NĀ ʻOIHANA A KA POʻE LUNAʻŌLELO 5:9 - Ka Baibala Hemolele

⁹ A laila, ʻī akula ʻo Petero iā ia, “Pehea lā i hui pū ai ko ʻolua manaʻo, e hoʻāʻo aku i ka ʻUhane o ka Haku? Aia hoʻi ma ka ʻīpuka nā wāwae o ka poʻe nāna i kanu kāu kāne; e lawe aku nō hoʻi lākou iā ʻoe iho.”

NĀ ʻOIHANA A KA POʻE LUNAʻŌLELO 5:9 Iomraidhean Croise

KA BUKE MUA A MOSE, I KAPA ʻIA KINOHI 20:13

A i ka manawa a ke Akua i hoʻoʻauana mai ai iaʻu mai ka hale o koʻu makua kāne mai, ʻī akula au iā ia nei, “Eia kou lokomaikaʻi āu e hōʻike mai ai iaʻu; i nā wahi a pau e hiki aku ai kāua, e ʻōlelo aku ʻoe noʻu, ‘ʻO koʻu kaikunāne ia.’”

KA BUKE ʻALUA NO NĀ ALIʻI 6:32

¶ A e noho ana ʻo ʻElisai i loko o kona hale, a e noho pū ana me ia nā lunakahiko; a hoʻouna aku ke aliʻi i ke kanaka mai kona alo aku; akā, ma mua o ka hiki ʻana aku o ke ʻelele i ona lā, ʻī maila ia i nā lunakahiko, “E nānā ʻoukou ua hoʻouna mai nei kēia keiki a ka mea pepehi kanaka e lawe i kuʻu poʻo; e nānā, i ka manawa e hele mai ai ke ʻelele, e pani aku i ka puka, a e hoʻopaʻa aku ʻoukou iā ia ma ka puka; ʻaʻole anei e kani ana nā wāwae o kona haku ma hope ona?”

KA BUKE O NĀ HALELŪ 50:18

“A i kou wā i ʻike ai i ka ʻaihue, ua ʻae pū ʻoe me ia; Ua lawe pū ʻoe me nā mea moekolohe.

KA BUKE O NĀ HALELŪ 78:56

Akā, hoʻāʻo lākou i ke Akua Kiʻekiʻe, a kipi akula, ʻAʻole hoʻi i mālama i kāna mau kauoha;

KA BUKE ʻALUA A MOSE, I KAPA ʻIA PUKA ʻANA 17:2

Nuku maila nā kānaka iā Mose, ʻī maila, “E hāʻawi mai i wai no mākou e inu ai.” ʻĪ akula ʻo Mose iā lākou, “No ke aha lā ʻoukou i nuku mai ai iaʻu? No ke aha lā ʻoukou i aʻa aku ai iā Iēhova?”

KA BUKE ʻALUA A MOSE, I KAPA ʻIA PUKA ʻANA 17:7

Kapa akula ʻo ia i ka inoa o ia wahi, ʻo Masa, a me Meriba, no ka nuku ʻana o nā mamo o ʻIseraʻela, a me ko lākou aʻa ʻana iā Iēhova, ʻī aʻela, “ʻO Iēhova anei kekahi i waena o kākou, ʻaʻole paha?”

NĀ ʻŌLELO AKAMAI A SOLOMONA 11:21

Inā e kuʻikahi lima i kekahi lima, ʻaʻole naʻe e hoʻopakele ʻia ka mea hewa; ʻO ka mamo hoʻi o ka poʻe pono, e hoʻopakele ʻia ʻo ia.

NĀ ʻŌLELO AKAMAI A SOLOMONA 16:5

He hoʻopailua iā Iēhova nā naʻau kiʻekiʻe a pau; Inā e kuʻikahi lima i kahi lima, ʻaʻole naʻe e ʻole kona hoʻopaʻi ʻia.

MIKA 7:3

Hana hewa ikaika hoʻi lākou me nā lima; Noi aku ka luna, a me ka luna kānāwai i uku; A ʻo ke kanaka nui, ʻo ia ke hōʻike aku i ka makemake o kona naʻau; Pēlā nō lākou e huikau ai ia mea.

KA BUKE ʻAHĀ A MOSE, I KAPA ʻIA NĀ HELU 14:22

no ka mea, ʻo kēlā poʻe kānaka a pau, ka poʻe i ʻike mai i kuʻu nani, a me nā mea mana aʻu i hana ai ma ʻAigupita, a ma ka wao nahele, a he ʻumi ko lākou ʻaʻa ʻana mai iaʻu, ʻaʻole hoʻi i hoʻolohe mai i kuʻu leo;

KA ʻEUANELIO I KĀKAU ʻIA AI E MATAIO 4:7

ʻĪ maila ʻo Iesū, “Ua palapala ʻia nō hoʻi, ‘«Mai hoʻāʻo aku ʻoe i ka Haku i kou Akua».’”

KA ʻEUANELIO I KĀKAU ʻIA AI E LUKA 16:2

“A kiʻi akula ʻo ia iā ia, ʻī akula iā ia, ‘He aha kēia aʻu i lohe iho nei iā ʻoe? E hōʻike mai ʻoe i kou mālama ʻana; no ka mea, ʻaʻole ʻoe e puʻukū hou aku.’

NĀ ʻOIHANA A KA POʻE LUNAʻŌLELO 15:10

“No ia mea lā ʻeā, no ke aha lā ʻoukou e hoʻāʻo aku nei i ke Akua e kau mai ma luna o ka ʻāʻī o nā haumāna i ka ʻauamo hiki ʻole iā kākou a me ko kākou poʻe kūpuna, ke amo?

NĀ ʻOIHANA A KA POʻE LUNAʻŌLELO 5:6

Kū aʻela nā kānaka uʻi, wahī ihola iā ia, lawe akula i waho, a kanu ihola.

ʻO KA ʻEPISETOLE A PAULO KA LUNAʻŌLELO I KO ROMA 10:15

A pehea lā hoʻi e haʻi aku ai lākou ke hoʻouna ʻole ʻia aku? Penei hoʻi i palapala ʻia ai, “«Nani nā wāwae o ka poʻe i hōʻike mai i ka ʻeuanelio, i haʻi mai hoʻi i ka nūhou maikaʻi»!”

ʻO KA ʻEPISETOLE A PAULO KA LUNAʻŌLELO I KO ROMA 3:19

¶ Ua ʻike nō kākou, ʻo nā mea a ke Kānāwai i ʻōlelo mai ai, ua ʻōlelo nō ia i ka poʻe ma lalo o ke kānāwai; i paʻa nā waha a pau, a i lilo hoʻi ko ke ao nei a pau i hewa i mua o ke Akua.

ʻO KA ʻEPISETOLE MUA A PAULO KA LUNAʻŌLELO I KO KORINETO 10:9

Mai ʻaʻa aku iā Kristo, e like me ka ʻaʻa ʻana aku o kekahi poʻe o lākou, a ua luku ʻia mai lākou e ka poʻe nahesa.