ʻO KA ʻEPISETOLE A PAULO KA LUNAʻŌLELO I KO ʻEPESO 5:10 - Ka Baibala Hemolele

¹⁰ e hōʻoiaʻiʻo ʻoukou i ka mea a ka Haku i ʻoluʻolu ai.

ʻO KA ʻEPISETOLE A PAULO KA LUNAʻŌLELO I KO ʻEPESO 5:10 Iomraidhean Croise

KA BUKE O NĀ HALELŪ 19:14

I maikaʻi ka ʻōlelo a koʻu waha, a me ka manaʻo o koʻu naʻau, I mua o kou alo, e Iēhova, e koʻu ikaika, a me koʻu Hoʻōla.

NĀ ʻŌLELO AKAMAI A SOLOMONA 21:3

ʻO ka hana ʻana i ka pono a me ka pololei, Ua makemake ʻia e Iēhova ma mua o ka mōhai.

KA WĀNANA A ʻISAIA 58:5

“ʻO ka hoʻokē ʻai anei me ia kaʻu i makemake ai? He lā e hoʻokaumaha ai ke kanaka i kona ʻuhane? E hoʻokūlou hoʻi i kona poʻo i lalo, me he kaluhā lā? A haʻaliʻi i ke kapa ʻino, a me ka lehu ahi? E kapa aku anei ʻoe i kēia, he hoʻokē ʻai, A he lā ʻoluʻolu no Iēhova?

KA WĀNANA A IEREMIA 6:20

“No ke aha lā e hele mai ai Ka mea ʻala mai Seba mai noʻu? A me ka ʻohe ʻala mai ka ʻāina mamao aku mai? ʻAʻole i makemake ʻia e aʻu ko ʻoukou mōhai kuni, ʻAʻole hoʻi i ʻoluʻolu ko ʻoukou ʻālana.”

ʻO KA ʻEPISETOLE A PAULO KA LUNAʻŌLELO I KO ROMA 14:18

No ka mea, ʻo ka mea i mālama iā Kristo ma ia mau mea, ua ʻoluʻolu ke Akua iā ia, a ua pono hoʻi ia i kānaka.

ʻO KA ʻEPISETOLE A PAULO KA LUNAʻŌLELO I KO PILIPI 1:10

i hoʻomaopopo hoʻi ʻoukou i nā mea maikaʻi loa; i ʻoiaʻiʻo ʻoukou, i hihia ʻole hoʻi, a hiki i ka lā o Kristo;

ʻO KA ʻEPISETOLE A PAULO KA LUNAʻŌLELO I KO PILIPI 4:18

A iaʻu nā mea he nui, a ua lako hoʻi; ua piha au i kā ʻoukou mau mea i loaʻa mai ma o ʻEpaperodito lā, he mea ʻala ʻoluʻolu, he mōhai hōʻoluʻolu, i maliu ʻia mai hoʻi e ke Akua.

ʻO KA ʻEPISETOLE A PAULO KA LUNAʻŌLELO I KO KOLOSA 1:10

i hele ʻoukou ma ka pono o ka Haku, i nā mea a pau i ʻoluʻolu ʻia mai ai, e hua mai ana i ka hua ma nā hana maikaʻi a pau, me ka māhuahua ʻana aʻe o ka ʻike ʻana i ke Akua.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 5:21

E hōʻoiaʻiʻo i nā mea a pau; a e hoʻopaʻa i ka mea pono.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 2:3

ʻO ka maikaʻi nō ia me ka pono i mua i ke alo o ke Akua ʻo ko kākou Ola;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:4

Akā, inā he mau keiki kā kekahi wahine kāne make, a he mau moʻopuna paha, e aʻo lākou e hōʻike mua i ke aloha ma ko lākou hale iho, a e uku aku i ko lākou mau mākua; no ka mea, ʻo ia ka maikaʻi, a me ka pono i mua o ke alo o ke Akua.

ʻO KA ʻEPISETOLE A PAULO KA LUNAʻŌLELO I KO HEBERA 12:28

No laila, i ka loaʻa ʻana iā kākou ke aupuni e hoʻonāueue ʻole ʻia, e hoʻopaʻa kākou i ke aloha, ka mea e pono ai ko kākou mālama ʻana i ke Akua, me ka mahalo, a me ka weliweli pono;

ʻO KA ʻEPISETOLE HOʻOLAHA MUA A PETERO 2:20

ʻAuhea hoʻi ka mahalo ʻia mai, ke hoʻomanawanui ʻoukou i ke kuʻi ʻia mai no ko ʻoukou mau hewa iho? Akā, inā e hōʻino ʻia mai ʻoukou, no kā ʻoukou hana maikaʻi ʻana, a hoʻomanawanui ʻoukou, ʻo ia ka pono i ke Akua.

ʻO KA ʻEPISETOLE HOʻOLAHA MUA A PETERO 2:5

ʻO ʻoukou nō hoʻi, e like me nā pōhaku ola, ua hoʻonohonoho ʻia ʻoukou i hale ʻuhane, a i poʻe kāhuna hemolele hoʻi, i kaumaha aku ai ʻoukou i nā mōhai ʻuhane, i ka mea ʻoluʻolu i ke Akua ma o Iesū Kristo lā.

KA BUKE MUA A SAMUʻELA 17:39

Kāʻei ihola ʻo Dāvida i kāna pahi kaua ma luna o nā mea kaua, a manaʻo ihola e hele; akā, no ka hoʻāʻo ʻole ʻia, ʻī akula ʻo Dāvida iā Saula, “ʻAʻole au e hiki ke hele me kēia mau mea; no ka mea, ʻaʻole au i hoʻāʻo.” Kala aʻela ʻo Dāvida ia mau mea mai ona aku lā.