ʻO KA ʻEPISETOLE A PAULO KA LUNAʻŌLELO I KO KOLOSA 3:3 - Ka Baibala Hemolele

³ No ka mea, ua make ʻoukou, a ua hūnā ʻia aku ko ʻoukou ola me Kristo i loko o ke Akua.

ʻO KA ʻEPISETOLE A PAULO KA LUNAʻŌLELO I KO KOLOSA 3:3 Iomraidhean Croise

KA ʻEUANELIO I KĀKAU ʻIA AI E MATAIO 11:25

¶ Ia wā lā, ʻōlelo akula ʻo Iesū, ʻī akula, “Ke aloha aku nei au iā ʻoe, e ka Makua, ka Haku o ka lani a me ka honua; no ka mea, ua hūnā ʻoe i kēia mau mea i ka poʻe akamai a me ka poʻe maʻalea, a ua hōʻike mai ʻoe ia mau mea i nā keiki ʻuʻuku.

KA ʻEUANELIO I KĀKAU ʻIA AI E IOANE 14:19

“A liʻuliʻu iki aku, ʻaʻole e ʻike hou mai ko ke ao nei iaʻu; akā, e ʻike mai nō ʻoukou iaʻu; a no koʻu ola ʻana, e ola nō ʻoukou kekahi.

KA ʻEUANELIO I KĀKAU ʻIA AI E IOANE 3:16

¶ “No ka mea, ua aloha nui mai ke Akua i ko ke ao nei; no laila, ua hāʻawi mai ʻo ia i kāna Keiki hiwahiwa, i ʻole e make ka mea manaʻoʻiʻo iā ia; akā, e loaʻa iā ia ke ola mau loa.

KA ʻEUANELIO I KĀKAU ʻIA AI E IOANE 4:14

“Akā, ʻo ka mea e inu i ka wai aʻu e hāʻawi aku ai iā ia, ʻaʻole loa ia e make wai hou aku; akā, ʻo ka wai aʻu e hāʻawi aku ai iā ia, e lilo ia i wai puna i loko ona e pipiʻi ana i ke ola mau loa.”

KA ʻEUANELIO I KĀKAU ʻIA AI E IOANE 5:21

“E like me ko ka Makua hoʻāla ʻana i ka poʻe make, a me ka hoʻōla iā lākou; pēlā nō hoʻi ke Keiki e hoʻōla mai ai i ka poʻe āna i makemake ai.

KA ʻEUANELIO I KĀKAU ʻIA AI E IOANE 5:24

“ʻOiaʻiʻo, he ʻoiaʻiʻo kaʻu e ʻōlelo aku nei iā ʻoukou, ʻo ka mea e hoʻolohe i kaʻu ʻōlelo, a e manaʻoʻiʻo hoʻi i ka Mea nāna au i hoʻouna mai, he ola mau loa kona, ʻaʻole ia e lilo i ka hoʻohewa ʻia; akā, ua lilo aʻe ia mai ka make aʻe i ke ola.

KA ʻEUANELIO I KĀKAU ʻIA AI E IOANE 5:40

“ʻAʻole o ʻoukou makemake e hele mai i oʻu nei, i loaʻa ai iā ʻoukou ke ola.

ʻO KA ʻEPISETOLE A PAULO KA LUNAʻŌLELO I KO ROMA 5:10

No ka mea, inā i ko kākou wā e ʻenemi ana i hoʻolauleʻa ʻia ai kākou i ke Akua ma ka make ʻana o kāna Keiki, he ʻoiaʻiʻo nō, a lauleʻa kākou, e hoʻōla ʻiʻo ʻia hoʻi kākou ma kona ola ʻana.

ʻO KA ʻEPISETOLE A PAULO KA LUNAʻŌLELO I KO ROMA 5:21

A, me ka hewa i lanakila ai ma ka make, pēlā hoʻi e lanakila ai ka lokomaikaʻi ma ka hoʻāpono ʻana, i mea e ola mau ai, ma o Iesū Kristo lā ko kākou Haku.

ʻO KA ʻEPISETOLE A PAULO KA LUNAʻŌLELO I KO ROMA 6:11

Pēlā nō hoʻi ʻoukou e manaʻo ai iā ʻoukou iho, ua make nō ka hewa, e ola ana nō hoʻi no ke Akua, ma o Kristo Iesū lā ko kākou Haku.

ʻO KA ʻEPISETOLE A PAULO KA LUNAʻŌLELO I KO ROMA 6:2

ʻAʻole loa! Pehea lā kākou ka poʻe i make no ka hewa e noho hou ai ma laila?

ʻO KA ʻEPISETOLE A PAULO KA LUNAʻŌLELO I KO ROMA 8:2

No ka mea, na ke kānāwai o ka ʻUhane ola i loko o Kristo Iesū wau i hoʻokuʻu, mai ke kānāwai o ka hewa a me ka make.

ʻO KA ʻEPISETOLE MUA A PAULO KA LUNAʻŌLELO I KO KORINETO 15:45

Pēlā hoʻi ka palapala ʻana mai, “ʻO ke «kanaka» mua, ʻo ʻAdamu, «ua hana ʻia ʻo ia, he kanaka ola»;” a ʻo ʻAdamu hope, he ʻuhane hoʻōla ia.

