ʻO KA ʻEPISETOLE A PAULO KA LUNAʻŌLELO I KO ʻEPESO 6:1 - Ka Baibala Hemolele

¹ ¶ E nā keiki, e hoʻolohe i ko ʻoukou mau mākua no ka Haku; no ka mea, he pono kēia.

ʻO KA ʻEPISETOLE A PAULO KA LUNAʻŌLELO I KO ʻEPESO 6:1 Iomraidhean Croise

KA BUKE MUA A MOSE, I KAPA ʻIA KINOHI 28:7

a ua hoʻolohe mai ʻo Iakoba i kona makua kāne, a me kona makuahine, a ua hala akula i Padana ʻArama;

KA BUKE MUA A MOSE, I KAPA ʻIA KINOHI 37:13

ʻŌlelo akula ʻo ʻIseraʻela iā Iosepa, “Aia paha kou poʻe kaikuaʻana e hānai holoholona ana ma Sekema? ʻAuhea ʻoe? E hoʻouna ana au iā ʻoe i o lākou lā.” ʻĪ maila kēlā iā ia, “Eia nō wau.”

KA BUKE MUA A MOSE, I KAPA ʻIA KINOHI 48:12

A lawe maila ʻo Iosepa iā lāua ma waena mai o kona mau kuli, a kūlou ihola ia me ka maka i lalo i ka honua.

KA BUKE MUA A MOSE, I KAPA ʻIA KINOHI 50:12

A hana akula kāna mau keiki iā ia e like me kāna i kauoha ai iā lākou.

KA BUKE A NEHEMIA 9:13

“Iho maila ʻoe ma luna o ka mauna ʻo Sinai, ʻŌlelo pū me lākou mai ka lani mai, A hāʻawi maila ʻoe iā lākou i nā ʻōlelo kūpaʻa he pololei, a me nā kapu he ʻoiaʻiʻo, I nā kānāwai a me nā kauoha he maikaʻi:

KA BUKE NO ʻESETERA 2:20

ʻAʻole i hōʻike ʻo ʻEsetera i kona hanauna, a me kona lāhui kanaka, e like me kā Moredekai i kauoha aku ai iā ia; no ka mea, mālama nō ʻo ʻEsetera i ke kauoha a Moredekai, e like me kona manawa i mālama ʻia ai e ia.

KA BUKE NO IOBA 33:27

“E nānā mai nō ia i nā kānaka, A e ʻōlelo iho kekahi, ‘Ua hewa au, A ua hoʻokahuli au i ka pono, ʻaʻole naʻe i hoʻouku ʻia mai au.’

KA BUKE O NĀ HALELŪ 119:128

No laila, manaʻo aʻela au i nā ʻōlelo paʻa a pau, ua pololei lākou a pau; Ua inaina nō hoʻi au i nā ʻaoʻao wahaheʻe a pau.

KA BUKE O NĀ HALELŪ 119:75

Ua ʻike nō wau, e Iēhova, he pololei no kou hoʻopono ʻana. A ma ka ʻoiaʻiʻo no kou hoʻopilikia ʻana mai iaʻu.

KA BUKE O NĀ HALELŪ 19:8

ʻO nā kapu o Iēhova, he maikaʻi nō ia, e hoʻohauʻoli ana i ka naʻau; ʻO ke kauoha a Iēhova, he laʻelaʻe nō ia, e hoʻomālamalama ana i nā maka.

NĀ ʻŌLELO AKAMAI A SOLOMONA 1:8

¶ E kuʻu keiki, e hoʻolohe mai i ke aʻo ʻana a kou makua kāne, ʻAʻole hoʻi e haʻalele i ke kānāwai o kou makuahine;

NĀ ʻŌLELO AKAMAI A SOLOMONA 23:22

¶ E hoʻolohe i kou makua kāne ka mea nāna mai ʻoe; Mai hoʻowahāwahā ʻoe i ka luahine ʻana o kou makuahine.

NĀ ʻŌLELO AKAMAI A SOLOMONA 30:11

¶ ʻO kekahi hanauna, hōʻino nō i ka makua kāne, ʻAʻole hoʻi i hoʻomaikaʻi i ka makuahine.

NĀ ʻŌLELO AKAMAI A SOLOMONA 30:17

ʻO ka maka i hoʻowahāwahā i kona makua kāne, A hōʻole hoʻi ʻaʻole e mālama i kona makuahine, E kiko iho ka poʻe koraka o ke awāwa ia mea, A e ʻai iho nō ka poʻe ʻaeto ʻōpiopio.

NĀ ʻŌLELO AKAMAI A SOLOMONA 6:20

¶ E kuʻu keiki, e mālama ʻoe i ke kauoha a kou makua kāne, Mai haʻalele hoʻi i ke kānāwai o kou makuahine.

KA WĀNANA A IEREMIA 35:14

“ʻO nā ʻōlelo a Ionadaba, ke keiki a Rekaba āna i kauoha iho ai i kāna poʻe keiki, ʻaʻole e inu i ka waina, ua mālama ʻia. No ka mea, a hiki mai i kēia lā, ua inu ʻole lākou, a ua mālama hoʻi i ke kauoha a ka makua. Akā, ua ʻōlelo aku nō wau iā ʻoukou, e ala ana i ka wanaʻao e ʻōlelo, ʻaʻole naʻe ʻoukou i hoʻolohe mai iaʻu.

