NĀ ʻOIHANA A KA POʻE LUNAʻŌLELO 7:2 - Ka Baibala Hemolele

² ¶ ʻĪ maila kēlā, “E nā kānaka, nā hoahānau, a me nā mākua, e hoʻolohe mai; ua ʻikea mai ke Akua nani e ko kākou kupuna e ʻAberahama, i kona noho ʻana ma Mesopotamia, i ka wā ma mua aku o kona noho ʻana ma Harana;

NĀ ʻOIHANA A KA POʻE LUNAʻŌLELO 7:2 Iomraidhean Croise

KA BUKE MUA A MOSE, I KAPA ʻIA KINOHI 11:31

Lawe aʻela ʻo Tera i kāna keiki iā ʻAberama, a me kāna moʻopuna iā Lota, ke keiki a Harana, a me Sarai kāna hūnōna wahine, ʻo ka wahine a kāna keiki a ʻAberama; a haele pū maila lākou mai ʻUra mai no ko Kaledea, i ka hele ʻana ma ka ʻāina ʻo Kanaʻana; hiki maila lākou i Harana, a noho ihola i laila.

KA BUKE MUA A MOSE, I KAPA ʻIA KINOHI 12:1

¶ I ʻōlelo mai ʻo Iēhova iā ʻAberama: “E hele aku ʻoe mai kou ʻāina aku, A mai kou poʻe hoahānau aku, A mai ka hale o kou makua kāne aku, A hiki i ka ʻāina aʻu e kuhikuhi aku ai iā ʻoe.

KA BUKE MUA A MOSE, I KAPA ʻIA KINOHI 12:5

Lawe aʻela ʻo ʻAberama i kāna wahine iā Sarai, a me Lota ke keiki a kona kaikuaʻana, a me ka waiwai a pau a lākou i hōʻiliʻili ai, a me nā ʻōhua a pau i loaʻa iā lākou ma Harana; a puka maila lākou e hele mai i ka ʻāina ʻo Kanaʻana; a hiki maila lākou i ka ʻāina ʻo Kanaʻana.

KA BUKE MUA A MOSE, I KAPA ʻIA KINOHI 15:7

ʻĪ maila kēlā iā ia, “ʻO wau nō Iēhova nāna ʻoe i lawe mai nei, mai ʻUra o ko Kaledea mai, e hāʻawi aku nou i kēia ʻāina i wahi e noho ai.”

KA BUKE MUA A MOSE, I KAPA ʻIA KINOHI 29:4

ʻĪ akula ʻo Iakoba iā lākou, “E kuʻu mau hoahānau, no hea ʻoukou?” ʻĪ maila lākou, “No Harana mākou.”

KA BUKE A NEHEMIA 9:7

“ʻO ʻoe nō, ʻo Iēhova, ke Akua Nāna i koho iho iā ʻAberama, A alakaʻi maila iā ia mai loko mai o ʻUra no ko Kaledea, A kapa ihola ʻoe i kona inoa ʻo ʻAberahama.

KA BUKE O NĀ HALELŪ 24:10

ʻO wai lā ia Aliʻi nani? ʻO Iēhova Sābāōta, ʻo ia ke Aliʻi nani. Sila.

KA BUKE O NĀ HALELŪ 24:7

¶ E hāpai aʻe, e nā pani, i ko ʻoukou mau poʻo; E hoʻokiʻekiʻe ʻia aʻe hoʻi ʻoukou, e nā ʻīpuka mau loa; A e komo nō hoʻi ke Aliʻi nani.

KA BUKE O NĀ HALELŪ 29:3

¶ Aia ka leo o Iēhova ma luna o nā kai; Ke hekili mai nei ke Akua nani; Aia nō Iēhova ma luna iho o nā wai he nui nō.

KA WĀNANA A ʻISAIA 37:12

‘Ua hoʻopakele anei nā akua o nā ʻāina i ka poʻe a koʻu mau mākua kāne i luku ai; iā Gozana, a me Harana, a me Rezepa, a me nā keiki a ʻEdena, ka poʻe ma Telasara?

KA WĀNANA A ʻISAIA 51:2

“E nānā hoʻi ma o ʻAberahama lā, ko ʻoukou kupuna, Iā Sara hoʻi i ka mea nāna ʻoukou i hānau; No ka mea, ʻo ia hoʻokahi kaʻu i hea aku ai, A hoʻopōmaikaʻi aku iā ia, a hoʻonui aku i kāna.”

KA WĀNANA A ʻISAIA 6:3

A hea aʻela kekahi i kekahi, “ʻIhiʻihi, ʻihiʻihi, ʻihiʻihi nō ʻo Iēhova o nā kaua. Ua piha ka honua i kona nani!”

KA ʻEUANELIO I KĀKAU ʻIA AI E MATAIO 6:13

‘Mai hoʻokuʻu ʻoe iā mākou i ka hoʻowalewale ʻia mai; e hoʻopakele nō naʻe iā mākou i ka ʻino. No ka mea, nou ke aupuni, a me ka mana, a me ka hoʻonani ʻia, a mau loa aku. ʻĀmene.’

