ʻO KA ʻEPISETOLE A PAULO KA LUNAʻŌLELO I KO ʻEPESO 2:14 - Ka Baibala Hemolele

¹⁴ No ka mea, ʻo ia ko kākou mea hoʻokuʻikahi, kai hoʻolilo i nā mea ʻelua i hoʻokahi, a ua wāwahi iho hoʻi i ka pākū hoʻokaʻawale i waena;

ʻO KA ʻEPISETOLE A PAULO KA LUNAʻŌLELO I KO ʻEPESO 2:14 Iomraidhean Croise

KA BUKE NO ʻESETERA 3:8

ʻĪ akula ʻo Hamana i ke aliʻi, iā ʻAhasuero, “He lāhui kanaka i puehu ʻia a heleleʻi i waena o nā kānaka, ma nā ʻāina a pau o kou aupuni; ʻokoʻa ʻo ko lākou kānāwai i ko nā kānaka ʻē a pau, ʻaʻole hoʻi lākou i mālama i nā kānāwai o ke aliʻi. ʻAʻole he mea pono no ke aliʻi ke hoʻomalu iā lākou.

MIKA 5:5

A ʻo ia ka Mea e maluhia ai, I ka manawa e hele mai ai ko ʻAsuria, ma ko kākou ʻāina; A i ka wā e hele ai ia i loko o ko kākou mau hale aliʻi, A laila, e hoʻokūʻē kākou iā ia i nā kahu hipa ʻehiku, A me nā aliʻi, nā kānaka ʻewalu.

ZEKARIA 6:13

“Nāna nō e hana ka luakini o Iēhova; a nāna hoʻi e lawe ka hanohano, a e aliʻi mai nō ʻo ia e noho ana ma luna o kona noho aliʻi; a e kahuna nō auaneʻi ʻo ia ma luna o kona noho aliʻi; a ma waena o lāua auaneʻi ka mea e malu ai.”’

KA ʻEUANELIO I KĀKAU ʻIA AI E LUKA 1:79

«E hoʻomālamalama i ka poʻe e noho ana i ka pouli, a i loko hoʻi o ka malu o ka make», A e alakaʻi hoʻi i ko kākou mau wāwae ma ka ʻaoʻao e maluhia ai.”

KA ʻEUANELIO I KĀKAU ʻIA AI E LUKA 2:14

“E hoʻonani ʻia ke Akua ma nā lani kiʻekiʻe loa, A he malu hoʻi ma ka honua; he aloha nō i kānaka.”

KA ʻEUANELIO I KĀKAU ʻIA AI E IOANE 10:16

“A he poʻe hipa ʻē aʻe nō kaʻu, ʻaʻole no kēia pā; he pono hoʻi noʻu e alakaʻi mai iā lākou, a e hoʻolohe auaneʻi lākou i koʻu leo; a e lilo i hoʻokahi ʻohana hipa, hoʻokahi hoʻi kahu hipa.

KA ʻEUANELIO I KĀKAU ʻIA AI E IOANE 11:52

ʻaʻole naʻe no ia lāhui kanaka wale nō; akā, i hōʻuluʻulu mai ai hoʻi ia i nā keiki a ke Akua, i noho liʻiliʻi aku ai, i loko o ka hoʻokahi.

KA ʻEUANELIO I KĀKAU ʻIA AI E IOANE 16:33

“Ua ʻōlelo aku au iā ʻoukou i kēia mau mea, i loaʻa ai iā ʻoukou ka maluhia i loko oʻu. I loko o ke ao nei e loaʻa iā ʻoukou ka pōpilikia; akā, e hoʻolana ʻoukou; ua lanakila wau ma luna o ke ao nei.”

NĀ ʻOIHANA A KA POʻE LUNAʻŌLELO 10:28

ʻĪ maila ʻo ia iā lākou, “Ua ʻike nō ʻoukou, he mea kapu i ke kanaka Iudaio, e nonoho pū a me ka hele aku i kekahi mea o ka ʻāina ʻē; akā, ua hōʻike mai ke Akua iaʻu, ʻaʻole e kapa aku i kekahi kanaka, he pono ʻole, a he haumia.

NĀ ʻOIHANA A KA POʻE LUNAʻŌLELO 10:36

“ʻO ka ʻōlelo āna i hoʻouna mai ai i nā mamo a ʻIseraʻela, e haʻi ana i maluhia ma o Iesū Kristo lā; (ʻo ia nō ka Haku no nā mea a pau).

