia e hoʻohoka mai, ʻaʻole hoʻi e haʻalele mai iā ʻoe, a paʻa iā ʻoe ka hana a pau no ka ʻoihana o ka hale o Iēhova.

KA BUKE ʻALUA O KA ʻOIHANA ALIʻI 15:7

“E hoʻokanaka ʻoukou, ʻaʻole e hoʻonāwaliwali ko ʻoukou mau lima; no ka mea, e uku ʻia kā ʻoukou hana ʻana!”

KA BUKE O NĀ HALELŪ 138:3

I ka lā aʻu i kāhea aku ai iā ʻoe, A laila, hoʻolohe mai nō ʻoe iaʻu, Ua hoʻoikaika mai ʻoe iaʻu, me ka ikaika ma kuʻu ʻuhane.

KA WĀNANA A ʻISAIA 40:28

ʻAʻole anei ʻoe i ʻike, ʻaʻole anei ʻoe i lohe? ʻO ke Akua Mau Loa ʻo Iēhova, ʻO ka Mea nāna i hana i nā kūkulu o ka honua; ʻAʻole ia e maʻule, ʻaʻole hoʻi e luhi; ʻAʻohe mea e hiki ke hoʻomaopopo i kona ʻike.

KA WĀNANA A ʻISAIA 40:31

Akā, ʻo ka poʻe hilinaʻi aku iā Iēhova, e ulu hou nō ko lākou ikaika; E piʻi ʻēheu aku nō lākou i luna, e like me nā ʻaito; E holo nō lākou, ʻaʻole hoʻi e māloʻeloʻe, E hele mua nō lākou, ʻaʻole hoʻi e maʻule.

HAGAI 2:4

‘Akā, i nui hoʻi ka ikaika ou, e Zerubabela,’ wahi a Iēhova; ‘i nui hoʻi ka ikaika ou, e Iosua, e ke keiki a Iosedeka, ke kahuna nui; i nui hoʻi ka ikaika o ʻoukou, e nā kānaka a pau o ka ʻāina nei, a e hana hoʻi,’ wahi a Iēhova; ‘no ka mea, me ʻoukou pū hoʻi au,’ wahi a Iēhova o nā kaua.

ZEKARIA 8:13

‘No ka mea, me ʻoukou i hōʻino ʻia i waena o ko nā ʻāina ʻē, e ka ʻohana a Iuda, a me ka ʻohana a ʻIseraʻela, pēlā nō au e hoʻōla ai iā ʻoukou, a e hoʻopōmaikaʻi iā ʻoukou; mai makaʻu ʻoukou, e hoʻoikaika hoʻi i ko ʻoukou mau lima.’

ZEKARIA 8:9

¶ “Ke ʻōlelo mai nei ʻo Iēhova o nā kaua penei, e hoʻoikaika i kā ʻoukou mau lima, e ka poʻe lohe i kēia mau lā ia mau ʻōlelo, ma ka waha o nā kāula, ʻo ka poʻe e noho ana i ka wā i hoʻokumu ʻia ai ka hale o Iēhova o nā kaua, i kūkulu ʻia ai ka luakini.

ʻO KA ʻEPISETOLE MUA A PAULO KA LUNAʻŌLELO I KO KORINETO 16:13

¶ E makaʻala ʻoukou, e kūpaʻa ma ka manaʻoʻiʻo, e hoʻokanaka, e ikaika hoʻi.

ʻO KA ʻEPISETOLE LUA A PAULO KA LUNAʻŌLELO I KO KORINETO 13:11

¶ Eia ke oki, e nā hoahānau, aloha ʻoukou; i hemolele ʻoukou, i ʻoluʻolu hoʻi, i hoʻokahi ko ʻoukou manaʻo, e noho ʻoukou me ke kuʻikahi; a ʻo ke Akua nona ke aloha a me ke kuʻikahi e noho pū me ʻoukou.

ʻO KA ʻEPISETOLE A PAULO KA LUNAʻŌLELO I KO ʻEPESO 1:19

a me ka nui loa o kona mana no kākou ka poʻe manaʻoʻiʻo, ma ka hoʻoikaika ʻana o kona mana ikaika,

ʻO KA ʻEPISETOLE A PAULO KA LUNAʻŌLELO I KO ʻEPESO 3:16

i hāʻawi mai ai ʻo ia iā ʻoukou, ma ka nui o kona nani, e hoʻoikaika nui ʻia mai ke kanaka o loko e kona ʻUhane;

KA BUKE ʻALIMA A MOSE, I KAPA ʻIA KĀNĀWAI LUA 31:23

¶ A kauoha akula ʻo ia iā Iosua i ke keiki a Nuna, ʻī akula, “E ikaika ʻoe, e koa hoʻi; no ka mea, nāu nō e hoʻokomo nā mamo a ʻIseraʻela i loko o ka ʻāina aʻu i hoʻohiki ai iā lākou; a ʻo wau pū kekahi me ʻoe.”