ʻO KA ʻEPISETOLE MUA A PAULO KA LUNAʻŌLELO I KO KORINETO 2:14

Akā, ʻo ke kanaka ma ke kino, ʻaʻole e loaʻa iā ia nā mea o ka ʻUhane o ke Akua; no ka mea, ua lapuwale ia mau mea iā ia, ʻaʻole hoʻi e hiki iā ia ke hoʻomaopopo aku; no ka mea, ma ka ʻuhane wale nō e ʻike ʻia ai lākou.

ʻO KA ʻEPISETOLE LUA A PAULO KA LUNAʻŌLELO I KO KORINETO 5:14

Ke koi ikaika mai nei ke aloha o Kristo iā mākou; no ka mea, ua akāka i ko mākou manaʻo, inā i make kekahi no nā mea a pau, inā ua make nā mea a pau.

ʻO KA ʻEPISETOLE LUA A PAULO KA LUNAʻŌLELO I KO KORINETO 5:7

No ka mea, ke hele nei mākou ma ka manaʻoʻiʻo, ʻaʻole ma ka ʻike maka ʻana.

ʻO KA ʻEPISETOLE A PAULO KA LUNAʻŌLELO I KO GALATIA 2:20

“Ua kau pū ʻia aku au me Kristo ma ke keʻa; ua ola nō hoʻi au, ʻaʻole naʻe ʻo wau iho; akā, e ola ana ʻo Kristo i loko oʻu; a ʻo ke ola e ola nei au i loko o ke kino, e ola ana au ma ka manaʻoʻiʻo aku i ke Keiki a ke Akua, nāna au i aloha mai, a hāʻawi maila iā ia iho noʻu.

ʻO KA ʻEPISETOLE A PAULO KA LUNAʻŌLELO I KO ʻEPESO 3:9

a e hōʻike aku hoʻi i nā kānaka a pau i ke ʻano o ka mea pohihihi i hūnā ʻia mai ke kumu mai i loko o ke Akua, nāna i hana nā mea a pau ma o Iesū Kristo lā;

ʻO KA ʻEPISETOLE A PAULO KA LUNAʻŌLELO I KO PILIPI 4:7

A ʻo ka maluhia o ke Akua, ka mea i ʻoi aku i ko ke kanaka manaʻo a pau, e hoʻomalu mai i ko ʻoukou naʻau a me ko ʻoukou manaʻo ma o Kristo Iesū lā.

ʻO KA ʻEPISETOLE A PAULO KA LUNAʻŌLELO I KO KOLOSA 1:5

no ka pono e manaʻolana ʻia ai, e waiho ana nō ʻoukou ma ka lani; ʻo ka mea a ʻoukou i lohe mua ai ma loko o ka ʻōlelo ʻoiaʻiʻo o ka ʻeuanelio;

ʻO KA ʻEPISETOLE A PAULO KA LUNAʻŌLELO I KO KOLOSA 2:20

¶ Inā hoʻi i make pū ʻoukou me Kristo, a kaʻawale nā kumu liʻiliʻi o ko ke ao nei, no ke aha hoʻi ʻoukou, e like me ka noho ʻana ma kēia ao, i mālama ai i nā kapu,

ʻO KA ʻEPISETOLE A PAULO KA LUNAʻŌLELO I KO KOLOSA 2:3

kahi i hūnā ʻia ai ka waiwai nui o ke akamai, a me ka naʻauao.

ʻO KA ʻEPISETOLE A PAULO KA LUNAʻŌLELO I KO KOLOSA 3:4

Aia ʻikea aku ʻo Kristo ʻo ko kākou ola, a laila e ʻikea pū ʻoukou me ia i loko o ka nani.

ʻO KA ʻEPISETOLE A PAULO KA LUNAʻŌLELO I KO HEBERA 7:25

No ia mea, e hiki mau ai iā ia ke hoʻōla i ka poʻe i hele mai i ke Akua ma ona lā, no kona ola mau loa ʻana e ʻuao ana no lākou.

ʻO KA ʻEPISETOLE HOʻOLAHA MUA A PETERO 3:4

akā, e kāhiko ʻoukou i ke kino ʻike ʻole ʻia o ka naʻau, ma ka mea palahō ʻole, ʻo ka manaʻo akahai a me ka noho mālie; ʻo ia ka waiwai nui i mua o ke Akua.

ʻO KA ʻEPISETOLE HOʻOLAHA MUA A PETERO 4:2

i ʻole ʻo ia e noho hou aku i kona manawa e koe ma ke kino, ma muli o ke kuko kanaka; akā, ma muli o ko ke Akua makemake.

ʻO KA ʻEPISETOLE HOʻOLAHA MUA A IOANE 3:2

E nā punahele, ʻānō lā, he poʻe keiki kākou na ke Akua; akā, ʻo ko kākou ʻano ma hope aku, ʻaʻole ʻikea ia; akā, ke ʻike nei kākou, a i kona wā e ʻikea mai ai, e like auaneʻi kākou me ia; no ka mea, e ʻike kākou iā ia ma kona ʻano maoli.

KA HŌʻIKE ʻANA A IOANE KA HAIPULE 2:17

‘ʻO ka mea pepeiao lā, e hoʻolohe ia i ka mea a ka ʻUhane e ʻōlelo nei i nā ʻekalesia; ʻO ka mea lanakila, e hāʻawi aku au iā ia e ʻai i ka mane i hūnā ʻia, a e hāʻawi nō hoʻi au iā ia i ka pōhaku keʻokeʻo, a ma luna iho o ua pōhaku lā, ua palapala ʻia ka inoa hou, ʻaʻole mea ʻike ia inoa, ʻo ka mea wale nō iā ia ka pōhaku.’