NĀ ʻOIHANA A KA POʻE LUNAʻŌLELO 2:1 - Ka Baibala Hemolele

¹ ¶ A hiki ʻiʻo maila ka lā Penetekota, ua ʻākoakoa pū lākou a pau, me ka manaʻo lōkahi.

NĀ ʻOIHANA A KA POʻE LUNAʻŌLELO 2:1 Iomraidhean Croise

KA BUKE ʻALUA O KA ʻOIHANA ALIʻI 30:12

A ma luna o kā Iuda ka lima o Iēhova e hāʻawi iā lākou i ka naʻau hoʻokahi, e hana i ke kauoha a ke aliʻi, a me nā aliʻi iho, e like me ke kānāwai o Iēhova.

KA BUKE ʻALUA O KA ʻOIHANA ALIʻI 5:13

A lōkahi ka manaʻo o ka poʻe hoʻokani i ka pū, a me ka poʻe hīmeni me ka leo hoʻokahi, e hoʻoleʻa aku, a e hoʻomaikaʻi aku iā Iēhova, a hoʻokiʻekiʻe lākou i ka leo me nā pū, a me nā kimebala a me nā mea kani ʻē aʻe; a i ko lākou hoʻoleʻa ʻana aku iā Iēhova, “No ka mea, ua maikaʻi nō ia, Ua mau loa kona aloha”; aia hoʻi, ua hoʻopiha ʻia ka hale i ke ao, ka hale o Iēhova.

KA BUKE O NĀ HALELŪ 133:1

¶ Aia hoʻi, nani ka maikaʻi a me ka ʻoluʻolu, ʻO ka noho lōkahi pū ʻana o nā hoahānau!

KA BUKE ʻALUA A MOSE, I KAPA ʻIA PUKA ʻANA 23:16

a me ka ʻAhaʻaina o ka ʻOhi Mua ʻana, ʻo nā hua mua hoʻi o kāu hoʻoikaika ʻana, ka mea aū i lūlū ai ma ke kula, a me ka ʻAhaʻaina o ka Hōʻiliʻili ʻAi ʻana, ʻo ia hoʻi ka hope o ka makahiki, i kou wā e hōʻiliʻili ai mai loko mai o ke kula, i kāu mea i hoʻoikaika ai.

KA BUKE ʻALUA A MOSE, I KAPA ʻIA PUKA ʻANA 34:22

“E mālama hoʻi ʻoe i ka ʻAhaʻaina Hebedoma, no ka hōʻiliʻili mua ʻana i ka palaoa, a i ka ʻAhaʻaina o ka Hōʻiliʻili i ka puni ʻana o ka makahiki.

KA WĀNANA A IEREMIA 32:39

“A e hāʻawi aku nō wau iā lākou i hoʻokahi naʻau, a i hoʻokahi ʻaoʻao, i makaʻu mau lākou iaʻu, i mea e pono ai lākou, a me kā lākou poʻe keiki ma hope iho o lākou.

ZEPANIA 3:9

“A laila au e hāʻawi aku ai i nā kānaka i ka lehelehe maikaʻi, I kāhea aku ai lākou a pau i ka inoa ʻo Iēhova, A e hoʻokauā aku ai nāna me ka poʻohiwi hoʻokahi.

NĀ ʻOIHANA A KA POʻE LUNAʻŌLELO 1:5

“No ka mea, ua bapetizo ʻiʻo nō ʻo Ioane me ka wai; akā, e bapetizo ʻia nō hoʻi ʻoukou i ka ʻUhane Hemolele, ma hope iho o nā lā ʻaʻohe nui.”

NĀ ʻOIHANA A KA POʻE LUNAʻŌLELO 1:8

“Akā, e loaʻa nō iā ʻoukou ka mana, ke hiki mai ka ʻUhane Hemolele ma luna iho o ʻoukou; a e lilo auaneʻi ʻoukou i poʻe hōʻike noʻu ma Ierusalema, a ma Iudea a pau, a ma Samaria, a hiki wale aku i ke kihi o ka honua.”

