ʻO KA ʻEPISETOLE A PAULO KA LUNAʻŌLELO I KO ʻEPESO 4:25 - Ka Baibala Hemolele

²⁵ ¶ No laila, e haʻalele ʻoukou i ka wahaheʻe, «e ʻōlelo ʻoiaʻiʻo aku hoʻi kēlā mea kēia mea a pau i kona hoalauna»; no ka mea, he mau lālā kākou ʻo kekahi me kekahi.

ʻO KA ʻEPISETOLE A PAULO KA LUNAʻŌLELO I KO ʻEPESO 4:25 Iomraidhean Croise

KA BUKE MUA NO NĀ ALIʻI 13:18

ʻŌlelo akula ʻo ia, “He kāula nō hoʻi au e like me ʻoe, a ua ʻōlelo mai nei ka ʻānela iaʻu ma ka ʻōlelo a Iēhova, ʻī maila, ‘E hoʻihoʻi mai ʻoe iā ia me ʻoe i loko o kou hale e ʻai ʻo ia i ka berena, a inu hoʻi i ka wai.’” Hoʻopunipuni mai nō ia iā ia.

KA BUKE O NĀ HALELŪ 119:29

E hoʻokaʻawale ʻoe i ka ʻaoʻao o ka wahaheʻe mai oʻu aku, A e hōʻike lokomaikaʻi mai iaʻu i kou mau kānāwai.

KA BUKE O NĀ HALELŪ 15:2

ʻO ka mea i hele ma ka pololei a i hana ma ka pono; A i ʻōlelo hoʻi ma ka ʻoiaʻiʻo i loko o kona naʻau;

KA BUKE O NĀ HALELŪ 52:3

Makemake nō ʻoe i ka ʻino, ʻaʻole i ka maikaʻi; A i ka hoʻopunipuni ʻana hoʻi, ʻaʻole i ka ʻōlelo i ka pono. Sila.

KA BUKE ʻALUA A MOSE, I KAPA ʻIA PUKA ʻANA 23:7

“E mamao aku ʻoe i ka mea wahaheʻe; a mai pepehi ʻoe i ka mea i hewa ʻole, a me ka mea i pono; no ka mea, ʻaʻole au e hoʻāpono aku i ka mea i hewa.

NĀ ʻŌLELO AKAMAI A SOLOMONA 12:17

ʻO ka mea haʻi aku i ka ʻoiaʻiʻo, hōʻike ʻo ia i ka pono; A ʻo ka hōʻike wahaheʻe hoʻi, hōʻike ʻo ia i ka hoʻopunipuni.

NĀ ʻŌLELO AKAMAI A SOLOMONA 12:19

ʻO nā lehelehe ʻoiaʻiʻo, e mau ana nō ia; ʻO ke elelo wahaheʻe e pau koke nō ia.

NĀ ʻŌLELO AKAMAI A SOLOMONA 12:22

He mea hoʻopailua iā Iēhova nā lehelehe hoʻopunipuni; ʻO ka poʻe hana ma ka ʻoiaʻiʻo, ʻo ia kona ʻoliʻoli.

NĀ ʻŌLELO AKAMAI A SOLOMONA 21:6

ʻO ka ʻimi ʻana i ka waiwai ma ke elelo wahaheʻe, He ʻōpala i hoʻopuehu ʻia e ka poʻe e ʻimi ana i ka make.

NĀ ʻŌLELO AKAMAI A SOLOMONA 24:28

¶ Mai lilo hala ʻole ʻoe i hōʻike kūʻē i kou hoa noho; ʻAʻole hoʻi e hoʻopunipuni me kou mau lehelehe.

NĀ ʻŌLELO AKAMAI A SOLOMONA 6:17

ʻO nā maka kiʻekiʻe, ʻo ke elelo wahaheʻe, A me nā lima hoʻokahe koko hala ʻole,

NĀ ʻŌLELO AKAMAI A SOLOMONA 8:7

“No ka mea, e hōʻike mai kuʻu waha i ka ʻoiaʻiʻo; He mea hoʻopailua ka hewa i koʻu mau lehelehe.

KA WĀNANA A ʻISAIA 63:8

No ka mea, ʻōlelo mai nō ʻo ia, “He ʻoiaʻiʻo, ʻo koʻu poʻe kānaka lākou, he poʻe keiki wahaheʻe ʻole”; No laila ʻo ia i lilo ai i Mea Hoʻōla no lākou.

KA WĀNANA A ʻISAIA 9:15

ʻO ka lunakahiko a me ka mea koʻikoʻi, ʻo ia ke poʻo, ʻO ke kāula i aʻo mai i ka wahaheʻe, ʻo ia ka huelo.

