NĀ ʻOIHANA A KA POʻE LUNAʻŌLELO 7:41 - Ka Baibala Hemolele

⁴¹ “A ia mau lā, hana ihola lākou i bipi keiki, a hāʻawi akula i mōhai na ua kiʻi akua lā, a ʻoliʻoli ihola lākou i ka mea a ko lākou mau lima iho i hana ai.

NĀ ʻOIHANA A KA POʻE LUNAʻŌLELO 7:41 Iomraidhean Croise

KA BUKE A NEHEMIA 9:18

“Eia hoʻi, i ka wā a lākou i hana ai i bipi keiki i hoʻoheʻeheʻe ʻia, A ʻōlelo aʻela, ‘Eia kou Akua Nāna ʻoe i alakaʻi mai loko mai o ʻAigupita,’ A hana nō hoʻi lākou i nā mea hoʻonāukiuki loa;

HOSEA 9:1

¶ Mai hauʻoli, e kā ʻIseraʻela, me ka ʻoliʻoli, e like me nā lāhui kanaka; No ka mea, ua hele moekolohe aku ʻoe mai kou Akua aku, Ua makemake aku ʻoe i nā makana ma nā kahua hehi palaoa a pau.

HOSEA 9:10

¶ Ua loaʻa iaʻu kā ʻIseraʻela e like me nā hua waina ma ka wao nahele; Ua ʻike au i ko ʻoukou poʻe kūpuna, e like me ka hua mua ma ka lāʻau fiku i kona hua mua ʻana; Akā, hele akula lākou iā Baʻala Peora, a hoʻokaʻawale iā lākou iho no ka mea hilahila; A ʻo nā mea hoʻowahāwahā ʻia, ua like me ko lākou makemake.

KA HŌʻIKE ʻANA A IOANE KA HAIPULE 9:20

A ʻo kānaka i koe, ka poʻe i make ʻole i kēia mau mea ʻino, ʻaʻole lākou i mihi i nā hana a ko lākou mau lima, i ʻole ai lākou e hoʻomana aku i nā daimonio, a me nā akua kiʻi o ke gula, a me ke kālā, a me ke keleawe, a me ka pōhaku, a me ka lāʻau; nā mea ʻaʻole hiki ke nānā, ʻaʻole hoʻi ke lohe, ʻaʻole hoʻi ke hele.