NĀ ʻOIHANA A KA POʻE LUNAʻŌLELO 3:1 - Ka Baibala Hemolele

¹ ¶ Piʻi pū akula ʻo Petero a me Ioane i ka luakini i ka hora pule, i ka iwa.

NĀ ʻOIHANA A KA POʻE LUNAʻŌLELO 3:1 Iomraidhean Croise

KA BUKE MUA NO NĀ ALIʻI 18:36

Eia hoʻi kekahi, i ka wā i kaumaha ai i ka mōhai ahiahi, hoʻokokoke aʻela ʻo ʻElia ke kāula, ʻī akula hoʻi, “E Iēhova ke Akua o ʻAberahama, a me ʻIsaʻaka, a me ʻIseraʻela, i kēia lā e hōʻike ʻia ai ʻo ʻoe nō ke Akua i loko o kā ʻIseraʻela, a ʻo wau nei kāu kauā, a no kāu ʻōlelo i hana aku ai au i kēia mau mea a pau.

KA BUKE O NĀ HALELŪ 55:17

I ke ahiahi, i ke kakahiaka, i ke awakea, e pule aku ai au, A e kāhea nui aku au; a e hoʻolohe mai ʻo ia i koʻu leo.

KA BUKE ʻALUA A MOSE, I KAPA ʻIA PUKA ʻANA 29:39

“E kaumaha ʻoe i hoʻokahi keiki hipa i ke kakahiaka, a ʻo kekahi keiki hipa kāu e kaumaha ai i ke ahiahi.

KA BUKE NO DANIʻELA 6:10

¶ A ʻike ihola ʻo Daniʻela, ua kau ka inoa ma ua palapala lā, komo ihola ʻo ia i loko o kona hale; a ua hāmama kekahi mau puka makani o kona keʻena ma luna, ma ka ʻaoʻao e kū pono ana i Ierusalema, kukuli ihola ʻo ia ma kona kuli, ʻekolu manawa i ka lā hoʻokahi, pule akula, a hoʻomaikaʻi akula i mua o kona Akua, e like me ia ma mua.

KA BUKE NO DANIʻELA 9:21

ʻoiaʻiʻo, i kaʻu ʻōlelo ʻana ma ka pule, ʻo ke kanaka ʻo Gaberiʻela, ka mea aʻu i ʻike ai ma mua ma ka hihiʻo, ua hoʻoholo māmā ʻia mai ʻo ia, a hoʻopā mai iaʻu i ka manawa o ka mōhai ahiahi.

KA BUKE ʻAHĀ A MOSE, I KAPA ʻIA NĀ HELU 28:4

‘E kaumaha ʻoe i kekahi keiki hipa i kakahiaka, a ʻo kekahi keiki hipa kāu e kaumaha ai i ke ahiahi.

KA ʻEUANELIO I KĀKAU ʻIA AI E MATAIO 17:1

¶ A hala aʻela nā lā ʻeono, kono aʻela ʻo Iesū iā Petero me Iakobo a me Ioane kona kaikaina, a kaʻi akula iā lākou ma kahi mehameha ma ka mauna kiʻekiʻe.

KA ʻEUANELIO I KĀKAU ʻIA AI E MATAIO 26:37

Lawe akula ʻo ia iā Petero a me nā keiki ʻelua a Zebedaio, hoʻomaka ihola ia e luʻuluʻu iho, a me ke kaumaha.

KA ʻEUANELIO I KĀKAU ʻIA AI E MATAIO 27:45

¶ Mai ka hora ʻaono a hiki i ka hora ʻaiwa, ua pouli ka honua a pau.

KA ʻEUANELIO I KĀKAU ʻIA AI E LUKA 1:10

E pule ana ka ʻaha kanaka a pau ma waho, i ka hora i kukuni ʻia ai ka mea ʻala.

KA ʻEUANELIO I KĀKAU ʻIA AI E LUKA 18:10

“Hele aʻela nā kānaka ʻelua i ka luakini e pule; he Parisaio kekahi, a he luna ʻauhau kekahi.

