NĀ ʻOIHANA A KA POʻE LUNAʻŌLELO 2:4 - Ka Baibala Hemolele

⁴ A piha aʻela lākou a pau i ka ʻUhane Hemolele; a hoʻomaka lākou e ʻōlelo aku me nā elelo ʻē, e like me ka hāʻawi ʻana mai o ka ʻUhane iā lākou e ʻōlelo aku.

NĀ ʻOIHANA A KA POʻE LUNAʻŌLELO 2:4 Iomraidhean Croise

KA BUKE ʻALUA A SAMUʻELA 23:2

“Ua ʻōlelo aku ka ʻUhane o Iēhova ma oʻu nei, A ma koʻu alelo kāna ʻōlelo.

KA WĀNANA A ʻISAIA 28:11

He ʻoiaʻiʻo nō me ka lehelehe namu a me ka ʻōlelo o ka malihini, E ʻōlelo mai ai ʻo ia i kēia poʻe kānaka.

KA WĀNANA A ʻISAIA 59:21

“ʻO wau hoʻi, eia kaʻu berita me lākou,” wahi a Iēhova; “ʻo kuʻu ʻUhane, ka mea ma luna ou, a me kaʻu mau ʻōlelo, aʻu i waiho ai i loko o kou waha, ʻaʻole e haʻalele ia mau mea i kou waha, ʻaʻole hoʻi i ka waha o kāu mau keiki, ʻaʻole hoʻi i ka waha o nā keiki a kāu mau keiki, mai kēia wā aku, a i ke ao pau ʻole,” wahi a Iēhova.

KA WĀNANA A IEREMIA 6:11

No laila, ua piha au i ka inaina o Iēhova; Ua auka au i ka ʻuʻumi ʻana. “E ninini aku au ia ma luna o nā kamaliʻi ma waho, Ma luna pū nō me ka ʻaha kanaka uʻi; No ka mea, e lawe pio pū ʻia nō ke kāne me ka wahine, ʻO ka mea ʻelemakule me ka mea i nui kona mau lā.

KA WĀNANA A ʻEZEKIʻELA 3:11

“E ʻeu ʻoe e hele aku i ka poʻe pio i nā keiki a kou poʻe kānaka, a e ʻōlelo aku iā lākou, a e haʻi aku iā lākou, ‘Penei ka ʻōlelo ʻana a Iēhova ka Haku’; inā paha e lohe lākou, a inā paha e lohe ʻole lākou.”

MIKA 3:8

Akā hoʻi, ua piha wau i ka mana Ma ka ʻUhane o Iēhova, A me ka pono, a me ka ikaika, E haʻi aku iā Iakoba i kona hala, A i kā ʻIseraʻela i kona hewa.

KA ʻEUANELIO I KĀKAU ʻIA AI E MATAIO 10:19

“Aia hāʻawi ʻia aku ʻoukou, mai manaʻo nui i kā ʻoukou e ʻōlelo aku ai; no ka mea, e hāʻawi ʻia aku iā ʻoukou i kēlā manawa kā ʻoukou mea e ʻōlelo aku ai.

KA ʻEUANELIO I KĀKAU ʻIA AI E MAREKO 16:17

“Eia nō nā ʻōuli kupanaha e pili pū aku i ka poʻe e manaʻoʻiʻo mai iaʻu: Ma koʻu inoa lākou e mahiki aku ai i nā daimonio, a e ʻōlelo nō hoʻi lākou ma nā ʻōlelo ʻano ʻē.

KA ʻEUANELIO I KĀKAU ʻIA AI E LUKA 1:15

“No ka mea, e nui auaneʻi ʻo ia i mua o ka Haku; ʻaʻole ia e inu i ka waina, ʻaʻole hoʻi i ka mea ʻawaʻawa; e piha nō hoʻi ia i ka ʻUhane Hemolele, mai ka ʻōpū mai o kona makuahine.

KA ʻEUANELIO I KĀKAU ʻIA AI E LUKA 1:41

Eia kekahi, i ka wā i lohe ai ʻo ʻElisabeta i ko Maria aloha, lele ihola ke keiki i loko o kona ʻōpū; a hoʻopiha ʻia ʻo ʻElisabeta i ka ʻUhane Hemolele.

