ʻO KA ʻEPISETOLE A PAULO KA LUNAʻŌLELO I KO ʻEPESO 4:9 - Ka Baibala Hemolele

⁹ (A ʻo kēia, “Ua piʻi akula ia i luna,” he aha anei ia mea, i ʻole kēlā i iho aʻe ma mua i nā wahi ma lalo aʻe o ka honua?

ʻO KA ʻEPISETOLE A PAULO KA LUNAʻŌLELO I KO ʻEPESO 4:9 Iomraidhean Croise

KA BUKE MUA A MOSE, I KAPA ʻIA KINOHI 11:5

Iho maila ʻo Iēhova i lalo e nānā i ke kūlanakauhale a me ka hale pākuʻi a nā keiki a kānaka i hana ai.

KA BUKE O NĀ HALELŪ 139:15

ʻAʻole i nalo koʻu kino iā ʻoe, Iaʻu i hana ʻia ai ma kahi malū, A kāpili akamai ʻia ma lalo i ka honua.

KA BUKE O NĀ HALELŪ 63:9

¶ Akā, ʻo ka poʻe ʻimi mai i kuʻu ʻuhane e pepehi mai, E komo lākou i ko lalo mau wahi o ka honua.

KA BUKE O NĀ HALELŪ 8:5

Ua hana iho ʻoe iā ia ma lalo iho o ka poʻe ʻānela, Ua kau mai ʻoe iā ia i ka nani a me ka mahalo i lei nona;

KA BUKE ʻALUA A MOSE, I KAPA ʻIA PUKA ʻANA 19:20

Iho maila ʻo Iēhova ma luna o ka mauna ʻo Sinai, ma ka piko o ka mauna, a hea maila ʻo Iēhova iā Mose e piʻi aku i ke poʻo o ka mauna; a piʻi akula ʻo Mose.

NĀ ʻŌLELO AKAMAI A SOLOMONA 30:4

ʻO wai ka mea i piʻi aʻe i ka lani, a i iho mai hoʻi? ʻO wai ka mea i hoʻoʻiliʻili i ka makani ma kona lima? ʻO wai ka mea i hoʻopaʻa i nā wai ma kona ʻaʻahu? ʻO wai ka mea i hoʻonoho i nā welelau a pau o ka honua? ʻO wai hoʻi kona inoa, ʻo wai ka inoa o kāna keiki? E hōʻike mai paha ʻoe.

KA WĀNANA A ʻISAIA 44:23

E ʻoli ʻoukou, e nā lani; no ka mea, na Iēhova i hana; E hauʻoli hoʻi ʻoukou, e nā wahi haʻahaʻa o ka honua, E hoʻokani i ke ʻoli, e nā mauna, E ka ulu lāʻau, a me nā lāʻau a pau ma loko; No ka mea, ua hoʻōla pānaʻi ʻo Iēhova i kā Iakoba, Ua hoʻonani hoʻi iā ia iho ma o kā ʻIseraʻela lā.

KA WĀNANA A ʻEZEKIʻELA 31:14

i mea e hoʻokiʻekiʻe ʻole ai kekahi o nā lāʻau a pau ma nā wai, no ko lākou kiʻekiʻe, ʻaʻole hoʻi e hoʻopuka i ko lākou wēlau ma waena o nā lālā paʻapū, ʻaʻole hoʻi e kū i luna ko lākou mau lāʻau i ko lākou kiʻekiʻe, ʻo nā mea a pau e inu ana i ka wai; no ka mea, ua hāʻawi ʻia lākou a pau i ka make i ko lalo mau wahi o ka honua i waena o nā keiki a kānaka, me nā mea e iho ana i ka lua.”

KA ʻEUANELIO I KĀKAU ʻIA AI E MATAIO 12:40

“E like me «Iona ʻekolu lā ʻekolu pō i loko o ka ʻōpū o ka iʻa nui», pēlā auaneʻi ke Keiki a ke Kanaka, ʻekolu lā ʻekolu pō i loko o ka ʻōpū o ka honua.