KA ʻEUANELIO I KĀKAU ʻIA AI E LUKA 22:8

Hoʻouna aʻela hoʻi ʻo ia iā Petero, a me Ioane, ʻī maila, “E hele ʻolua e hoʻomākaukau no kākou i ka Mōliaola e ʻai ai kākou.”

KA ʻEUANELIO I KĀKAU ʻIA AI E LUKA 24:53

A, ma loko o ka luakini lākou i kēlā lā a i kēia lā, e hoʻoleʻa ana, a e hoʻomaikaʻi ana i ke Akua. ʻĀmene.

KA ʻEUANELIO I KĀKAU ʻIA AI E IOANE 21:7

A laila, ʻī akula ka haumāna a Iesū i aloha ai iā Petero, “ʻO ka Haku ia.” A lohe aʻela ʻo Simona Petero, ʻo ka Haku ia, kāʻei aʻela ia i ke kapa; no ka mea, ua ʻōlohelohe ia, a lele ihola i ka moana wai.

NĀ ʻOIHANA A KA POʻE LUNAʻŌLELO 10:3

Ma ka hora ʻaiwa paha o ka lā, ʻike pāka akula ia ma ka hihiʻo, i ʻānela o ke Akua, e hele mai ana i ona lā, a ʻī maila iā ia, “E Korenelio!”

NĀ ʻOIHANA A KA POʻE LUNAʻŌLELO 10:30

ʻĪ akula ʻo Korenelio, “ʻEhā lā ma mua aku nei, e hoʻokē ʻai ana au, a hiki i kēia hora; a i ka hora ʻaiwa, pule ihola au ma koʻu hale, aia hoʻi, kū maila kekahi kanaka i mua oʻu me ka ʻaʻahu hinuhinu,

NĀ ʻOIHANA A KA POʻE LUNAʻŌLELO 2:46

Hoʻomau lākou ma loko o ka luakini, i kēlā lā i kēia lā, me ka manaʻo hoʻokahi, a me ka wāwahi berena ʻana i kēlā hale i kēia hale, a ʻai ihola lākou i ka ʻai me ka ʻoliʻoli, a me ke akahai o ka naʻau,

NĀ ʻOIHANA A KA POʻE LUNAʻŌLELO 3:3

A ʻike aʻela ʻo ia iā Petero, a me Ioane e komo ana i loko o ka luakini, noi akula ia i manawaleʻa.

NĀ ʻOIHANA A KA POʻE LUNAʻŌLELO 3:4

Haka pono maila ʻo Petero, lāua ʻo Ioane iā ia, ʻī maila, “E nānā mai iā māua!”

NĀ ʻOIHANA A KA POʻE LUNAʻŌLELO 4:13

¶ A ʻike akula lākou i ka wiwo ʻole o Petero a me Ioane, a ʻike akula nō hoʻi, he mau kānaka aʻo ʻole ʻia, a he mau kuaʻāina, kāhāhā akula ko lākou naʻau; a hoʻomaopopo ihola lākou, ua noho pū lāua me Iesū.

NĀ ʻOIHANA A KA POʻE LUNAʻŌLELO 5:25

A laila, hele mai kekahi, haʻi maila iā lākou, ʻī maila, “Aia hoʻi nā kānaka a ʻoukou i hahao ai i loko o ka hale paʻahao e kū ana ma loko o ka luakini, e aʻo aku ana i kānaka!”

NĀ ʻOIHANA A KA POʻE LUNAʻŌLELO 8:14

¶ A lohe ka poʻe lunaʻōlelo ma Ierusalema, ua loaʻa i ko Samaria ka ʻōlelo a ke Akua, hoʻouna aʻela lākou iā Petero a me Ioane i o lākou lā.

ʻO KA ʻEPISETOLE A PAULO KA LUNAʻŌLELO I KO GALATIA 2:9

a ʻike maila Iakobo me Kepa a me Ioane i manaʻo ʻia he mau kia, i ka maikaʻi i hāʻawi ʻia mai iaʻu, hāʻawi maila lākou iā māua me Barenaba i nā lima ʻākau e hoʻolauna pū ai; i hele māua i ko nā ʻāina ʻē, a ʻo lākou i ka poʻe ʻoki poepoe ʻia.