NĀ ʻOIHANA A KA POʻE LUNAʻŌLELO 10:2 - Ka Baibala Hemolele

² He haipule, a makaʻu ia i ke Akua, a me ko kona hale a pau, manawaleʻa nui nō ia i kānaka, a pule mau nō ia i ke Akua.

NĀ ʻOIHANA A KA POʻE LUNAʻŌLELO 10:2 Iomraidhean Croise

KA BUKE MUA A MOSE, I KAPA ʻIA KINOHI 18:19

“No ka mea, ke ʻike nei au iā ia, e kauoha aku nō ia i kāna poʻe keiki a me kona mau ʻōhua ma hope ona, i mālama mai ai lākou i ka ʻaoʻao o Iēhova, a e hana lākou ma ka pono a me ka pololei; i hoʻoili aku ai ʻo Iēhova ma luna o ʻAberahama i ka mea āna i ʻōlelo ai nona.”

KA BUKE MUA NO NĀ ALIʻI 8:43

a laila e hoʻolohe mai ʻoe ma ka lani kou wahi e noho ai, a e hana e like me ka mea a pau a ka malihini i nonoi ai iā ʻoe; i ʻike nā kānaka a pau o ka honua i kou inoa, e weliweli iā ʻoe e like me kou poʻe kānaka ʻIseraʻela; a i ʻike hoʻi ua kapa ʻia ma kou inoa kēia hale aʻu i kūkulu aʻe nei.

KA BUKE ʻALUA O KA ʻOIHANA ALIʻI 6:33

a laila, e hoʻolohe mai ʻoe mai ka lani mai, mai kou wahi e noho ai, a e hana e like me nā mea a ka malihini e kāhea aku ai iā ʻoe; i ʻike nā kānaka a pau o ka honua i kou inoa, a i makaʻu lākou iā ʻoe e like me kou poʻe kānaka o kā ʻIseraʻela, a i ʻike hoʻi lākou ua kapa ʻia kou inoa ma luna o kēia hale aʻu i hana ai.

KA BUKE NO IOBA 1:1

¶ He kanaka ma ka ʻāina ʻo ʻUza, ʻo Ioba kona inoa, ua pono, ua pololei hoʻi ua kanaka lā, a ua makaʻu nō ia i ke Akua, a hoʻopale i ka hewa.

KA BUKE NO IOBA 1:5

A i ka manawa i hala aʻe ai nā lā o ka ʻahaʻaina ʻana, hoʻouna akula ʻo Ioba a hoʻomaʻemaʻe iā lākou, a ala aʻela i kakahiaka nui, a kaumaha akula i nā mōhai kuni e like me ka nui o lākou a pau; no ka mea, ʻī ihola ʻo Ioba, “Malia paha ua hana hewa kaʻu mau keiki kāne, a ua ʻōlelo hōʻino i ke Akua ma ko lākou naʻau.” Pēlā ʻo Ioba i hana ai i nā lā a pau.

KA BUKE O NĀ HALELŪ 102:15

E makaʻu aku nō ko nā ʻāina ʻē i ka inoa ʻo Iēhova, A me nā aliʻi a pau o ka honua i kou nani.

KA BUKE O NĀ HALELŪ 119:2

Pōmaikaʻi ka poʻe mālama i kāna mau kauoha, E ʻimi aku nō lākou iā ia me ka naʻau a pau.

KA BUKE O NĀ HALELŪ 25:5

E alakaʻi ʻoe iaʻu ma kāu ʻōlelo ʻoiaʻiʻo, E aʻo mai hoʻi ʻoe iaʻu; No ka mea, ʻo ʻoe nō koʻu Akua e ola ai; He manaʻolana koʻu iā ʻoe a pō ka lā.

KA BUKE O NĀ HALELŪ 41:1

¶ Pōmaikaʻi ke kanaka i manaʻo i ka pōpilikia; E hoʻākea mai ʻo Iēhova iā ia i ka wā ʻino.

KA BUKE O NĀ HALELŪ 55:17

I ke ahiahi, i ke kakahiaka, i ke awakea, e pule aku ai au, A e kāhea nui aku au; a e hoʻolohe mai ʻo ia i koʻu leo.

KA BUKE O NĀ HALELŪ 86:3

E aloha mai ʻoe iaʻu, e kuʻu Haku; No ka mea, ke kāhea aku nei au iā ʻoe i nā lā a pau.

KA BUKE O NĀ HALELŪ 88:1

¶ E Iēhova, ke Akua o koʻu ola, Ua kāhea aku nō au i mua ou i ke ao a me ka pō.

KE KAHUNA 7:18

He mea maikaʻi nou e lālau i kēlā, ʻaʻole hoʻi e hoʻokuʻu i kēia mai kou lima aku; no ka mea ʻo ka mea i makaʻu i ke Akua, ʻo ia ka mea e puka, mai ia mau mea a pau.

