NĀ ʻOIHANA A KA POʻE LUNAʻŌLELO 21:3 - Ka Baibala Hemolele

³ A ʻike akula mākou iā Kupero, haʻalele akula mākou ia wahi ma ka lima hema, a holo akula mākou i Suria, a pae mākou ma Turo; no ka mea, ma laila e hoʻolei ʻia ai ka ukana o ka moku.

NĀ ʻOIHANA A KA POʻE LUNAʻŌLELO 21:3 Iomraidhean Croise

KA BUKE ʻALUA A SAMUʻELA 8:6

A hana ihola ʻo Dāvida i nā pā kaua ma Suria o Damaseko; a lilo aʻela ko Suria i poʻe kauā na Dāvida, a lawe maila i ka waiwai hoʻokupu. A mālama maila ʻo Iēhova iā Dāvida i nā wahi a pau āna i hele ai.

KA BUKE O NĀ HALELŪ 45:12

ʻO ke kaikamahine o Turo me ka makana; A ʻo ka poʻe waiwai o nā kānaka e ʻimi i ka hōʻoluʻolu iā ʻoe.

KA BUKE O NĀ HALELŪ 87:4

“I ka poʻe ʻike mai iaʻu, e kamaʻilio aku au no Rahaba, a me Babulona; Aia ʻo Pilisetia, a me Turo, a me ʻAitiopa, ‘ʻO ia kai hānau ʻia ma laila.’”

KA WĀNANA A ʻISAIA 7:2

A haʻi ʻia maila i ko ka hale o Dāvida, i ka ʻī ʻana mai, “Ke hoʻomoana nei ko Suria ma loko o ko ʻEperaima.” A laila, haʻalulu ka naʻau o ke aliʻi, a me ka naʻau o kona poʻe kānaka, e like me ka haʻalulu ʻana o nā lāʻau o ka ulu lāʻau i mua o ka makani.

KA ʻEUANELIO I KĀKAU ʻIA AI E MATAIO 11:21

“Auē ʻoe, e Korazina! Auē ʻoe, e Betesaida! No ka mea, inā i hana ʻia ma Turo a me Sidona nā hana mana i hana ʻia aku ai i o ʻolua lā, inā ua mihi ʻē lākou, i loko o ke kapa ʻino a me ka lehu ahi.

KA ʻEUANELIO I KĀKAU ʻIA AI E MATAIO 4:24

Kuʻi akula kona kaulana i Suria a puni, halihali maila lākou i ona lā i ko lākou poʻe maʻi a pau, i loʻohia e kēlā maʻi kēia maʻi a me nā ʻeha, ʻo ka poʻe i uluhia e nā daimonio, a me ka poʻe hehena, a me ka poʻe lōlō; a hoʻōla maila ʻo ia iā lākou.

KA ʻEUANELIO I KĀKAU ʻIA AI E LUKA 10:13

“Auē ʻoe, e Korazina! Auē hoʻi ʻoe, e Betesaida! No ka mea, inā i hana ʻia i loko o Turo, a me Sidona nā hana mana i hana ʻia i loko o ʻolua, inā ua mihi lāua ma mua loa e noho ana me ke kapa ʻino a me ka lehu.

KA ʻEUANELIO I KĀKAU ʻIA AI E LUKA 2:2

I ke aliʻi kiaʻāina ʻana o Kurenio ma Suria, ka hoʻomaka ʻana o kēia kākau mua ʻana.

NĀ ʻOIHANA A KA POʻE LUNAʻŌLELO 11:19

¶ No laila, ʻo ka poʻe i hoʻopuehu ʻia i ka hoʻomaʻau ʻana i puka mai no Setepano, hele nō lākou a hiki i Poinike, a i Kupero, a i ʻAnetioka, e haʻi aku ana i ka ʻōlelo i nā Iudaio wale nō.

