ʻO KA ʻEPISETOLE A PAULO KA LUNAʻŌLELO I KO ʻEPESO 5:29 - Ka Baibala Hemolele

²⁹ No ka mea, ʻaʻole loa kekahi i inaina i kona kino iho; akā, ua hānai nō a me ka mālama iā ia, e like me ka Haku i ka ʻekalesia;

ʻO KA ʻEPISETOLE A PAULO KA LUNAʻŌLELO I KO ʻEPESO 5:29 Iomraidhean Croise

KA BUKE MUA A MOSE, I KAPA ʻIA KINOHI 2:23

ʻĪ akula ʻo ʻAdamu, “ʻO ia nei nō ka iwi o kuʻu mau iwi, A me ka ʻiʻo o kuʻu ʻiʻo; e kapa ʻia ʻo ia nei, Wahine; No ka mea, ua unuhi ʻia aʻe ʻo ia mai loko aʻe o ke Kāne.”

NĀ ʻŌLELO AKAMAI A SOLOMONA 11:17

ʻO ka mea minamina i kona ʻuhane iho, he kanaka lokomaikaʻi ʻo ia; ʻO ka mea hōʻino i kona kino, he aloha ʻole kona.

KE KAHUNA 4:5

Ua hoʻokuʻi maila ka mea naʻaupō i kona mau lima, a ʻai ihola i kona ʻiʻo iho.

KA WĀNANA A ʻISAIA 40:11

E hānai nō ʻo ia i kāna ʻohana me he kahu hipa lā; E hōʻiliʻili nō hoʻi i nā keiki hipa i kona lima, A hiʻipoi hoʻi iā lākou ma kona poli, A alakaʻi i ka poʻe hānai waiū.

KA WĀNANA A ʻEZEKIʻELA 34:27

“A e hoʻohua mai ka lāʻau o ke kula i kona hua, a e hāʻawi mai ka honua i kona mea ulu, a e noho maluhia lākou ma ko lākou ʻāina, a e ʻike hoʻi ʻo wau nō Iēhova, aia moku iaʻu nā kaula o kā lākou ʻauamo, a hoʻopakele aʻe iā lākou mai loko aʻe o ka lima o ka poʻe i hoʻokauā iā lākou na lākou iho.

KA ʻEUANELIO I KĀKAU ʻIA AI E MATAIO 23:37

¶ “E Ierusalema, e Ierusalema! Ka mea nāna i pepehi i nā kāula, a i hailuku hoʻi i ka poʻe i hoʻouna ʻia mai i ou nei; nani kuʻu makemake e hōʻuluʻulu mai i kāu poʻe keiki, e like me ka hōʻuluʻulu ʻana a ka moa i kāna ʻohana keiki ma lalo iho o kona mau ʻēheu; ʻaʻole naʻe ʻoukou i makemake mai.

KA ʻEUANELIO I KĀKAU ʻIA AI E MATAIO 6:26

“E nānā aku i nā manu o ka lewa; ʻaʻole lākou e lūlū hua, ʻaʻole hoʻi e ʻoki ʻai, ʻaʻole nō hoʻi e hoʻāhu aʻe i loko o nā hale papaʻa; a ua hānai ko ʻoukou Makua o ka lani iā lākou. ʻAʻole anei e ʻoi aku ko ʻoukou maikaʻi i ko lākou?

ʻO KA ʻEPISETOLE A PAULO KA LUNAʻŌLELO I KO ROMA 1:31

he poʻe hoʻohemahema, he poʻe lawehala i nā mea i hoʻohiki ʻia, he poʻe aloha ʻole, he poʻe mākonā, he poʻe loko ʻino;

ʻO KA ʻEPISETOLE A PAULO KA LUNAʻŌLELO I KO ʻEPESO 5:28

Pēlā e pono ai nā kāne e aloha aku i kā lākou mau wāhine, e like me ko lākou mau kino iho; ʻo ka mea aloha i kāna wahine, ʻo ia ke aloha iā ia iho.

ʻO KA ʻEPISETOLE A PAULO KA LUNAʻŌLELO I KO ʻEPESO 5:30

no ka mea, he mau lālā kākou no kona kino, no kona ʻiʻo, a me kona iwi.

ʻO KA ʻEPISETOLE A PAULO KA LUNAʻŌLELO I KO ʻEPESO 5:31

«No ia hoʻi, e haʻalele ke kanaka i kona makua kāne a me ka makuahine, a e hoʻopili ʻia aku ia i kāna wahine, a e lilo lāua ʻelua i hoʻokahi ʻiʻo».