KA WĀNANA A ʻISAIA 59:19

A e makaʻu nō lākou i ka inoa ʻo Iēhova, mai ke komohana mai, A i kona nani hoʻi, mai ka puka ʻana a ka lā mai; I ka wā e komo mai ai ia e like me ke kahawai hāiki, Na ka ʻUhane o Iēhova e kau ana i ka hae kūʻē.

KA BUKE NO DANIʻELA 6:10

¶ A ʻike ihola ʻo Daniʻela, ua kau ka inoa ma ua palapala lā, komo ihola ʻo ia i loko o kona hale; a ua hāmama kekahi mau puka makani o kona keʻena ma luna, ma ka ʻaoʻao e kū pono ana i Ierusalema, kukuli ihola ʻo ia ma kona kuli, ʻekolu manawa i ka lā hoʻokahi, pule akula, a hoʻomaikaʻi akula i mua o kona Akua, e like me ia ma mua.

KA BUKE NO DANIʻELA 6:16

¶ A kauoha aʻela ke aliʻi, a ua lawe ʻia mai ʻo Daniʻela, a hoʻolei ʻia ihola ʻo ia i loko o ka lua liona. ʻŌlelo maila ke aliʻi iā Daniʻela, ʻī maila, “ʻO kou Akua, ka Mea āu i hoʻomana mau ai, e hoʻopakele nō ʻo ia iā ʻoe.”

KA BUKE NO DANIʻELA 6:20

A kokoke ia i ka lua, hea akula ia me ka leo kaniʻuhū iā Daniʻela; kāhea aku ke aliʻi iā Daniʻela, ʻī akula, “E Daniʻela, e ke kauā a ke Akua ola, ua hiki anei i kou Akua, ka Mea āu i hoʻokauā mau aku ai, ke hoʻopakele iā ʻoe mai nā liona aʻe?”

KA BUKE NO DANIʻELA 6:26

“Ke kau nei au i ʻōlelo paʻa, i haʻalulu nā kānaka ma nā ʻāina a pau o koʻu aupuni, i makaʻu hoʻi i mua o ke Akua o Daniʻela; No ka mea, ʻo ia ke Akua ola, ua paʻa mau loa ia, A ʻo kona aupuni, ʻo ia ka mea e ʻānai ʻole ʻia, A ʻo kona aliʻi ʻana, e mau loa ana ia.

KA ʻEUANELIO I KĀKAU ʻIA AI E MATAIO 25:17

“Pēlā hoʻi ka mea iā ia nā tālena ʻelua; loaʻa mai nō hoʻi iā ia nā tālena hou ʻelua.

KA ʻEUANELIO I KĀKAU ʻIA AI E LUKA 18:1

¶ A laila aʻo maila ʻo ia iā lākou ma ka ʻōlelo nane, he pono ke pule mau, ʻaʻole e hoʻonāwaliwali.

KA ʻEUANELIO I KĀKAU ʻIA AI E LUKA 2:25

Aia hoʻi, ma Ierusalema kekahi kanaka, ʻo Simeona kona inoa; a he kanaka pono ia, he haipule, e kali ana i ka mea nāna e kōkua i kā ʻIseraʻela; aia ma luna ona ka ʻUhane Hemolele.

NĀ ʻOIHANA A KA POʻE LUNAʻŌLELO 10:22

ʻĪ maila lākou, “ʻO Korenelio, he luna haneri, he kanaka pono, e makaʻu ana nō hoʻi i ke Akua, ua ʻike maopopo ʻia e ka lāhui kanaka a pau o nā Iudaio, a ua kauoha ʻia ia e kekahi ʻānela hemolele, mai ke Akua mai, e kiʻi aku iā ʻoe e hele i kona hale, i lohe ʻo ia i nā ʻōlelo ma ou lā.”

NĀ ʻOIHANA A KA POʻE LUNAʻŌLELO 10:31

ʻī maila, ‘E Korenelio, ua lohe ʻia kāu pule, ua hoʻomanaʻo ʻia nō hoʻi kāu mau hoʻomanawaleʻa ʻana i mua o ke Akua.

NĀ ʻOIHANA A KA POʻE LUNAʻŌLELO 10:35

akā, ma nā lāhui a pau, ua ʻoluʻolu ia i nā mea i makaʻu iā ia, a me ka hana pono.

NĀ ʻOIHANA A KA POʻE LUNAʻŌLELO 10:4

A i ka haka pono ʻana iā ia, makaʻu ihola, ʻī akula, “E ka Haku, he aha ia?” ʻĪ maila kēlā iā ia, “Ua piʻi i luna kāu mau pule, a me kāu mau manawaleʻa, i mea hoʻomanaʻo i mua o ke Akua.

NĀ ʻOIHANA A KA POʻE LUNAʻŌLELO 10:7

A hala akula ka ʻānela i ʻōlelo aku ai iā ia, a laila hea akula ia i nā ʻōhua ona ʻelua, a me kekahi koa haipule o ka poʻe mālama mau iā ia.

NĀ ʻOIHANA A KA POʻE LUNAʻŌLELO 11:14

nāna nō e haʻi mai iā ʻoe nā ʻōlelo, nā mea e ola ai ʻoe, a me kou poʻe ʻōhua a pau.’