HOSEA 4:2

ʻO ka hoʻohiki ʻino, ka hoʻopunipuni, ka pepehi kanaka, ka ʻaihue, a me ka moekolohe, Kā lākou i hoʻomāhuahua aʻe ai, a pili aku nō ke koko i ke koko.

KA BUKE ʻAKOLU A MOSE, I KAPA ʻIA ʻOIHANA KAHUNA 19:11

¶ ‘Mai ʻaihue ʻoukou, ʻaʻole hoʻi e hoʻokamani, ʻaʻole hoʻi e hoʻopunipuni kekahi i kekahi.

ZEKARIA 8:16

‘Eia nā mea a ʻoukou e hana ai; e ʻōlelo ʻoiaʻiʻo aku kēlā kanaka kēia kanaka i kona hoalauna; a e hoʻokolokolo ma ka ʻoiaʻiʻo, a ma ka mea e malu ai i loko o nā ʻīpuka o ʻoukou.

ZEKARIA 8:19

“Penei kā Iēhova a nā kāua e ʻōlelo nei, ‘ʻO ka hoʻokē ʻai ʻana o ka malama ʻahā, me ka hoʻokē ʻai ʻana o ka ʻalima, me ka hoʻokē ʻai ʻana o ka ʻahiku, a me ka hoʻokē ʻai ʻana o ka ʻumi, e lilo ia i mea ʻoliʻoli a me ka hauʻoli, a i mau ʻahaʻaina ʻoliʻoli i ka ʻohana a Iuda; no laila e makemake ʻoukou i ka ʻoiaʻiʻo a me ke kuʻikahi.’

KA ʻEUANELIO I KĀKAU ʻIA AI E IOANE 8:44

“Na ko ʻoukou makua ʻoukou na ka diabolō, a makemake nō ʻoukou e hana i nā kuko o ko ʻoukou makua. He pepehi kanaka ia mai ke kumu mai, ʻaʻole ia i kū ma ka ʻoiaʻiʻo; no ka mea, ʻaʻohe ʻoiaʻiʻo i loko ona. Inā ʻōlelo ʻo ia i ka wahaheʻe, ʻōlelo nō ʻo ia i kāna iho; no ka mea, he wahaheʻe ʻo ia, a ʻo ka makua hoʻi ia no ka wahaheʻe.

ʻO KA ʻEPISETOLE A PAULO KA LUNAʻŌLELO I KO ROMA 12:5

pēlā hoʻi kākou he nui wale, hoʻokahi hoʻi o kākou kino i loko o Kristo, a he mau lālā kākou kekahi no kekahi.

ʻO KA ʻEPISETOLE MUA A PAULO KA LUNAʻŌLELO I KO KORINETO 10:17

No ka mea, ʻo kākou he nui loa, hoʻokahi nō kā kākou berena, hoʻokahi hoʻi kino; no ka mea, ua ʻai pū kākou a pau, i kēlā berena hoʻokahi.

ʻO KA ʻEPISETOLE LUA A PAULO KA LUNAʻŌLELO I KO KORINETO 7:14

No ia mea, inā au i kaena aku iā ia i kekahi mea no ʻoukou, ʻaʻole oʻu hilahila; akā, me mākou i ʻōlelo aku ai i nā mea a pau iā ʻoukou ma ka ʻoiaʻiʻo, pēlā hoʻi ko mākou kaena ʻana i mua o Tito, ua ʻike ʻia he ʻoiaʻiʻo.

ʻO KA ʻEPISETOLE A PAULO KA LUNAʻŌLELO I KO ʻEPESO 4:15

akā, e ʻōlelo ʻoiaʻiʻo aku ana me ke aloha, i nui aʻe kākou i nā mea a pau i loko ona, ʻo ia ʻo Kristo ʻo ke poʻo.

ʻO KA ʻEPISETOLE A PAULO KA LUNAʻŌLELO I KO ʻEPESO 4:22

a no ka noho ʻana ma mua, e haʻalele aku ʻoukou i ke kanaka kahiko i haumia i nā kuko hewa hoʻopunipuni;

ʻO KA ʻEPISETOLE A PAULO KA LUNAʻŌLELO I KO ʻEPESO 4:31

E hoʻokaʻawale ʻia nā mea ʻawaʻawa a pau mai o ʻoukou aku, a me ka inaina, ka huhū, ka ʻuā, ka ʻōlelo ʻino, a me ka manaʻo ʻino a pau.

