NĀ ʻOIHANA A KA POʻE LUNAʻŌLELO 8:9 - Ka Baibala Hemolele

⁹ ¶ Ma laila nō kekahi kanaka, ʻo Simona ka inoa, he kilo nō ia ma mua mai ma ia kūlanakauhale, a pilihua ka lāhui kanaka o Samaria iā ia, i kāna ʻōlelo ʻana, ʻo kekahi mea nui ia.

NĀ ʻOIHANA A KA POʻE LUNAʻŌLELO 8:9 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 7:11

Kiʻi akula hoʻi ʻo Paraʻo i nā kānaka akamai, a me nā kilo; a ʻo nā māgoi o ʻAigupita, hana ihola hoʻi lākou pēlā, i ko lākou kilokilo ʻana.

KA BUKE ʻALUA A MOSE, I KAPA ʻIA PUKA ʻANA 7:22

Hana ihola no pēlā nā māgoi o ʻAigupita i ko lākou mea e kilokilo ai; a ua hoʻopaʻakikī ʻia ka naʻau o Paraʻo, ʻaʻole hoʻi ia i hoʻolohe mai iā lāua, e like nō me ka mea a Iēhova i ʻōlelo mai ai.

KA BUKE ʻALUA A MOSE, I KAPA ʻIA PUKA ʻANA 9:11

ʻAʻole i hiki i nā māgoi ke kū i mua o Mose, no nā maʻi hēhē; no ka mea, ma luna nō o ka poʻe māgoi ua maʻi hēhē lā, a ma luna nō o ko ʻAigupita a pau.

KA BUKE ʻAKOLU A MOSE, I KAPA ʻIA ʻOIHANA KAHUNA 20:6

¶ ‘A ʻo ke kanaka huli ma muli o nā mea nīnau ʻuhane, a ma muli hoʻi o nā kupua, e hele moekolohe ma muli o lākou, e hoʻokūʻē au i kuʻu maka i kēlā kanaka, a e ʻoki aku hoʻi au iā ia mai waena aku o kona poʻe kānaka.

KA ʻEUANELIO I KĀKAU ʻIA AI E IOANE 7:18

“ʻO ka mea e ʻōlelo aku i kāna iho, ʻo ia ke ʻimi e hoʻonani iā ia iho; akā, ʻo ka mea i ʻimi e hoʻonani i ka Mea nāna ia i hoʻouna mai, he ʻoiaʻiʻo kāna, ʻaʻole he wahaheʻe i loko ona.

NĀ ʻOIHANA A KA POʻE LUNAʻŌLELO 13:6

Kaʻahele akula lākou i ka mokupuni a hiki i Papo, loaʻa iā lākou kekahi kilo, he kāula wahaheʻe hoʻi ia, he Iudaio, ʻo Bare-Iesū kona inoa.

NĀ ʻOIHANA A KA POʻE LUNAʻŌLELO 13:8

Akā, ʻo ʻEluma, ke kilo (ʻo kona inoa ia i ka hoʻolike ʻana) kūʻē akula ʻo ia iā lāua, manaʻo ihola e hoʻohuli i ke kiaʻāina, mai ka manaʻoʻiʻo aku.

NĀ ʻOIHANA A KA POʻE LUNAʻŌLELO 5:36

“No ka mea, i nā lā i hala aku nei, kū aʻela ʻo Teuda, kaena ihola iā ia iho nō, a hoʻopili akula kekahi poʻe kānaka i ona lā ʻehā paha haneri; pepehi ʻia ihola ia; a ʻo ka poʻe a pau i mālama i kāna, ua hoʻopuehu ʻia lākou, a lilo aʻela i mea ʻole.

NĀ ʻOIHANA A KA POʻE LUNAʻŌLELO 8:11

Mālama nō lākou i kāna; no ka mea, lōʻihi ka manawa i hoʻopilihua ai ʻo ia iā lākou i ke kilokilo ʻana.

ʻO KA ʻEPISETOLE LUA A PAULO KA LUNAʻŌLELO I KO TESALONIKE 2:4

ʻo ka mea i kūʻē mai, a hoʻokiʻekiʻe aʻela iā ia iho ma luna o nā mea a pau i kapa ʻia he Akua, a me ka mea i hoʻomana ʻia; ʻo ia hoʻi, me he Akua lā e noho ana ia i loko o ka luakini o ke Akua, e hōʻike ana iā ia iho ʻo ia ke Akua.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 3:2

No ka mea, e lilo ana nā kānaka i poʻe makemake iā lākou iho, puni kālā, hōʻoiʻoi, hoʻokano, hōʻino wale, hoʻolohe ʻole i nā mākua, aloha ʻole, huikala ʻole,

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 3:5

Hoʻokokohu manaʻo i ke Akua; akā, e hōʻole ana i ka mana o ia mea; e hoʻokaʻawale aʻe ʻoe mai ia poʻe aʻe.

ʻO KA ʻEPISETOLE HOʻOLAHA ʻALUA A PETERO 2:18

No ka mea, i ko lākou haʻanui ʻana ma ka mea lapuwale, ke hoʻowalewale nei lākou i loko o ke kuko o ke kino a me ka makaleho wale, i nā mea i haʻalele aku i ka poʻe e noho ana ma ka hewa.

KA HŌʻIKE ʻANA A IOANE KA HAIPULE 22:15

Aia ma waho, nā ʻīlio, a me nā mea hoʻopiʻopiʻo, a me nā moekolohe, a me nā pepehi kanaka, a me ka poʻe hoʻomana kiʻi, a me ka poʻe a pau i makemake a hana aku hoʻi ma ka wahaheʻe.