NĀ ʻOIHANA A KA POʻE LUNAʻŌLELO 2:3 - Ka Baibala Hemolele

³ A ʻike ʻia akula e lākou nā elelo manamana, me he ahi lā, a kau maila i luna iho o kēlā mea kēia mea o lākou a pau.

NĀ ʻOIHANA A KA POʻE LUNAʻŌLELO 2:3 Iomraidhean Croise

KA BUKE MUA A MOSE, I KAPA ʻIA KINOHI 11:6

ʻĪ ihola ʻo Iēhova, “Aia hoʻi, hoʻokahi nō ka poʻe kānaka, hoʻokahi hoʻi ko lākou lehelehe; eia kā lākou e hoʻomaka nei e hana; a ma hope aku, ʻaʻohe mea keʻakeʻa iā lākou ke hana i nā mea a pau a lākou e manaʻo ai.

KA BUKE O NĀ HALELŪ 55:9

¶ E hoʻokae, e Iēhova, a hoʻomokuāhana i kā lākou mau alelo; No ka mea, ua ʻike au i ka hoʻoluhi wale a me ka hakakā ʻana ma loko o ke kūlanakauhale.

KA WĀNANA A ʻISAIA 6:5

A laila, ʻōlelo ihola au, “Auē au! Ua make au; No ka mea, he kanaka lehelehe haumia au, A ke noho nei au i waena o ka lāhui kanaka lehelehe haumia; No ka mea, ua ʻike koʻu mau maka i ke Aliʻi, iā Iēhova o nā kaua.”

KA WĀNANA A IEREMIA 23:29

“ʻAʻole anei i like kaʻu ʻōlelo me ke ahi?” wahi a Iēhova; “a like hoʻi me ka hāmare, ka mea e nāhāhā ai ka pōhaku?

KA ʻEUANELIO I KĀKAU ʻIA AI E MATAIO 3:11

“ʻO wau nō ke bapetizo aku nei iā ʻoukou i ka wai, no ka mihi; akā, ʻo ka Mea e hele mai ana ma hope oʻu, he nui aku kona mana i koʻu, ʻaʻole au e pono ke lawe i kona mau kāmaʻa; nāna ʻoukou e bapetizo aku i ka ʻUhane Hemolele a me ke ahi.

KA ʻEUANELIO I KĀKAU ʻIA AI E MATAIO 3:15

ʻŌlelo maila ʻo Iesū, ʻī maila iā ia, “E ʻae mai ʻoe ʻānō; no ka mea, pēlā kāua e pono ai ke mālama i ka pono a pau.” A laila, ʻae akula kēlā iā ia.

KA ʻEUANELIO I KĀKAU ʻIA AI E LUKA 24:32

A ʻōlelo aʻela kekahi i kekahi, “ʻAʻole anei i mehana ko kāua naʻau i loko o kāua, i kona kamaʻilio ʻana me kāua ma ke alanui, a i kona hoʻomōakāka ʻana mai i ka Palapala Hemolele?”

NĀ ʻOIHANA A KA POʻE LUNAʻŌLELO 1:15

¶ I ua mau lā lā, kū aʻela ʻo Petero i waenakonu o nā haumāna, ʻī maila, (ʻo ka nui o ko lākou inoa, hoʻokahi haneri me ka iwakālua),

NĀ ʻOIHANA A KA POʻE LUNAʻŌLELO 2:11

ʻo ko Kerete a me ko ʻArabia, ke lohe nei kākou iā lākou e ʻōlelo maila i nā mea nui o ke Akua ma kā kākou ʻōlelo iho.”

NĀ ʻOIHANA A KA POʻE LUNAʻŌLELO 2:2

ʻEmo ʻole, paʻē maila ka leo, mai ka lani mai, me he makani nui ikaika lā; a hoʻopiha loa ihola i ka hale a pau, kahi a lākou i noho ai.

NĀ ʻOIHANA A KA POʻE LUNAʻŌLELO 2:4

A piha aʻela lākou a pau i ka ʻUhane Hemolele; a hoʻomaka lākou e ʻōlelo aku me nā elelo ʻē, e like me ka hāʻawi ʻana mai o ka ʻUhane iā lākou e ʻōlelo aku.

ʻO KA ʻEPISETOLE MUA A PAULO KA LUNAʻŌLELO I KO KORINETO 12:10

a i kekahi, ka hana i nā hana mana; a i kekahi, ka wānana; a i kekahi, ka ʻike maopopo i nā ʻuhane; a i kekahi, ka ʻōlelo i nā ʻōlelo ʻē; a i kekahi ka hoʻomaopopo i nā ʻōlelo ʻē.

ʻO KA ʻEPISETOLE HOʻOLAHA A IAKOBO 3:6

He ahi nō ke alelo, he ao ʻokoʻa ia o ka hewa; pēlā hoʻi ua kau ʻia ke alelo i waena o ko kākou mau lālā, e hoʻohaumia ana i ke kino a pau, hoʻaʻā aʻela ia i ko ke ao nei, a ua hoʻaʻā ʻia mai ia e ka luaahi.

KA HŌʻIKE ʻANA A IOANE KA HAIPULE 11:3

“A e hāʻawi aku nō wau, na koʻu mau mea hōʻike ʻelua, a e aʻo aku nō lāua me ka ʻaʻahu ʻia i ke kapa ʻinoʻino, a hala nā lā hoʻokahi tausani, ʻelua haneri me kanaono.”

KA HŌʻIKE ʻANA A IOANE KA HAIPULE 14:6

¶ A ʻike akula au i kekahi ʻānela hou e lele ana i waena o ka lani, iā ia ka ʻeuanelio mau loa, e aʻo ai i ka poʻe e noho lā ma ka honua, a i ko nā ʻāina a pau, a me nā ʻohana, a me nā ʻōlelo, a me nā lāhui kanaka;