KA ʻEUANELIO I KĀKAU ʻIA AI E LUKA 1:67

¶ A ʻo Zakaria kona makua kāne, ua piha ia i ka ʻUhane Hemolele, wānana maila ʻo ia, ʻī maila:

KA ʻEUANELIO I KĀKAU ʻIA AI E LUKA 12:12

no ka mea, na ka ʻUhane Hemolele nō e aʻo mai iā ʻoukou, ia hora, i ka mea e pono ai ʻoukou ke ʻōlelo aku.”

KA ʻEUANELIO I KĀKAU ʻIA AI E LUKA 21:15

“No ka mea, e hāʻawi aku au i waha no ʻoukou a me ke akamai, ʻaʻole e hiki i ko ʻoukou poʻe ʻenemi a pau ke hoʻopohala, ʻaʻole hoʻi ke pale aʻe.

KA ʻEUANELIO I KĀKAU ʻIA AI E LUKA 4:1

¶ Hele akula hoʻi Iesū, mai Ioredane aku me ka piha i ka ʻUhane Hemolele, a alakaʻi ʻia e ka ʻUhane i ka wao nahele;

KA ʻEUANELIO I KĀKAU ʻIA AI E IOANE 14:26

“Akā, ʻo ke Kōkua, ʻo ka ʻUhane Hemolele, ka mea a ka Makua e hoʻouna mai ai ma koʻu inoa, nāna ʻoukou e aʻo mai i nā mea a pau, a e hōʻike mai iā ʻoukou i nā mea a pau aʻu i ʻōlelo aku ai iā ʻoukou.

KA ʻEUANELIO I KĀKAU ʻIA AI E IOANE 20:22

A pau kāna ʻōlelo ʻana i kēia, hā ihola ʻo ia iā lākou, ʻī maila iā lākou, “E loaʻa iā ʻoukou ka ʻUhane Hemolele.

NĀ ʻOIHANA A KA POʻE LUNAʻŌLELO 1:5

“No ka mea, ua bapetizo ʻiʻo nō ʻo Ioane me ka wai; akā, e bapetizo ʻia nō hoʻi ʻoukou i ka ʻUhane Hemolele, ma hope iho o nā lā ʻaʻohe nui.”

NĀ ʻOIHANA A KA POʻE LUNAʻŌLELO 1:8

“Akā, e loaʻa nō iā ʻoukou ka mana, ke hiki mai ka ʻUhane Hemolele ma luna iho o ʻoukou; a e lilo auaneʻi ʻoukou i poʻe hōʻike noʻu ma Ierusalema, a ma Iudea a pau, a ma Samaria, a hiki wale aku i ke kihi o ka honua.”

NĀ ʻOIHANA A KA POʻE LUNAʻŌLELO 10:46

Ua lohe lākou i kā lākou ʻōlelo ʻana mai, ma nā ʻōlelo ʻē, a me ka hoʻonani aku i ke Akua. A laila nīnau maila ʻo Petero,

NĀ ʻOIHANA A KA POʻE LUNAʻŌLELO 10:47

“E hiki anei i kekahi ke pāpā mai i ka wai i bapetizo ʻole ʻia lākou nei, ka poʻe i loaʻa ka ʻUhane Hemolele, e like me mākou?”

NĀ ʻOIHANA A KA POʻE LUNAʻŌLELO 11:15

“A i koʻu hoʻomaka ʻana e ʻōlelo aku, hāʻule mai ka ʻUhane Hemolele i luna iho o lākou, e like me kākou i kinohou.

NĀ ʻOIHANA A KA POʻE LUNAʻŌLELO 11:24

No ka mea, he kanaka maikaʻi ia, ua piha hoʻi i ka ʻUhane Hemolele, a me ka manaʻoʻiʻo; a nui loa aʻela ka poʻe i hui ʻia ma ka Haku.

NĀ ʻOIHANA A KA POʻE LUNAʻŌLELO 13:52

Piha loa ihola nā haumāna i ka ʻoliʻoli, a me ka ʻUhane Hemolele.

NĀ ʻOIHANA A KA POʻE LUNAʻŌLELO 13:9

Akā, ʻo Saulo, (ʻo Paulo nō ia,) ua piha ʻo ia i ka ʻUhane Hemolele, haka pono maila ʻo ia iā ia.

NĀ ʻOIHANA A KA POʻE LUNAʻŌLELO 15:8

“A na ke Akua, ka mea i ʻike i ka naʻau, i hōʻike mai no lākou, e hāʻawi ana iā lākou i ka ʻUhane Hemolele, me ia iā kākou.