NĀ ʻOIHANA A KA POʻE LUNAʻŌLELO 12:20

¶ Huhū loa ihola ʻo Herode i ko Turo, a me ko Sidona. Hele lōkahi maila lākou i ona lā, hoʻomalimali maila iā Belaseto, i ka mea nāna i mālama kahi moe o ke aliʻi, nonoi maila lākou i kuʻikahi; no ka mea, ua hānai ʻia ko lākou ʻāina e ko ke aliʻi.

NĀ ʻOIHANA A KA POʻE LUNAʻŌLELO 13:4

¶ Na ka ʻUhane Hemolele lāua i hoʻouna aʻe, e hele aʻela lāua i Seleukia; a ma laila aku lāua i holo ai a hiki i Kupero.

NĀ ʻOIHANA A KA POʻE LUNAʻŌLELO 15:23

Palapala akula lākou, ma ko lākou lima, penei, “Ke aloha aku nei nā lunaʻōlelo, a me nā lunakahiko, a me nā hoahānau, i nā hoahānau o nā lāhui kanaka ʻē ma ʻAnetioka, a ma Suria, a ma Kilikia.

NĀ ʻOIHANA A KA POʻE LUNAʻŌLELO 15:39

No laila, hoʻopaʻapaʻa ikaika aʻela lāua, a hoʻokaʻawale ihola kekahi i kekahi; lawe pū akula ʻo Barenaba iā Mareko, a holo akula i Kupero.

NĀ ʻOIHANA A KA POʻE LUNAʻŌLELO 15:41

Hele akula i Suria, a me Kilikia, e hoʻokūpaʻa aku ana i nā ʻekalesia.

NĀ ʻOIHANA A KA POʻE LUNAʻŌLELO 18:18

¶ Noho ihola ʻo Paulo ma laila i kekahi mau lā, uē aʻela i nā hoahānau, holo akula ia i Suria, ʻo Perisekila lāua me ʻAkula kekahi pū me ia. Ua āmū ʻē kona poʻo ma Kenekerea; no ka mea, ua hoʻohiki ia.

NĀ ʻOIHANA A KA POʻE LUNAʻŌLELO 21:16

Hele pū akula nō me mākou kekahi poʻe o nā haumāna, no Kaisareia, e alakaʻi pū ana iā Menasona, no Kupero, he haumāna kahiko ia, a hoʻokipa ʻia mākou e ia.

NĀ ʻOIHANA A KA POʻE LUNAʻŌLELO 21:2

A loaʻa iā mākou kekahi moku e holo ana i Poinike, eʻe akula mākou, a holo akula.

NĀ ʻOIHANA A KA POʻE LUNAʻŌLELO 21:7

¶ A pau ko mākou holo ʻana ma ka moku, mai Turo mai, hiki mākou i Petolemai, honi akula i nā hoahānau, a noho pū ihola me lākou, hoʻokahi lā.

NĀ ʻOIHANA A KA POʻE LUNAʻŌLELO 27:4

A hemo akula mākou mai ia wahi aku, holo mākou ma lalo o Kupero; no ka mea, pākuʻikuʻi mai ka makani.

NĀ ʻOIHANA A KA POʻE LUNAʻŌLELO 4:36

¶ A ʻo Iose ʻo ka mea i kapa ʻia e nā lunaʻōlelo, ʻo Barenaba, (eia hoʻi ke ʻano ma ka hoʻohālike ʻana, ʻo ke Keiki a ka Hōʻoluʻolu,) he mamo na Levi, no ka ʻāina i Kupero;

KA BUKE NO NĀ LUNA KĀNĀWAI 10:6

¶ Hana hewa hou akula nā mamo a ʻIseraʻela, i mua o Iēhova, a mālama akula i nā Baʻala, a me nā ʻAsetarota, a me nā akua o Suria, a me nā akua o Sidona, a me nā akua o Moaba, a me nā akua o nā mamo a ʻAmora, a me nā akua o ko Pilisetia, a haʻalele iā Iēhova, ʻaʻole i mālama iā ia.