ʻO KA ʻEPISETOLE A PAULO KA LUNAʻŌLELO I KO ʻEPESO 4:26 - Ka Baibala Hemolele

²⁶ «A i huhū ʻoukou, e ao o hewa auaneʻi»; mai hoʻomau i ko ʻoukou inaina a napoʻo ka lā.

ʻO KA ʻEPISETOLE A PAULO KA LUNAʻŌLELO I KO ʻEPESO 4:26 Iomraidhean Croise

KA BUKE O NĀ HALELŪ 37:8

E waiho i ka huhū, e haʻalele hoʻi i ka inaina; Mai nauki iki e hana hewa ai.

KA BUKE O NĀ HALELŪ 4:4

¶ E haʻalulu ʻoukou, mai hana hewa; E kūkākūkā me ko ʻoukou naʻau iho, Ma ko ʻoukou wahi moe e noho mālie ai. Sila.

KA BUKE ʻALUA A MOSE, I KAPA ʻIA PUKA ʻANA 11:8

“A ʻo kēia poʻe kauā āu, e hele mai nō lākou i oʻu nei, a e kūlou i lalo i mua oʻu, a e ʻī mai, ‘E hele aku ʻoe, a me nā kānaka a pau ma muli ou.’ A ma hope iho e puka aku nō wau.” Hele aʻela ia mai o Paraʻo mai me ka wela o kona huhū.

NĀ ʻŌLELO AKAMAI A SOLOMONA 14:29

ʻO ka mea ʻuʻumi i ka huhū, ʻo ia kai noʻonoʻo nui; ʻO ka mea hikiwawe i ka huhū, ʻo ia ke hōʻike i ka lapuwale.

NĀ ʻŌLELO AKAMAI A SOLOMONA 19:11

ʻO ko ke kanaka naʻauao, ʻo ia ke hoʻopaneʻe aku i ka huhū; ʻO kona nani hoʻi, ʻo ia ke kala ʻana i ka hala.

NĀ ʻŌLELO AKAMAI A SOLOMONA 25:23

ʻO ka makani ʻākau, pale aku ia i ka ua, A ʻo ka maka huhū hoʻi i ke elelo ʻakiʻaki.

KE KAHUNA 7:9

Mai wikiwiki kou naʻau, e huhū aku; No ka mea, ʻo ka huhū, aia nō ia ma ka naʻau o ka poʻe naʻaupō.

KA BUKE ʻAHĀ A MOSE, I KAPA ʻIA NĀ HELU 20:24

“E hui pū ʻia aku ʻo ʻAʻarona me kona poʻe kānaka; ʻaʻole ia e komo i ka ʻāina aʻu i hāʻawi aku ai no nā mamo a ʻIseraʻela; no ka mea, ua kūʻē mai ʻolua i kaʻu ʻōlelo ma ka wai Meriba.

KA ʻEUANELIO I KĀKAU ʻIA AI E MATAIO 5:22

Eia hoʻi kaʻu e ʻōlelo aku nei iā ʻoukou, ʻo ka mea e huhū hala ʻole aku i kona hoahānau, e lilo ana ia i mea no ka hoʻohewa ʻia; a ʻo ka mea e hāʻiliʻili aku i kona hoahānau, ‘Ē, pupuka!’ E lilo ia i mea no ka ʻaha hoʻokolokolo; a ʻo ka mea e hāʻiliʻili aku, ‘Ē, lapuwale!’ E lilo ia i mea no ke ahi i Gehena.

KA ʻEUANELIO I KĀKAU ʻIA AI E MAREKO 10:14

ʻIke maila Iesū, a laila, huhū ihola ia, ʻī maila iā lākou, “E ʻae aku ʻoukou i kamaliʻi ke hele mai i oʻu nei, mai pāpā aku hoʻi iā lākou; no ka mea, e like me lākou nei ke aupuni o ke Akua.

KA ʻEUANELIO I KĀKAU ʻIA AI E MAREKO 3:5

Nānā aʻela ʻo ia iā lākou me ka inaina; no ka mea, ua minamina ia no ka paʻakikī o ko lākou naʻau. ʻĪ aʻela ia i ua kanaka lā, “E ʻō mai kou lima.” A ʻō maila ia, a laila hoʻōla ʻia ihola ia, e like me kekahi lima.

KA BUKE ʻALIMA A MOSE, I KAPA ʻIA KĀNĀWAI LUA 24:15

“I kona manawa nō, nāu e hāʻawi kona uku, ʻaʻole ke kali ʻana a napoʻo ka lā; no ka mea, ua ʻilihune ia, a ua manaʻo nui kona naʻau ma ia mea; malia o kāhea aku ʻo ia iā Iēhova nou, a e lilo ia i hewa nou.

ʻO KA ʻEPISETOLE HOʻOLAHA A IAKOBO 1:19

¶ No ia mea, e oʻu poʻe hoahānau aloha, e hikiwawe ʻoukou ma ka lohe, e akahele hoʻi ma ka ʻōlelo ʻana aku, a e hoʻolohi hoʻi ma ka inaina aku;

ʻO KA ʻEPISETOLE HOʻOLAHA A IAKOBO 1:20

no ka mea, ʻo ka inaina o ke kanaka, ʻaʻole ia e hana ana i ka pono o ke Akua.

KA BUKE MUA A SAMUʻELA 20:34

Kū aʻela ʻo Ionatana mai ka papa ʻaina mai me ka huhū wela, ʻaʻole ia i ʻai i ka ʻai i ka lua o ka lā o ka malama, no kona kaumaha iā Dāvida; no ka mea, ua ʻōlelo hōʻino kona makua kāne iā ia.