NĀ ʻOIHANA A KA POʻE LUNAʻŌLELO 19:6

A kau akula ʻo Paulo i nā lima ma luna iho o lākou, hiki maila ka ʻUhane Hemolele ma luna o lākou; a ʻōlelo aʻela lākou ma ka ʻōlelo ʻē, a wānana maila.

NĀ ʻOIHANA A KA POʻE LUNAʻŌLELO 2:11

ʻo ko Kerete a me ko ʻArabia, ke lohe nei kākou iā lākou e ʻōlelo maila i nā mea nui o ke Akua ma kā kākou ʻōlelo iho.”

NĀ ʻOIHANA A KA POʻE LUNAʻŌLELO 2:3

A ʻike ʻia akula e lākou nā elelo manamana, me he ahi lā, a kau maila i luna iho o kēlā mea kēia mea o lākou a pau.

NĀ ʻOIHANA A KA POʻE LUNAʻŌLELO 4:31

A pau kā lākou pule ʻana, nāueue aʻela kahi a lākou i ʻākoakoa ai; a ua piha ihola lākou i ka ʻUhane Hemolele, a haʻi akula lākou i ka ʻōlelo a ke Akua me ka wiwo ʻole.

NĀ ʻOIHANA A KA POʻE LUNAʻŌLELO 4:8

A laila ʻōlelo aʻela ʻo Petero iā lākou, me ka piha i ka ʻUhane Hemolele, “E nā aliʻi o nā kānaka, a me nā lunakahiko o kā ʻIseraʻela,

NĀ ʻOIHANA A KA POʻE LUNAʻŌLELO 6:3

“No ia mea, e ʻimi ʻoukou, e nā hoahānau, i mau kānaka i ʻehiku i waena o ʻoukou, a i ʻike pono ʻia, a piha hoʻi i ka ʻUhane Hemolele, a me ke akamai, a e hoʻonoho kākou iā lākou ma luna o kēia ʻoihana.

NĀ ʻOIHANA A KA POʻE LUNAʻŌLELO 6:5

Ua pono kēia ʻōlelo i mua o nā kānaka a pau; a wae maila lākou iā Setepano, he kanaka piha loa i ka manaʻoʻiʻo a me ka ʻUhane Hemolele, a me Pilipo, a me Perokoro, a me Nikanora, a me Timona, a me Paremena, a me Nikolao ka mea i huli mai no ʻAnetioka.

NĀ ʻOIHANA A KA POʻE LUNAʻŌLELO 6:8

¶ A ua piha ʻo Setepano i ka manaʻoʻiʻo a me ka mana, hana nō ia i nā mea mana, a me nā mea kupanaha loa, i waena o nā kānaka.

NĀ ʻOIHANA A KA POʻE LUNAʻŌLELO 7:55

Akā, ua piha nō ia i ka ʻUhane Hemolele, a haka pono akula ia i ka lani, a ʻike akula i ka nani o ke Akua, a me Iesū e kū ana ma ka lima ʻākau o ke Akua;

NĀ ʻOIHANA A KA POʻE LUNAʻŌLELO 8:17

A laila, kau ihola lāua i nā lima ma luna iho o lākou, a loaʻa ihola iā lākou ka ʻUhane Hemolele.

NĀ ʻOIHANA A KA POʻE LUNAʻŌLELO 9:17

Hele akula ʻo ʻAnania a komo akula i ka hale; a kau akula i kona mau lima ma luna ona, ʻī akula, “E Saulo, e ke kaikaina, ua hoʻouna mai nei ka Haku iaʻu, ʻo Iesū, ka Mea āu i ʻike ai, ma ke ala āu i hele mai ai, i ʻike ʻoe, a i piha hoʻi i ka ʻUhane Hemolele.”

ʻO KA ʻEPISETOLE A PAULO KA LUNAʻŌLELO I KO ROMA 15:13

Na ke Akua nona mai ka manaʻolana e hoʻopiha iā ʻoukou me ka ʻoliʻoli, a me ka malu i ka manaʻoʻiʻo ʻana, i nui ai hoʻi ko ʻoukou manaʻolana ʻana ma ka mana o ka ʻUhane Hemolele.

