NĀ ʻOIHANA A KA POʻE LUNAʻŌLELO 4:10 - Ka Baibala Hemolele

¹⁰ e ʻike pono ʻoukou a pau, a me nā kānaka a pau o kā ʻIseraʻela, ma ka inoa ʻo Iesū Kristo no Nazareta, ʻo ka mea a ʻoukou i kau ai ma ke keʻa, ʻo ka mea i hoʻāla ʻia mai e ke Akua, mai ka make mai, ʻo ia nō ka mea i kū ola mai ai kēia kanaka i mua o ko ʻoukou alo.

NĀ ʻOIHANA A KA POʻE LUNAʻŌLELO 4:10 Iomraidhean Croise

KA BUKE NO DANIʻELA 3:18

A i ʻole hoʻi ia, e ʻike auaneʻi ʻoe, e ke aliʻi, ʻaʻole mākou e mālama i kou mau akua, ʻaʻole hoʻi mākou e hoʻomana aku i ke kiʻi gula āu i kūkulu ai.

KA ʻEUANELIO I KĀKAU ʻIA AI E MATAIO 2:23

A hiki akula ia i kekahi kūlanakauhale ʻo Nazareta ka inoa, noho ihola ia i laila; pēlā i kō ai ka ʻōlelo a ka poʻe kāula, “E kapa ʻia ʻo ia he Nazarene.”

KA ʻEUANELIO I KĀKAU ʻIA AI E LUKA 18:37

Haʻi akula nō hoʻi lākou iā ia, e māʻalo ana aʻe ʻo Iesū no Nazareta.

NĀ ʻOIHANA A KA POʻE LUNAʻŌLELO 2:32

“ʻO ua Iesū lā, ʻo ia kā ke Akua i hoʻāla mai ai, he poʻe ʻike maka mākou a pau ia mea.

NĀ ʻOIHANA A KA POʻE LUNAʻŌLELO 2:36

“No ia mea, e ʻike pono ka ʻohana a pau a ʻIseraʻela, ua hoʻolilo ke Akua iā Iesū nei, i ka Mea a ʻoukou i kau ai ma ke keʻa, i Haku a i Mesia hoʻi.”

NĀ ʻOIHANA A KA POʻE LUNAʻŌLELO 28:28

“No ia mea, e ʻike pono ʻoukou, ua hoʻouna ʻia aku ke ola o ke Akua i ko nā ʻāina ʻē, a e hoʻolohe mai nō lākou.”

NĀ ʻOIHANA A KA POʻE LUNAʻŌLELO 3:6

A laila ʻī maila ʻo Petero, “ʻAʻole aʻu kālā, ʻaʻole he gula; akā, ʻo ka mea i loaʻa mai iaʻu, ʻo kaʻu ia e hāʻawi aku nāu: Ma ka inoa ʻo Iesū Kristo no Nazareta, e kū ʻoe, a e hele!”

ʻO KA ʻEPISETOLE A PAULO KA LUNAʻŌLELO I KO ROMA 1:4

a i hoʻomaopopo ʻia hoʻi ʻo ke Keiki a ke Akua me ka mana, ma ka ʻUhane hoʻāno, ma hope o ke ala hou ʻana mai waena mai o ka poʻe make;