NĀ ʻOIHANA A KA POʻE LUNAʻŌLELO 7:5 - Ka Baibala Hemolele

⁵ “ʻAʻole hoʻi i hāʻawi ia iā ia i hoʻoilina ma loko ona, ʻaʻole nō i kahi e kū ai ka wāwae; «ua ʻōlelo mai naʻe ʻo ia e hāʻawi mai ia iā ia i kuleana nona, a no kāna poʻe mamo ma hope ona»; ia manawa, ʻaʻole āna keiki.

NĀ ʻOIHANA A KA POʻE LUNAʻŌLELO 7:5 Iomraidhean Croise

KA BUKE MUA A MOSE, I KAPA ʻIA KINOHI 12:7

ʻIkea aʻela ʻo Iēhova e ʻAberama, ʻī maila ia, “E hāʻawi aku nō wau i kēia ʻāina no kāu poʻe mamo.” Ma laila ʻo ia i hana ai i kuahu no Iēhova, ka mea i ʻikea e ia.

KA BUKE MUA A MOSE, I KAPA ʻIA KINOHI 13:15

no ka mea, ʻo ka ʻāina a pau āu e ʻike nei, naʻu ia e hāʻawi aku nou, a no kāu poʻe mamo ma hope mau loa aku.

KA BUKE MUA A MOSE, I KAPA ʻIA KINOHI 15:18

Ia lā nō, hoʻopaʻa ihola ʻo ia i berita me ʻAberama, i ka ʻī ʻana mai, “Ua hāʻawi aku nō wau i kēia ʻāina no kāu poʻe mamo, Mai ka muliwai o ʻAigupita a hiki aku i ka muliwai nui, ka muliwai ʻo ʻEuperate:

KA BUKE MUA A MOSE, I KAPA ʻIA KINOHI 16:2

ʻĪ maila ʻo Sarai iā ʻAberama, “Aia hoʻi, ua pā wau iā Iēhova; ke nonoi aku nei au iā ʻoe, e komo aʻe ʻoe i loko i kaʻu kauā wahine, i loaʻa paha iaʻu nā keiki ma ona lā.” Hoʻolohe akula ʻo ʻAberama i ka leo o Sarai.

KA BUKE MUA A MOSE, I KAPA ʻIA KINOHI 17:8

“A e hāʻawi aku nō au i ka ʻāina āu e noho malihini nei, i ka ʻāina a pau o Kanaʻana, nou, a no kāu poʻe mamo ma hope ou, i wahi e noho mau ai; a ʻo wau hoʻi ko lākou Akua.”

KA BUKE MUA A MOSE, I KAPA ʻIA KINOHI 23:4

“He malihini nō wau e noho wale ana me ʻoukou; e hāʻawi mai i ilina i waena o ʻoukou, i lilo ia noʻu, i kanu aku au i kuʻu mea i make, mai koʻu mau maka aku.”

KA BUKE MUA A MOSE, I KAPA ʻIA KINOHI 26:3

“E noho ʻoe ma kēia ʻāina, a me ʻoe pū nō wau, a e hoʻopōmaikaʻi aku nō wau iā ʻoe; no ka mea, e hāʻawi aku auaneʻi au nou, a no kāu poʻe mamo i kēia mau ʻāina a pau; a e hoʻokō auaneʻi au i ka hoʻohiki ʻana aʻu i hoʻohiki ai i kou makua kāne iā ʻAberahama.

KA BUKE A NEHEMIA 9:8

“Loaʻa ihola iā ʻoe kona naʻau he kūpaʻa i mua ou, A hoʻohiki ihola ʻoe me ia i ka berita E hāʻawi i ka ʻāina o nā Kanaʻana, Nā Heta, nā ʻAmora A me nā Pereza, a me nā Iebusa, A me nā Giregasa, E hāʻawi nō i kāna poʻe mamo, A hoʻokō iho nō ʻoe i kāu ʻōlelo; No ka mea, he mea hana pololei nō ʻoe.

KA WĀNANA A ʻEZEKIʻELA 33:24

“E ke keiki a ke kanaka, ʻo ka poʻe i noho ma kēia mau wahi neoneo o ka ʻāina o kā ʻIseraʻela, ke ʻōlelo nei lākou, i ka ʻī ʻana, ‘Hoʻokahi nō ʻo ʻAberahama, a ua ili ka ʻāina iā ia; a he nui nō hoʻi kākou, a ua hāʻawi mai ka ʻāina no kākou i waiwai ili.’

KA BUKE ʻALIMA A MOSE, I KAPA ʻIA KĀNĀWAI LUA 10:11

“ʻŌlelo maila ʻo Iēhova iaʻu, ‘E kū aʻe ʻoe, a hele aku i mua o nā kānaka, i komo ai lākou, a lilo iā lākou ka ʻāina aʻu i hoʻohiki ai i ko lākou mau kūpuna e hāʻawi iā lākou.’

KA BUKE ʻALIMA A MOSE, I KAPA ʻIA KĀNĀWAI LUA 11:9

a i lōʻihi ai ko ʻoukou mau lā ma ka ʻāina a Iēhova i hoʻohiki ai i ko ʻoukou mau kūpuna e hāʻawi no lākou, a me kā lākou poʻe mamo, ‘he ʻāina e kahe ana ʻo ka waiū a me ka meli.’

KA BUKE ʻALIMA A MOSE, I KAPA ʻIA KĀNĀWAI LUA 2:5

“Mai hakakā ʻoukou me lākou; no ka mea, ʻaʻole au e hāʻawi aku i kekahi o ko lākou ʻāina no ʻoukou, ʻaʻole i kekahi kapuaʻi; no ka mea, ua hāʻawi aku au i ka mauna ʻo Seira i wahi e noho ai no ʻEsau.

KA BUKE ʻALIMA A MOSE, I KAPA ʻIA KĀNĀWAI LUA 34:4

ʻŌlelo maila ʻo Iēhova iā ia, “Eia ka ʻāina aʻu i hoʻohiki aku ai iā ʻAberahama, iā ʻIsaʻaka, a me Iakoba, i ka ʻī ʻana aku, ‘Naʻu nō ia e hāʻawi aku i kāu poʻe mamo. “Ua hōʻike aku au ia i kou mau maka; akā, ʻaʻole ʻoe e hele aku i laila.”

KA BUKE ʻALIMA A MOSE, I KAPA ʻIA KĀNĀWAI LUA 9:5

“ʻAʻole no kou pono, a me ka pololei o kou naʻau, kou hele ʻana e noho ma ko lākou ʻāina; akā, no ka hewa o kēlā mau lāhui kanaka, e kipaku aku ai ʻo Iēhova kou Akua iā lākou mai kou alo aku, a e hoʻokō hoʻi ia i ka ʻōlelo a Iēhova i hoʻohiki ai i kou mau kūpuna, iā ʻAberahama, iā ʻIsaʻaka, a me Iakoba.