ʻO KA ʻEPISETOLE MUA A PAULO KA LUNAʻŌLELO I KO KORINETO 12:10

a i kekahi, ka hana i nā hana mana; a i kekahi, ka wānana; a i kekahi, ka ʻike maopopo i nā ʻuhane; a i kekahi, ka ʻōlelo i nā ʻōlelo ʻē; a i kekahi ka hoʻomaopopo i nā ʻōlelo ʻē.

ʻO KA ʻEPISETOLE MUA A PAULO KA LUNAʻŌLELO I KO KORINETO 13:1

¶ Inā i ʻōlelo au i ka ʻōlelo a nā kānaka a me nā ʻānela, a i loaʻa ʻole ke aloha, ua like au me ke keleawe kanikani a me ke kimebala walaʻau.

ʻO KA ʻEPISETOLE MUA A PAULO KA LUNAʻŌLELO I KO KORINETO 13:8

He mea pau ʻole ke aloha. Inā he wānana, e pau ia; inā he ʻōlelo ʻē, e pau ia; inā he akamai, e hoʻopau ʻia hoʻi ʻo ia.

ʻO KA ʻEPISETOLE MUA A PAULO KA LUNAʻŌLELO I KO KORINETO 14:18

Ke aloha aku nei au i ke Akua, e pākela ana au ma mua o ʻoukou a pau ma ka ʻōlelo i nā ʻōlelo ʻē;

ʻO KA ʻEPISETOLE MUA A PAULO KA LUNAʻŌLELO I KO KORINETO 14:5

Ua makemake au e ʻōlelo ʻoukou a pau i ka ʻōlelo ʻē, e aho nō naʻe ke wānana aku ʻoukou a pau; no ka mea, ua ʻoi ka mea wānana ma mua o ka mea ʻōlelo i ka ʻōlelo ʻē, ke hoʻākāka ʻole ʻia, i loaʻa ka naʻauao i ka ʻekalesia.

ʻO KA ʻEPISETOLE A PAULO KA LUNAʻŌLELO I KO ʻEPESO 3:19

i ʻike hoʻi ʻoukou i ke aloha o Kristo, i ka mea e pākela ana i ka ʻike; i hoʻopiha ʻia nō hoʻi ʻoukou i ka mea a pau a ke Akua i piha ai.

ʻO KA ʻEPISETOLE A PAULO KA LUNAʻŌLELO I KO ʻEPESO 5:18

Mai noho ʻoukou a ʻona i ka waina, no laila mai ka ʻuhaʻuha; akā, e hoʻopiha ʻia ʻoukou i ka ʻUhane;

ʻO KA ʻEPISETOLE A PAULO KA LUNAʻŌLELO I KO ʻEPESO 6:18

E pule mau ana i nā pule a pau, a me ka nonoi aku ma ka ʻUhane; a no ia mea hoʻi, e kiaʻi ʻoukou me ka hoʻoikaika mau a me ka pule aku no nā haipule a pau;

ʻO KA ʻEPISETOLE HOʻOLAHA MUA A PETERO 1:12

Ua hōʻike ʻia mai iā lākou, ʻaʻole naʻe na lākou, na kākou, nā mea a lākou i aʻo mai ai; ʻo ia hoʻi nā mea i haʻi ʻia aku nei iā ʻoukou, e ka poʻe haʻi aku i ka ʻeuanelio iā ʻoukou, me ka ʻUhane Hemolele i hoʻouna ʻia mai, mai ka lani mai; ʻo ia kā nā ʻānela i makemake ai e ʻike iho.

ʻO KA ʻEPISETOLE HOʻOLAHA ʻALUA A PETERO 1:21

No ka mea, i ka wā kahiko, ʻaʻole no ka manaʻo o kānaka, kā nā kāula; akā, ua ʻōlelo mai ua kanaka hemolele o ke Akua i ka uluhia mai e ka ʻUhane Hemolele.

KA BUKE MUA A SAMUʻELA 1:14

Nīnau akula ʻo ʻEli iā ia, “Pehea lā ka lōʻihi o kou ʻona ʻana? E hoʻolei ʻoe i kou waina mai ou aku lā!”

KA BUKE MUA A SAMUʻELA 10:10

A hiki aku lāua ma laila ma ka puʻu, aia hoʻi, he poʻe kāula i hālāwai mai me ia; a hiki mai ka ʻUhane o ke Akua ma luna ona, a wānana pū akula ia me lākou.