ʻO KA ʻEPISETOLE A PAULO KA LUNAʻŌLELO I KO PILIPI 3:1

¶ No nā mea i koe, e nā hoahānau oʻu, e ʻoliʻoli ʻoukou i ka Haku. ʻAʻole oʻu luhi ke palapala aku iā ʻoukou i nā mea like, a he mea pono hoʻi ia no ʻoukou.

ʻO KA ʻEPISETOLE A PAULO KA LUNAʻŌLELO I KO PILIPI 4:13

E hiki nō iaʻu nā mea a pau, ke kōkua mai ʻo Kristo iaʻu.

ʻO KA ʻEPISETOLE A PAULO KA LUNAʻŌLELO I KO PILIPI 4:8

¶ Eia hoʻi, e nā hoahānau, ʻo nā mea ʻoiaʻiʻo, nā mea maikaʻi, nā mea pono, nā mea hala ʻole, nā mea lokomaikaʻi, nā mea lono maikaʻi ia; inā he mea kūpono, inā hoʻi he mea e hoʻomaikaʻi ʻia ai, e noʻonoʻo iho ʻoukou ia mau mea.

ʻO KA ʻEPISETOLE A PAULO KA LUNAʻŌLELO I KO KOLOSA 1:11

E hoʻoikaika nui ʻia mai ʻoukou e kona mana nani, i ke kūpaʻa ʻana, a me ke ahonui a me ka ʻoliʻoli;

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 2:1

¶ ʻO ʻoe hoʻi, e kaʻu keiki, e hoʻoikaika ma ka pono i loko o Kristo Iesū.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 4:17

Akā hoʻi, ʻo ka Haku kai kū mai me aʻu; a ua kōkua mai hoʻi iaʻu, i hōʻoiaʻiʻo nui ʻia aku ma oʻu lā ka haʻi ʻana aku o kāna ʻōlelo, i lohe mai nō hoʻi nā lāhui kanaka a pau; a ua hoʻopakele ʻia mai hoʻi au i ka waha o ka liona.

KA BUKE A IOSUA 1:9

“ʻAʻole anei au i kauoha aku iā ʻoe? E ikaika a e koa hoʻi. Mai makaʻu ʻoe, ʻaʻole hoʻi e weliweli; no ka mea, me ʻoe pū nō ʻo Iēhova ʻo kou Akua, ma ke ala a pau āu e hele ai.”

ʻO KA ʻEPISETOLE HOʻOLAHA MUA A PETERO 3:8

¶ Eia hoʻi ka hope, e lōkahi ko ʻoukou manaʻo a pau, e lokomaikaʻi kekahi i kekahi; he poʻe aloha hoahānau, e menemene hoʻi, a e akahai.

ʻO KA ʻEPISETOLE HOʻOLAHA MUA A PETERO 4:11

Inā e ʻōlelo aku kekahi, e ʻōlelo ia e like me ka ʻōlelo a ke Akua; inā e lawelawe kekahi, e hana nō ia me ka ikaika a ke Akua i hāʻawi mai ai, i hoʻonani ʻia ke Akua ma nā mea a pau, ma o Iesū Kristo lā; iā ia nō ka hoʻonani ʻia, a me ka mana mau loa, i ke ao pau ʻole. ʻĀmene.

ʻO KA ʻEPISETOLE HOʻOLAHA MUA A PETERO 5:10

Akā, ʻo ke Akua, nāna mai ka lokomaikaʻi a pau, ʻo ka Mea i hea mai ai iā kākou nei i ka nani mau loa, ma o Kristo Iesū lā, ma hope o ko ʻoukou ʻeha pākole ʻana, nāna nō e hoʻolilo iā ʻoukou i hemolele loa, a e hoʻokumu hoʻi, a e hoʻoikaika, a e hoʻokūpaʻa iā ʻoukou.

ʻO KA ʻEPISETOLE HOʻOLAHA MUA A IOANE 2:14

Ua palapala aku au iā ʻoukou, e nā mākua kāne; no ka mea, ua ʻike ʻoukou iā ia mai kinohi mai. E nā kānaka uʻi, ua palapala aku au iā ʻoukou; no ka mea, ua ikaika nō ʻoukou, ke noho lā nō ka ʻōlelo a ke Akua i loko o ʻoukou, a ua lanakila nō hoʻi ʻoukou ma luna o ka hewa.

KA BUKE MUA A SAMUʻELA 23:16

Kū aʻela ʻo Ionatana ke keiki a Saula, a hele i o Dāvida lā ma loko o ka ulu lāʻau, a hoʻoikaika akula i kona lima ma ke Akua.