NĀ ʻOIHANA A KA POʻE LUNAʻŌLELO 3:16 - Ka Baibala Hemolele

¹⁶ “Akā, ʻo kona inoa iho, i ka manaʻoʻiʻo ʻana i kona inoa, ʻo ia ka Mea i hoʻōla ai i ke kanaka a ʻoukou e nānā aku, a e ʻike nei; ʻo ka manaʻoʻiʻo ʻana iā ia, ʻo ia ka Mea i hāʻawi mai ai i ke ola ʻiʻo no ia nei i mua i ke alo o ʻoukou nei a pau.

NĀ ʻOIHANA A KA POʻE LUNAʻŌLELO 3:16 Iomraidhean Croise

NĀ ʻOIHANA A KA POʻE LUNAʻŌLELO 14:9

Lohe akula ʻo ia iā Paulo e ʻōlelo ana, a haka pono maila ʻo ia iā ia, a ʻike ihola, he manaʻoʻiʻo kona e hoʻōla ʻia ai,

NĀ ʻOIHANA A KA POʻE LUNAʻŌLELO 4:10

e ʻike pono ʻoukou a pau, a me nā kānaka a pau o kā ʻIseraʻela, ma ka inoa ʻo Iesū Kristo no Nazareta, ʻo ka mea a ʻoukou i kau ai ma ke keʻa, ʻo ka mea i hoʻāla ʻia mai e ke Akua, mai ka make mai, ʻo ia nō ka mea i kū ola mai ai kēia kanaka i mua o ko ʻoukou alo.

NĀ ʻOIHANA A KA POʻE LUNAʻŌLELO 3:6

A laila ʻī maila ʻo Petero, “ʻAʻole aʻu kālā, ʻaʻole he gula; akā, ʻo ka mea i loaʻa mai iaʻu, ʻo kaʻu ia e hāʻawi aku nāu: Ma ka inoa ʻo Iesū Kristo no Nazareta, e kū ʻoe, a e hele!”

NĀ ʻOIHANA A KA POʻE LUNAʻŌLELO 16:18

Hana mai nō ia i kēlā mea i nā lā he nui. Ana aʻela ʻo Paulo, a huli aʻela, ʻī akula i ua ʻuhane lā, “Ke hoʻokikina aku nei au iā ʻoe, ma ka inoa ʻo Iesū Kristo, e puka mai ma waho ona.” Puka maila nō ia ia hora nō.

KA ʻEUANELIO I KĀKAU ʻIA AI E MATAIO 9:22

Hāliu aʻela ʻo Iesū, ʻike aʻela iā ia, ʻī akula, “E ke kaikamahine, e hoʻolana i kou manaʻo; ua hoʻōla mai kou manaʻoʻiʻo iā ʻoe.” A ola koke ihola ua wahine lā ia hora.

ʻO KA ʻEPISETOLE MUA A PAULO KA LUNAʻŌLELO I KO KORINETO 13:2

A inā iaʻu ka wānana, a inā i ʻike au i nā mea pohihihi a pau, a me nā mea a pau e naʻauao ai; a inā iaʻu ka manaʻoʻiʻo e hiki ai ke hoʻoneʻe i nā kuahiwi, a i loaʻa ʻole hoʻi ke aloha, he mea ʻole wau.

KA ʻEUANELIO I KĀKAU ʻIA AI E IOANE 14:12

“ʻOiaʻiʻo, he ʻoiaʻiʻo kaʻu e ʻōlelo aku nei iā ʻoukou, ʻo ka mea e manaʻoʻiʻo mai iaʻu, ʻo nā hana aʻu e hana nei, e hana aku nō ia; a e hana aku nō ia i nā mea ʻoi aku ma mua o kēia; no ka mea, ke hoʻi aku nei au i koʻu Makua.

NĀ ʻOIHANA A KA POʻE LUNAʻŌLELO 4:7

A hoʻokū ihola lākou iā lāua i waenakonu, a nīnau akula, “No ka mana hea, a no ka inoa hea, i hana aku ai ʻolua i kēia?”

NĀ ʻOIHANA A KA POʻE LUNAʻŌLELO 3:8

Lele akula ia, a kū i luna, a hele, a komo pū akula me lākou i loko o ka luakini, me ka holoholo, a me ka lelele, a me ka hoʻomaikaʻi aku i ke Akua.

KA BUKE ʻALIMA A MOSE, I KAPA ʻIA KĀNĀWAI LUA 32:4

“ʻO ia ka Pōhaku, ua hemolele kāna hana ʻana; He pono hoʻi kona mau ʻaoʻao a pau, He Akua ʻōlelo ʻoiaʻiʻo, ʻaʻole ona hewa; He pono, he pololei hoʻi ia.

NĀ ʻOIHANA A KA POʻE LUNAʻŌLELO 4:30

i ka hohola ʻana mai i kou lima, e hoʻōla mai, a i hana ʻia hoʻi nā hōʻailona a me nā mea kupanaha, ma ka inoa o kāu Keiki hemolele ʻo Iesū.”

KA ʻEUANELIO I KĀKAU ʻIA AI E IOANE 7:23

“Inā e ʻoki poepoe ʻia ke kanaka i ka lā Sābati, i haʻi ʻole ʻia ai ke Kānāwai o Mose, ke huhū mai nei anei ʻoukou iaʻu, i kuʻu hoʻōla ʻana i ke kanaka i ka lā Sābati?

ʻO KA ʻEPISETOLE A PAULO KA LUNAʻŌLELO I KO ROMA 3:22

ʻO ia hoʻi ka hoʻāpono ʻana o ke Akua, ma ka manaʻoʻiʻo aku iā Iesū Kristo, no nā mea a pau, a ma luna hoʻi o ka poʻe a pau e manaʻoʻiʻo ana; ʻaʻole mea ʻokoʻa;

KA ʻEUANELIO I KĀKAU ʻIA AI E MATAIO 14:29

ʻĪ maila kēlā, “E hele mai!” Iho ihola ʻo Petero mai luna o ka moku, a hele akula ia ma luna o ka wai e hālāwai me Iesū.