NĀ ʻOIHANA A KA POʻE LUNAʻŌLELO 23:3 - Ka Baibala Hemolele

³ A laila, ʻī akula ʻo Paulo iā ia, “E paʻi mai nō hoʻi ke Akua iā ʻoe, e ka paia i hoʻokeʻokeʻo ʻia! Ke noho nei anei ʻoe e hoʻokō mai i ke Kānāwai iaʻu, a ke kēnā mai nei anei ʻoe, e paʻi ʻia mai au ma ka mea kū ʻole i ke Kānāwai?”

NĀ ʻOIHANA A KA POʻE LUNAʻŌLELO 23:3 Iomraidhean Croise

KA BUKE MUA NO NĀ ALIʻI 22:24

¶ Hoʻokokoke aʻela nō naʻe ʻo Zedekia ke keiki a Kenaʻana, a kuʻi akula iā Mikaia ma kona pāpālina, nīnau akula, “Ma ka ʻaoʻao hea i hele ai ka ʻuhane o Iēhova mai oʻu aku nei e ʻōlelo aku iā ʻoe?”

KA BUKE O NĀ HALELŪ 94:20

E kūkākūkā pū anei ka noho aliʻi o ka hewa me ʻoe? Ka mea hoʻi i hana i ke kolohe ma ke kānāwai?

KE KAHUNA 3:16

A ʻike akula au ma lalo iho o ka lā i kahi e ʻahaʻōlelo ai, a ma laila nō ka hewa; a i kahi o ka pono, a ma laila hoʻi ka hana ʻino.

KA BUKE ʻAKOLU A MOSE, I KAPA ʻIA ʻOIHANA KAHUNA 19:15

¶ ‘Mai hana ʻino ʻoukou ma ka hoʻopaʻi ʻana; mai manaʻo ʻoe i ke kino o ka mea ʻilihune, ʻaʻole hoʻi e mahalo i ke kino o ka mea ikaika; akā, ma ka pololei e hoʻoponopono ai ʻoe i kou hoalauna.

KA BUKE ʻAKOLU A MOSE, I KAPA ʻIA ʻOIHANA KAHUNA 19:35

¶ ‘Mai hana kekeʻe ʻoukou i ka hoʻoponopono ʻana, ma ke ana ʻana, ma ka paona, a ma ke ana.

ʻAMOSA 5:7

“E ka poʻe i hoʻolilo i ka ʻōlelo hoʻopono i mea ʻawaʻawa, A hoʻolei i ka pono ma ka honua,”

KA ʻEUANELIO I KĀKAU ʻIA AI E IOANE 18:24

Ua hoʻouna ʻē maila ʻo ʻAnasa iā ia e paʻa ana i o Kaiapa lā, i ke kahuna nui.

KA ʻEUANELIO I KĀKAU ʻIA AI E IOANE 7:51

“Ke hoʻohewa nei anei ko kākou Kānāwai i ke kanaka ma mua o ka lohe ʻana iā ia, a ʻike hoʻi i kāna mea i hana ai?”

NĀ ʻOIHANA A KA POʻE LUNAʻŌLELO 23:4

ʻŌlelo maila ka poʻe e kū ana i laila. “Ke ʻōlelo ʻino nei anei ʻoe i ke kahuna nui o ke Akua?”