NĀ ʻOIHANA A KA POʻE LUNAʻŌLELO 2:46

Hoʻomau lākou ma loko o ka luakini, i kēlā lā i kēia lā, me ka manaʻo hoʻokahi, a me ka wāwahi berena ʻana i kēlā hale i kēia hale, a ʻai ihola lākou i ka ʻai me ka ʻoliʻoli, a me ke akahai o ka naʻau,

NĀ ʻOIHANA A KA POʻE LUNAʻŌLELO 20:16

Ua paʻa nō ko Paulo manaʻo, e holo ma ʻEpeso aʻe, ʻaʻole hoʻi e kali ma ʻĀsia; no ka mea, ua wikiwiki nō ia, inā pono iā ia ke hiki i Ierusalema ma ka lā Penetekota.

NĀ ʻOIHANA A KA POʻE LUNAʻŌLELO 4:24

A lohe maila lākou, hoʻokiʻekiʻe lōkahi aʻela ko lākou leo i ke Akua, ʻī akula, “E ka Haku, ʻo ʻoe nō ke Akua «nāna i hana ka lani, a me ka honua, a me ke kai», a me nā mea a pau o loko.

NĀ ʻOIHANA A KA POʻE LUNAʻŌLELO 4:31

A pau kā lākou pule ʻana, nāueue aʻela kahi a lākou i ʻākoakoa ai; a ua piha ihola lākou i ka ʻUhane Hemolele, a haʻi akula lākou i ka ʻōlelo a ke Akua me ka wiwo ʻole.

NĀ ʻOIHANA A KA POʻE LUNAʻŌLELO 4:32

¶ A ʻo ka poʻe o lākou i manaʻoʻiʻo aku, hoʻokahi o lākou naʻau, hoʻokahi hoʻi manaʻo; ʻaʻole hoʻi i ʻōlelo kekahi, nona wale nō kekahi waiwai āna i mālama ai; no ka mea, hui pū ʻia ko lākou mea a pau.

NĀ ʻOIHANA A KA POʻE LUNAʻŌLELO 5:12

¶ Ua hana ʻia nō hoʻi ma waena o kānaka, nā hōʻailona a me nā mea kupanaha he nui loa, e nā lima o ka poʻe lunaʻōlelo. (Lōkahi aʻela lākou a pau ma ka lānai o Solomona.

ʻO KA ʻEPISETOLE A PAULO KA LUNAʻŌLELO I KO ROMA 15:6

i hoʻonani aku ʻoukou me ka lōkahi o ka manaʻo, a me ka leo hoʻokahi i ke Akua, i ka Makua hoʻi o ko kākou Haku ʻo Iesū Kristo.

ʻO KA ʻEPISETOLE MUA A PAULO KA LUNAʻŌLELO I KO KORINETO 16:8

E noho nō au ma ʻEpeso, a hiki i ka Penetekota.

ʻO KA ʻEPISETOLE A PAULO KA LUNAʻŌLELO I KO PILIPI 1:27

¶ E hana wale ʻoukou ma ka pono o ka ʻeuanelio a Kristo; a inā paha e hele aku au e ʻike iā ʻoukou, inā paha hoʻi ma kahi ʻē e lohe auaneʻi au i kā ʻoukou mau mea, e ʻike nō ua kūpaʻa ʻoukou ma ka ʻuhane hoʻokahi, me ka manaʻo hoʻokahi, a me ka hoʻoikaika pū ʻana i ka manaʻoʻiʻo o ka ʻeuanelio;

ʻO KA ʻEPISETOLE A PAULO KA LUNAʻŌLELO I KO PILIPI 2:2

e hoʻokō mai ʻoukou i kuʻu ʻoliʻoli, i like pū ai hoʻi ko ʻoukou manaʻo, hoʻokahi hoʻi ke aloha, hoʻokahi nō hoʻi naʻau, e manaʻo hoʻokahi ana.