NĀ ʻOIHANA A KA POʻE LUNAʻŌLELO 13:16

Kū maila ʻo Paulo, a peʻahi me ka lima, ʻī maila, “E nā kānaka o ʻIseraʻela, a me ka poʻe makaʻu i ke Akua, e hoʻolohe mai.

NĀ ʻOIHANA A KA POʻE LUNAʻŌLELO 13:26

“E nā kānaka, nā hoahānau, nā mamo a ʻAberahama, a me ka poʻe o ʻoukou nei e makaʻu i ke Akua, ua hoʻouna ʻia mai iā ʻoukou nei ka ʻōlelo o kēia ola.

NĀ ʻOIHANA A KA POʻE LUNAʻŌLELO 13:50

Hoʻokonokono akula ka poʻe Iudaio i nā wāhine haipule koʻikoʻi, a me nā mea kiʻekiʻe o ke kūlanakauhale, a paʻi maila lākou ma ka hoʻomaʻau no Paulo a me Barenaba, a kipaku akula iā lāua mai ko lākou wahi aku.

NĀ ʻOIHANA A KA POʻE LUNAʻŌLELO 18:8

A ʻo Kerisepo ka luna o ka hale hālāwai, manaʻoʻiʻo akula ia i ka Haku me ko kona hale a pau. A lohe ko Korineto he nui loa, a manaʻoʻiʻo akula, a bapetiso ʻia ihola.

NĀ ʻOIHANA A KA POʻE LUNAʻŌLELO 2:5

¶ E noho ana nō ma Ierusalema nā Iudaio, he poʻe kānaka haipule no nā ʻāina a pau ma lalo nei o ka lani.

NĀ ʻOIHANA A KA POʻE LUNAʻŌLELO 22:12

“A ʻo ʻAnania, he kanaka haipule ma ke Kānāwai, i hōʻike pono ʻia e nā Iudaio a pau i noho i laila,

NĀ ʻOIHANA A KA POʻE LUNAʻŌLELO 8:2

Hoʻolewa akula kekahi poʻe kānaka haipule iā Setepano, a kanikau loa lākou iā ia.

NĀ ʻOIHANA A KA POʻE LUNAʻŌLELO 9:11

ʻĪ maila ka Haku iā ia, “E kū, a e hele ma ke kuamoʻo, i kapa ʻia ʻo Pololei, ma ka hale o Iuda, e ʻimi i kekahi mea i kapa ʻia ʻo Saulo, no Tareso; no ka mea, aia hoʻi, ke pule lā ia.

NĀ ʻOIHANA A KA POʻE LUNAʻŌLELO 9:31

¶ A maluhia ihola nā ʻekalesia ma Iudea a pau, a me Galilaia, a me Samaria hoʻi. Hoʻokūpaʻa ʻia ihola lākou, e hele ana me ka makaʻu i ka Haku, a me ka ʻoliʻoli o ka ʻUhane Hemolele, a māhuahua ihola lākou.

NĀ ʻOIHANA A KA POʻE LUNAʻŌLELO 9:36

¶ Aia ma Iope kekahi haumāna wahine, ʻo Tabita ka inoa, ma ka hoʻohālike ʻana hoʻi, ua ʻī ʻia ʻo Doreka, ua nui nā hana maikaʻi, a me nā manawaleʻa āna i hana ai.

ʻO KA ʻEPISETOLE A PAULO KA LUNAʻŌLELO I KO KOLOSA 4:2

¶ E hoʻomau i ka pule, e makaʻala hoʻi ma ia mea, me ka hoʻomaikaʻi aku.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 5:17

E pule hoʻōki ʻole.

ʻO KA ʻEPISETOLE HOʻOLAHA A IAKOBO 1:5

¶ Inā i nele kekahi o ʻoukou i ke akamai, e noi aku ʻo ia i ke Akua i ka Mea i hāʻawi lokomaikaʻi mai no nā mea a pau me ka hōʻino ʻole mai, a e hāʻawi ʻia mai nō ia nona.

KA BUKE A IOSUA 24:15

“A inā he mea ʻino i ko ʻoukou manaʻo ke mālama iā Iēhova, e koho ʻoukou i kēia lā i kā ʻoukou mea e mālama aku ai; i nā akua paha a ko ʻoukou poʻe kūpuna i mālama ai ma kēlā kapa aku o ka muliwai, i nā akua paha o kā ʻAmora, no lākou nō ka ʻāina e noho nei ʻoukou; akā, ʻo wau, a me ko ka hale oʻu, e mālama mākou iā Iēhova.”

KA HŌʻIKE ʻANA A IOANE KA HAIPULE 15:4

“ʻO wai ka mea e makaʻu ʻole iā ʻoe, e ka Haku, a e hoʻonani ʻole i kou inoa? No ka mea, ʻo ʻoe wale nō ka hemolele; «A e hele mai nō hoʻi ko nā ʻāina a pau, a e kukuli hoʻomaikaʻi i mua ou; No ka mea, ua maopopo ka pono o kou hoʻopaʻi ʻana».”