ʻO KA ʻEPISETOLE A PAULO KA LUNAʻŌLELO I KO ʻEPESO 5:30

no ka mea, he mau lālā kākou no kona kino, no kona ʻiʻo, a me kona iwi.

ʻO KA ʻEPISETOLE A PAULO KA LUNAʻŌLELO I KO KOLOSA 3:8

Akā, me nei ua pau iā ʻoukou i ka hemo o kēia mau mea: ʻo ka huhū, ʻo ka inaina, ʻo ka ukiuki, ʻo ka hōʻino wale, ʻo ke kamaʻilio haumia mai loko mai o ko ʻoukou waha.

ʻO KA ʻEPISETOLE A PAULO KA LUNAʻŌLELO I KO KOLOSA 3:9

Mai hoʻopunipuni kekahi i kekahi; no ka mea, ua hemo iā ʻoukou ke kanaka kahiko a me kāna hana;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:10

ka poʻe hoʻokamakama, ka poʻe moe aikāne, ka poʻe ʻaihue kanaka, ka poʻe hoʻopunipuni, ka poʻe hoʻohiki wahaheʻe, a me nā mea ʻē aʻe i kūʻē mai i ka pono ʻoiaʻiʻo,

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 4:2

e wahaheʻe ana me ka hoʻokamani; a e hoʻaʻā ʻia ko lākou naʻau me ka hao wela;

ʻO KA ʻEPISETOLE A PAULO IĀ TITO 1:12

ʻO kekahi o lākou, he kāula no lākou iho nō, kai ʻōlelo iho, “He hoʻopunipuni mau ko Kerete, he poʻe holoholona hihiu hewa, ʻōpū heha.”

ʻO KA ʻEPISETOLE A PAULO IĀ TITO 1:2

me ka manaʻolana i ke ola mau loa a ke Akua hoʻopunipuni ʻole i ʻōlelo mua mai ai ma mua loa aku o kēia ao;

ʻO KA ʻEPISETOLE A PAULO KA LUNAʻŌLELO I KO HEBERA 12:1

¶ No ka mea hoʻi, ua hoʻopuni ʻia kākou e ia poʻe hōʻike he nui loa, e waiho aku kākou i nā mea kaumaha a pau, a me ka hewa e hoʻopili wale mai ana iā kākou, e holo kākou me ke ahonui i ka haʻihaʻi ʻana i hoʻomaopopo ʻia ma mua o kākou,

ʻO KA ʻEPISETOLE HOʻOLAHA A IAKOBO 1:21

No ia mea lā, e pale aku ʻoukou i ka haumia a pau, a me ka hū wale ʻana o ka ʻino, a e ʻapo mai ʻoukou me ke akahai i ka ʻōlelo i pākuʻi ʻia, ʻo ia ka mea e hiki ai ke hoʻōla i kā ʻoukou poʻe ʻuhane.

ʻO KA ʻEPISETOLE HOʻOLAHA MUA A PETERO 2:1

¶ No ia mea, e haʻalele ʻoukou i ka ʻōpū ʻinoʻino a pau, a me ka wahaheʻe a pau, a me ka hoʻokamani, a me ka pāonioni, a me ka ʻōlelo ʻino a pau;

KA HŌʻIKE ʻANA A IOANE KA HAIPULE 21:8

“Akā, ʻo ka poʻe hopohopo, a me ka poʻe hoʻomaloka, a me ka poʻe i hoʻopailua ʻia, a me ka poʻe pepehi kanaka, a me ka poʻe moekolohe, a me ka poʻe hoʻopiʻopiʻo, a me ka poʻe hoʻomana kiʻi, a me ka poʻe hoʻopunipuni a pau, e loaʻa iā lākou ko lākou puʻu ma ka loko e ʻaʻā mau loa ana i ke ahi a me ka luaʻi pele; ʻo ia ka make ʻalua.”

KA HŌʻIKE ʻANA A IOANE KA HAIPULE 22:15

Aia ma waho, nā ʻīlio, a me nā mea hoʻopiʻopiʻo, a me nā moekolohe, a me nā pepehi kanaka, a me ka poʻe hoʻomana kiʻi, a me ka poʻe a pau i makemake a hana aku hoʻi ma ka wahaheʻe.

KA BUKE NO NĀ LUNA KĀNĀWAI 16:11

ʻĪ akula kēia iā ia, “Inā nakinaki paʻa loa mai lākou iaʻu i nā kaula hou, ʻaʻole i hoʻohana ʻia, a laila e nāwaliwali au, a e like auaneʻi me kekahi kanaka.”