KA ʻEUANELIO I KĀKAU ʻIA AI E IOANE 20:17

ʻĪ maila ʻo Iesū iā ia, “Mai hoʻopā mai ʻoe iaʻu; no ka mea, ʻaʻole au i piʻi aku i koʻu Makua; akā, e hele ʻoe i koʻu poʻe hoahānau, e ʻī aku iā lākou, ‘E piʻi ana au i koʻu Makua, a i ko ʻoukou Makua; a i koʻu Akua, a i ko ʻoukou Akua.’”

KA ʻEUANELIO I KĀKAU ʻIA AI E IOANE 3:13

“ʻAʻohe kanaka i piʻi i luna i ka lani, ʻo ka mea wale nō i iho mai, mai ka lani mai, ʻo ke Keiki a ke Kanaka, ʻo ka mea i loko o ka lani.

KA ʻEUANELIO I KĀKAU ʻIA AI E IOANE 6:33

“No ka mea, ʻo kā ke Akua berena, ʻo ia ka mea i iho mai mai ka lani mai, a hāʻawi i ke ola no ko ke ao nei.”

KA ʻEUANELIO I KĀKAU ʻIA AI E IOANE 6:38

“No ka mea, ʻaʻole au i iho mai, mai ka lani mai e hana i koʻu makemake; akā, i ka makemake o ka Mea nāna au i hoʻouna mai.

KA ʻEUANELIO I KĀKAU ʻIA AI E IOANE 6:41

¶ ʻŌhumu ihola ka poʻe Iudaio nona, no kāna ʻōlelo ʻana, “ʻO wau nō ka berena i iho mai mai ka lani mai.”

KA ʻEUANELIO I KĀKAU ʻIA AI E IOANE 6:51

“ʻO wau nō ka berena ola, ka mea i iho mai mai ka lani mai. Inā e ʻai kekahi i kēia berena, e ola mau loa ia; a ʻo ka berena aʻu e hāʻawi aku ai, ʻo koʻu kino ia, ka mea aʻu e hāʻawi aku i ola no ko ke ao nei.”

KA ʻEUANELIO I KĀKAU ʻIA AI E IOANE 6:58

“ʻO kēia ka berena i iho mai mai ka lani mai; ʻaʻole e like me ko ʻoukou poʻe kūpuna i ʻai ai i ka mane, a make akula; ʻo ka mea e ʻai i kēia berena, e ola mau loa ia.”

KA ʻEUANELIO I KĀKAU ʻIA AI E IOANE 6:62

“Pehea lā hoʻi, inā e ʻike ʻoukou i ke Keiki a ke Kanaka e piʻi hou aku ana i luna i kona wahi ma mua?

KA ʻEUANELIO I KĀKAU ʻIA AI E IOANE 8:14

ʻŌlelo maila ʻo Iesū ʻī maila iā lākou, “Inā e hōʻike aku au noʻu iho, he pono kaʻu hōʻike ʻana; no ka mea, ua ʻike au i koʻu wahi i hele mai ai, a me koʻu wahi e hele aku ai; akā, ʻaʻole ʻoukou i ʻike i koʻu wahi i hele mai ai, a me koʻu wahi e hele aku ai.

ʻO KA ʻEPISETOLE A PAULO KA LUNAʻŌLELO I KO HEBERA 2:7

“Ua hana iho ʻoe iā ia ma lalo iki iho o ka poʻe ʻānela; Ua kau mai ʻoe ma luna ona i ka nani a me ka mahalo i lei nona; Ua hoʻolilo ʻoe iā ia i haku no nā mea a kou lima i hana ai.

ʻO KA ʻEPISETOLE A PAULO KA LUNAʻŌLELO I KO HEBERA 2:9

Akā, ua ʻike kākou iā Iesū i ka Mea i hoʻolilo ʻia ma lalo iki iho o ka poʻe ʻānela, no ka make ʻana, i hoʻolei ʻia mai ai i ka nani a me ka mahalo; i lilo hoʻi ia i ka make no nā kānaka a pau, ma ka lokomaikaʻi o ke Akua.