KA ʻEUANELIO I KĀKAU ʻIA AI E LUKA 2:14

“E hoʻonani ʻia ke Akua ma nā lani kiʻekiʻe loa, A he malu hoʻi ma ka honua; he aloha nō i kānaka.”

KA ʻEUANELIO I KĀKAU ʻIA AI E IOANE 1:14

¶ Lilo maila ka Logou i kanaka, a noho ihola me kākou, a ʻike kākou i kona nani, i ka nani o ka hiwahiwa a ke Akua, ua piha i ka lokomaikaʻi a me ka ʻoiaʻiʻo.

KA ʻEUANELIO I KĀKAU ʻIA AI E IOANE 12:41

ʻO kēia mau mea kā ʻIsaia i ʻōlelo ai, i ka wā i ʻike ai ia i kona nani, a i ʻōlelo mai ai nona.

NĀ ʻOIHANA A KA POʻE LUNAʻŌLELO 22:1

¶ “E nā kānaka, nā hoahānau, a me nā mākua, e hoʻolohe mai ʻoukou i kaʻu ʻōlelo hoʻākāka iā ʻoukou.”

NĀ ʻOIHANA A KA POʻE LUNAʻŌLELO 23:7

A i kāna ʻōlelo ʻana pēlā, kūʻēʻē ihola ka poʻe Parisaio, a me ka poʻe Sadukaio; a mokuāhana ihola ua ʻaha kanaka lā.

NĀ ʻOIHANA A KA POʻE LUNAʻŌLELO 7:1

¶ Nīnau akula ke kahuna nui, “Pēlā nō anei kēia mau mea?”

ʻO KA ʻEPISETOLE MUA A PAULO KA LUNAʻŌLELO I KO KORINETO 2:8

ʻAʻole i ʻike kekahi aliʻi o kēia ao ia mea; no ka mea, inā ua ʻike lākou, inā ʻaʻole lākou i kau ma ke keʻa i ka Haku nona ka nani.

ʻO KA ʻEPISETOLE A PAULO KA LUNAʻŌLELO I KO ʻEPESO 1:17

i hāʻawi mai ai ke Akua o ko kākou Haku ʻo Iesū Kristo, ka Makua nona ka nani, iā ʻoukou i ka ʻuhane hoʻonaʻauao a me ka hōʻike, i ʻike ai ʻoukou iā ia;

ʻO KA ʻEPISETOLE A PAULO IĀ TITO 2:13

e kiaʻi ana hoʻi i ka manaʻolana e pōmaikaʻi ai, a me ka ʻikea nani ʻana mai o ke Akua nui a ʻo ko kākou Ola ʻo Iesū Kristo;

ʻO KA ʻEPISETOLE A PAULO KA LUNAʻŌLELO I KO HEBERA 1:3

ʻO ia ka ʻōlinolino o kona nani, a me ka like loa o kona ʻano maoli, e hoʻomau ana i nā mea a pau ma kāna ʻōlelo mana iho, a, hoʻolilo ihola iā ia iho i mea e maʻemaʻe ai ko kākou hewa, noho ihola ia ma ka lima ʻākau o ka Mōʻī ma luna lilo;

ʻO KA ʻEPISETOLE A PAULO KA LUNAʻŌLELO I KO HEBERA 11:8

Ma ka manaʻoʻiʻo hoʻi i hoʻolohe ai ʻo ʻAberahama, i ka wā i hea ʻia mai ai e hele aku i kahi e loaʻa mai ai iā ia ka noho ʻana; a hele akula ia me ka ʻike ʻole i kona wahi i hele ai.

ʻO KA ʻEPISETOLE HOʻOLAHA A IAKOBO 2:1

¶ E nā hoahānau oʻu, i ko ʻoukou manaʻoʻiʻo ʻana iā Iesū Kristo i ko kākou Haku nani, mai manaʻo aku ma ko ke kanaka helehelena.

KA BUKE A IOSUA 24:2

ʻŌlelo maila ʻo Iosua i nā kānaka a pau, “Ke ʻī mai nei ʻo Iēhova, ke Akua o ʻIseraʻela penei, ‘Ua noho nō ko ʻoukou kūpuna ma kēlā kapa o ka muliwai, i ka wā kahiko, ʻo Tera ka makua kāne o ʻAberahama, ʻo ka makua kāne hoʻi o Nahora; a mālama nō lākou i nā akua ʻē.

KA HŌʻIKE ʻANA A IOANE KA HAIPULE 4:11

“E pono nō ʻoe, e ka Haku, ke loaʻa iā ʻoe ka nani a me ka mahalo a me ka mana; No ka mea, nāu nō i hana i nā mea a pau, A ma kou makemake nō lākou i mau ai a hana ʻia hoʻi.”