ʻO KA ʻEPISETOLE A PAULO KA LUNAʻŌLELO I KO KOLOSA 2:3 - Ka Baibala Hemolele

³ kahi i hūnā ʻia ai ka waiwai nui o ke akamai, a me ka naʻauao.

ʻO KA ʻEPISETOLE A PAULO KA LUNAʻŌLELO I KO KOLOSA 2:3 Iomraidhean Croise

KA BUKE MUA NO NĀ ALIʻI 3:28

A lohe aʻela kā ʻIseraʻela a pau i ka hoʻoponopono ʻana a ke aliʻi i hana ai, a weliweli lākou i mua o ke aliʻi; no ka mea, ua ʻike lākou, ʻo ke akamai o ke Akua kai loko ona e hoʻoponopono ai.

KA BUKE NO IOBA 28:21

“No ka mea, ua hūnā ʻia ʻo ia mai nā maka aku o ka poʻe a pau e ola ana, A ua nalo ʻo ia mai nā manu o ka lewa aku.

NĀ ʻŌLELO AKAMAI A SOLOMONA 2:4

Inā e ʻimi aku ʻoe iā ia me he kālā lā, A e huli hoʻi iā ia me he waiwai huna lā;

KA WĀNANA A ʻISAIA 11:2

Ma luna ona e kau ai ka ʻUhane o Iēhova, Ka ʻuhane akamai, a me ka ʻike, Ka ʻuhane kākāʻōlelo, me ka mana, Ka ʻuhane e ʻike ai, a e makaʻu ai hoʻi iā Iēhova.

KA WĀNANA A ʻISAIA 40:14

Me wai lā ʻo ia i kūkākūkā pū ai? Na wai hoʻi i aʻo aku iā ia, A kuhikuhi hoʻi iā ia i ke ala o ka pono, A hōʻike aku iā ia i ke ala o ka naʻauao?

KA ʻEUANELIO I KĀKAU ʻIA AI E MATAIO 10:26

“Mai makaʻu hoʻi iā lākou; no ka mea, ʻaʻohe mea i uhi ʻia e ʻole e hoʻākāka ʻia ana, ʻaʻohe mea i hūnā ʻia e ʻole e hōʻike ʻia ana.

KA ʻEUANELIO I KĀKAU ʻIA AI E LUKA 11:49

“No laila hoʻi i ʻōlelo ai ke akamai o ke Akua, ‘E hoʻouna aku au i nā kāula a me nā lunaʻōlelo i o lākou lā, a e pepehi lākou i kekahi, a e hana ʻino nō hoʻi i kekahi o lākou.

ʻO KA ʻEPISETOLE A PAULO KA LUNAʻŌLELO I KO ROMA 11:33

¶ Nani ka hohonu o ka waiwai a me ke akamai, a me ka ʻike o ke Akua! Nani hoʻi ke kupanaha o kona mau manaʻo, a me ka ʻike ʻole ʻia aku o kona mau ʻaoʻao!

ʻO KA ʻEPISETOLE MUA A PAULO KA LUNAʻŌLELO I KO KORINETO 1:24

akā, i ka poʻe i hea ʻia mai, i nā Iudaio a me nā Helene, ʻo Kristo nō ka mana o ke Akua a me ke akamai o ke Akua.

ʻO KA ʻEPISETOLE MUA A PAULO KA LUNAʻŌLELO I KO KORINETO 1:30

Nāna mai nō ko ʻoukou i loko o Kristo Iesū, ʻo ka Mea i lilo no kākou i akamai, i mea hoʻopono, i mea hoʻomaʻemaʻe, a i mea hoʻōla pānaʻi mai ke Akua mai.

ʻO KA ʻEPISETOLE A PAULO KA LUNAʻŌLELO I KO ʻEPESO 1:8

ka mea āna i hoʻomāhuahua mai ai iā kākou me ke akamai nui, a me ka naʻauao.

ʻO KA ʻEPISETOLE A PAULO KA LUNAʻŌLELO I KO KOLOSA 1:19

No ka mea, ʻo ka pono nō ia i ka Makua e noho nui ka pono a pau i loko ona;

ʻO KA ʻEPISETOLE A PAULO KA LUNAʻŌLELO I KO KOLOSA 1:28

ʻO ia kā mākou e haʻi aku nei, e aʻo ana i nā kānaka a pau, a e hoʻonaʻauao ana i nā kānaka a pau i ka naʻauao ʻiʻo, e hiki iā mākou ke hōʻike i nā kānaka a pau i hemolele i loko o Kristo Iesū.

ʻO KA ʻEPISETOLE A PAULO KA LUNAʻŌLELO I KO KOLOSA 1:9

¶ No laila hoʻi, mai ka manawa mai i lohe ai māua, ʻaʻole māua i hoʻōki i ka pule no ʻoukou, me ke noi aku i hoʻopiha ʻia mai ʻoukou me ka ʻike i kona makemake, a me ka naʻauao ʻiʻo ma ka ʻUhane;

ʻO KA ʻEPISETOLE A PAULO KA LUNAʻŌLELO I KO KOLOSA 3:16

A e noho lako mai ka ʻōlelo a Kristo i loko o ʻoukou, me ka naʻauao loa; e aʻo ana a e hoʻonaʻauao ana hoʻi kekahi i kekahi i nā halelū, a me nā hīmeni, a me nā mele ma ka ʻUhane, e ʻoli ana i ka Haku me ka maikaʻi i loko o ko ʻoukou naʻau.

ʻO KA ʻEPISETOLE A PAULO KA LUNAʻŌLELO I KO KOLOSA 3:3

No ka mea, ua make ʻoukou, a ua hūnā ʻia aku ko ʻoukou ola me Kristo i loko o ke Akua.

ʻO KA ʻEPISETOLE HOʻOLAHA ʻALUA A PETERO 1:5

Eia hoʻi kekahi, e hoʻoikaika loa ʻoukou, me ko ʻoukou manaʻoʻiʻo e kuʻi aku ai i ka hana pono; a me ka hana pono, i ka naʻauao;

KA HŌʻIKE ʻANA A IOANE KA HAIPULE 2:17

‘ʻO ka mea pepeiao lā, e hoʻolohe ia i ka mea a ka ʻUhane e ʻōlelo nei i nā ʻekalesia; ʻO ka mea lanakila, e hāʻawi aku au iā ia e ʻai i ka mane i hūnā ʻia, a e hāʻawi nō hoʻi au iā ia i ka pōhaku keʻokeʻo, a ma luna iho o ua pōhaku lā, ua palapala ʻia ka inoa hou, ʻaʻole mea ʻike ia inoa, ʻo ka mea wale nō iā ia ka pōhaku.’