E ola auaneʻi kou poʻe i make, ʻO koʻu poʻe i make, e ala mai nō lākou; E ala mai, e ʻoli ʻoukou, e ka poʻe e noho ana ma ka lepo, No ka mea, ʻo kou hau, ʻo ka hau ia ma luna o nā mea ulu, E hoʻolei aku nō ka ʻāina i ka poʻe i make.
¶ E ala, e ala, e kū i luna, e Ierusalema, Ka mea i inu ma ka lima o Iēhova, i ke kīʻaha o kona inaina; Ua inu nō ʻoe i ke kīʻaha bola e hīkākā ai, Ua inu ʻoe a moni loa hoʻi i lalo.
¶ E ala, e ala, e ʻaʻahu i kou ikaika, e Ziona; E komo i kou mau lole nani, e Ierusalema, Ke kūlanakauhale laʻa; No ka mea, ma kēia wā aku, ʻaʻole e hele hou i loko ou, ka mea i ʻoki poepoe ʻole ʻia, a me ka haumia.
¶ ʻŌlelo hou maila ʻo Iesū iā lākou, ʻī maila, “ʻO wau nō ka mālamalama o ke ao nei; ʻo ka mea e hahai mai iaʻu, ʻaʻole ia e hele i ka pouli; akā, e loaʻa iā ia ka mālamalama e ola ai.”
“No ka mea, pēlā ka Haku i kauoha mai ai iā mākou, ‘«Ua hoʻonoho wau iā ʻoe i mālamalama no ko nā ʻāina ʻē, I lilo ʻoe i mea e ola ai a hiki i nā kūkulu o ka honua».’”
ʻAʻole hoʻi ʻoukou e hāʻawi i ko ʻoukou mau lālā i ka hewa i mau mea e lawehala ai; akā, e hāʻawi aku iā ʻoukou iho i ke Akua, a me ko ʻoukou mau lālā i mau mea e hana pono i ke Akua, me he poʻe ola lā mai waena mai o ka poʻe make.
No ka mea, ʻo ke Akua nāna i kēnā, “Ka mālamalama e pohā mai no loko mai o ka pouli,” ʻo ia kai hoʻomālamalama mai i loko o ko mākou naʻau, i mālamalama i ʻikea ka nani o ke Akua ma ka maka o Iesū Kristo.
a ua hoʻākāka ʻia mai ia i kēia manawa ma ka ʻikea ʻana mai o ko kākou Ola ʻo Iesū Kristo, ka Mea i kinai i ka make, a i hoʻomōakāka mai hoʻi i ke ola a me ka make ʻole, ma ka ʻeuanelio;