KA WĀNANA A IEREMIA 35:18

¶ ʻŌlelo aʻela ʻo Ieremia i ko ka hale o kā Rekaba, “Ke ʻōlelo mai nei ʻo Iēhova o nā kaua, ke Akua o kā ʻIseraʻela, penei, ‘No ka mea, ua hoʻolohe ʻoukou i ke kauoha a Ionadaba, ko ʻoukou kupuna kāne, a mālama hoʻi i kona mau kānāwai, a ua hana e like me nā mea a pau āna i kauoha mai ai iā ʻoukou;

KA WĀNANA A IEREMIA 35:8

“Pēlā mākou i hoʻolohe ai i ka leo o Ionadaba, ke keiki a Rekaba, ko mākou kupuna kāne, ma nā mea a pau āna i kauoha mai ai iā mākou, e inu ʻole i ka waina i ko mākou mau lā a pau, ʻo mākou a me kā mākou poʻe wāhine, a me kā mākou poʻe keiki kāne a me kā mākou poʻe kaikamāhine.

HOSEA 14:9

¶ ʻO wai ka mea naʻauao, i noʻonoʻo ai ʻo ia i kēia mau mea? A akamai hoʻi, i ʻike ai ʻo ia i kēia mau mea? No ka mea, ʻo nā ʻaoʻao o Iēhova, ua pololei, A e hele ka poʻe pono i loko o laila; Akā, ʻo ka poʻe lawehala, e hāʻule lākou i loko o laila.

KA BUKE ʻAKOLU A MOSE, I KAPA ʻIA ʻOIHANA KAHUNA 19:3

‘E weliweli ʻoukou kēlā kanaka kēia kanaka i kona makuahine a i kona makua kāne, a e mālama hoʻi i kuʻu mau Sābati; ʻo wau nō Iēhova ko ʻoukou Akua.

KA ʻEUANELIO I KĀKAU ʻIA AI E LUKA 2:51

A iho aʻela ia me lāua a hiki i Nazareta, a noho ia ma lalo iho o lāua; a mālama ihola kona makuahine ia mau mea a pau ma kona naʻau.

ʻO KA ʻEPISETOLE A PAULO KA LUNAʻŌLELO I KO ROMA 12:2

Mai noho ʻoukou a hoʻohālike me ko ke ao nei; akā, e hoʻopāhaʻohaʻo ʻoukou ma ke ʻano hou ʻana o ko ʻoukou naʻau, i hoʻomaopopo ʻoukou i ko ke Akua makemake, ka pono, ka hōʻoluʻolu, a me ka hemolele.

ʻO KA ʻEPISETOLE A PAULO KA LUNAʻŌLELO I KO ROMA 16:2

i hoʻokipa ai ʻoukou iā ia ma loko o ka Haku, e like me ka pono o ka poʻe haipule, a i kōkua hoʻi iā ia i kāna mea e hemahema ai; no ka mea, he nui ka poʻe āna i kōkua mai ai, ʻo wau hoʻi kekahi.

ʻO KA ʻEPISETOLE A PAULO KA LUNAʻŌLELO I KO ROMA 7:12

No laila, ua hemolele ke Kānāwai, a ua hemolele hoʻi, ua pono, ua maikaʻi ke kauoha.

ʻO KA ʻEPISETOLE MUA A PAULO KA LUNAʻŌLELO I KO KORINETO 15:58

No ia mea, e nā hoahānau, e kūpaʻa ʻoukou, me ka nāueue ʻole, me ka hoʻomau i kā ʻoukou hana nui ʻana i ka hana a ka Haku; no ka mea, ua ʻike nō ʻoukou, ʻaʻole i makehewa kā ʻoukou hana ʻana ma ka Haku.

KA BUKE ʻALIMA A MOSE, I KAPA ʻIA KĀNĀWAI LUA 21:18

¶ “A ʻo ke kanaka iā ia ke keiki hewa, paʻakikī, ʻaʻole he hoʻolohe i ka leo o kona makua kāne, a me ka leo o kona makuahine, a iā lāua i aʻo aku ai iā ia, ʻaʻole ia i maliu mai iā lāua;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:4

Akā, inā he mau keiki kā kekahi wahine kāne make, a he mau moʻopuna paha, e aʻo lākou e hōʻike mua i ke aloha ma ko lākou hale iho, a e uku aku i ko lākou mau mākua; no ka mea, ʻo ia ka maikaʻi, a me ka pono i mua o ke alo o ke Akua.

ʻO KA ʻEPISETOLE HOʻOLAHA MUA A PETERO 2:13

¶ No laila, e hoʻolohe pono ʻoukou i kā nā luna kanaka a pau no ka Haku; inā ma kā ke aliʻi nui e like ia me he mōʻī lā;

KA BUKE NO RUTA 3:5

ʻĪ akula kēia iā ia, “ʻO nā mea a pau āu e kauoha mai nei, e hana nō au.”

KA BUKE MUA A SAMUʻELA 17:20

¶ Ala aʻela ʻo Dāvida i kakahiaka nui, a waiho i nā hipa me ke kahu, a lawe aʻela a hele aku e like me kā Iese i kauoha mai ai iā ia; a hiki aku ia ma kahi o nā kaʻa, a e hele ana ka poʻe koa i ke kaua, a uō lākou i ke kaua.