ʻO KA ʻEPISETOLE A PAULO KA LUNAʻŌLELO I KO ROMA 5:1

¶ No ia mea, i hoʻāpono ʻia mai kākou ma ka manaʻoʻiʻo, he malu ko kākou me ke Akua, ma ko kākou Haku ʻo Iesū Kristo;

ʻO KA ʻEPISETOLE A PAULO KA LUNAʻŌLELO I KO GALATIA 3:28

ʻAʻole he Iudaio, ʻaʻole hoʻi he Helene, ʻaʻole he mea paʻa, ʻaʻole hoʻi he mea paʻa ʻole, ʻaʻole he kāne, ʻaʻole hoʻi he wahine; no ka mea, hoʻokahi nō ʻoukou a pau i loko o Kristo Iesū.

ʻO KA ʻEPISETOLE A PAULO KA LUNAʻŌLELO I KO ʻEPESO 2:15

ua hoʻopau aʻela hoʻi ʻo ia ma kona kino i ka mea e inaina ai, ʻo ia ke Kānāwai no nā kauoha ʻē me nā kapu, i hoʻolilo ai ʻo ia i nā mea ʻelua i kanaka hou hoʻokahi ma lalo iho ona, pēlā e hoʻokuʻikahi ana;

ʻO KA ʻEPISETOLE A PAULO KA LUNAʻŌLELO I KO ʻEPESO 2:17

«Ua hele mai hoʻi, a haʻi maila i ka ʻōlelo hoʻomalu iā ʻoukou i ka poʻe mamao aku a me ka poʻe kokoke».

ʻO KA ʻEPISETOLE A PAULO KA LUNAʻŌLELO I KO ʻEPESO 3:15

nona hoʻi i kapa ʻia mai ka inoa o ka ʻohana a pau ma ka lani, a ma ka honua,

ʻO KA ʻEPISETOLE A PAULO KA LUNAʻŌLELO I KO ʻEPESO 4:16

Ua kāpili pono ʻia ke kino a pau e ia a paʻa i ke kōkua ʻia mai e nā ʻami a pau, ua hoʻonui aʻela ʻo ia i ke kino e like me ke ʻano o ka ikaika o kēlā lālā o kēia lālā, no ke kūkulu paʻa ʻana iā ia iho ma ke aloha.

ʻO KA ʻEPISETOLE A PAULO KA LUNAʻŌLELO I KO KOLOSA 1:20

a ma ona lā e hoʻolauleʻa ai i nā mea a pau iā ia iho, e hoʻomalu ana ma ke koko o kona keʻa; ma ona lā, i ko ka honua nei, a me ko ka lani.

ʻO KA ʻEPISETOLE A PAULO KA LUNAʻŌLELO I KO KOLOSA 2:20

¶ Inā hoʻi i make pū ʻoukou me Kristo, a kaʻawale nā kumu liʻiliʻi o ko ke ao nei, no ke aha hoʻi ʻoukou, e like me ka noho ʻana ma kēia ao, i mālama ai i nā kapu,

ʻO KA ʻEPISETOLE A PAULO KA LUNAʻŌLELO I KO KOLOSA 3:11

kahi i ʻole ai he Helene, he Iudaio, he ʻoki poepoe, a me ke ʻoki poepoe ʻole, ka malihini, a me kā Sekute, ke kauā a me ke kauā ʻole; akā, ʻo Kristo nō ka mea a pau, ʻo ia hoʻi ko loko o nā mea a pau.

ʻO KA ʻEPISETOLE A PAULO KA LUNAʻŌLELO I KO KOLOSA 3:15

A e noho hoʻomalu mai ka malu o ke Akua i loko o ko ʻoukou naʻau, no ia mea hoʻi e hea ʻia mai ai ʻoukou i kino hoʻokahi; a e hoʻomaikaʻi aku hoʻi ʻoukou.

ʻO KA ʻEPISETOLE A PAULO KA LUNAʻŌLELO I KO HEBERA 13:20

¶ Na ke Akua hoʻopōmaikaʻi, na ka Mea i hoʻāla mai i ko kākou Haku iā Iesū mai ka make mai, i ka Mea i lilo mai, ma ke koko o ka berita mau loa, i Kahu nui no ka poʻe hipa.

ʻO KA ʻEPISETOLE A PAULO KA LUNAʻŌLELO I KO HEBERA 7:2

Iā ia hoʻi i hāʻawi aku ai ʻo ʻAberahama i ka hapaʻumi o nā mea a pau; ma ka unuhi ʻōlelo ʻana, ʻo kona inoa mua “ke aliʻi o ka pono,” a laila ke aliʻi o Salema ia, ʻo ke ʻano o ia, “ke aliʻi e maluhia ai.”