NĀ ʻOIHANA A KA POʻE LUNAʻŌLELO 1:9 - Ka Baibala Hemolele

⁹ A oki aʻela kāna ʻōlelo ʻana ia mau mea, e nānā aku ana lākou, a lawe ʻia akula ia i luna; a na ke ao nō ia i ʻapo mai, mai ko lākou mau maka aku.

NĀ ʻOIHANA A KA POʻE LUNAʻŌLELO 1:9 Iomraidhean Croise

KA BUKE O NĀ HALELŪ 68:18

Ua piʻi aʻe ʻoe i luna, ua lawe pio ʻoe i ke pio ʻana; Ua loaʻa nō iā ʻoe nā haʻawina no nā kānaka, ʻO ia, no ka poʻe kipikipi kekahi i noho pū mai ai ke Akua ka Haku.

KA BUKE ʻALUA A MOSE, I KAPA ʻIA PUKA ʻANA 19:9

ʻŌlelo maila ʻo Iēhova iā Mose, “Aia hoʻi, e hele mai ana au i ou nei ma loko o ke ao panopano, i lohe nā kānaka i kaʻu kamaʻilio ʻana me ʻoe, a e manaʻoʻiʻo mau loa mai iā ʻoe.” A haʻi akula ʻo Mose i nā ʻōlelo a kānaka iā Iēhova.

KA BUKE ʻALUA A MOSE, I KAPA ʻIA PUKA ʻANA 34:5

Iho maila ʻo Iēhova ma loko o ke ao, a kū pū me ia i laila, a haʻi maila i ka inoa ʻo Iēhova.

KA WĀNANA A ʻISAIA 19:1

¶ Ka wānana no ʻAigupita. Aia hoʻi, ke holo lā ʻo Iēhova ma luna o ke ao māmā, A hele mai hoʻi ia i ʻAigupita. E haʻalulu auaneʻi nā akua kiʻi o ʻAigupita i mua o kona alo, E maʻule hoʻi ka naʻau o ko ʻAigupita i loko o lākou.

KA BUKE NO DANIʻELA 7:13

¶ “A ʻike akula nō hoʻi au ma ka hihiʻo ʻana i ka pō, Aia hoʻi, kekahi ua like ia me ke Keiki a ke Kanaka E hele mai ana ma nā ao o ka lani, A hele mai nō ia i ka Makamua o nā Lā, A hoʻokokoke lākou iā ia i mua ona.

KA ʻEUANELIO I KĀKAU ʻIA AI E MAREKO 16:19

¶ A pau aʻela ka ʻōlelo ʻana a ka Haku iā lākou, a laila, lawe ʻia akula ia i luna i ka lani, a noho ihola ma ka lima ʻākau o ke Akua.

KA ʻEUANELIO I KĀKAU ʻIA AI E LUKA 21:27

“A laila e ʻike ai lākou i «ke Keiki a ke Kanaka e hele mai ana ma luna iho o kekahi ao», me ka mana, a me ka nani nui.

KA ʻEUANELIO I KĀKAU ʻIA AI E IOANE 6:62

“Pehea lā hoʻi, inā e ʻike ʻoukou i ke Keiki a ke Kanaka e piʻi hou aku ana i luna i kona wahi ma mua?

NĀ ʻOIHANA A KA POʻE LUNAʻŌLELO 1:11

ʻĪ maila hoʻi lāua, “E nā kānaka o Galilaia, no ke aha lā ʻoukou e kū nei e nānā aku ana i ka lani? ʻO Iesū nei, ka mea i lawe ʻia aku nei i ka lani, mai o ʻoukou aku nei, pēlā nō ia e hoʻi hou mai ai e like me kā ʻoukou ʻike ʻana aku iā ia e piʻi ana i ka lani.”

NĀ ʻOIHANA A KA POʻE LUNAʻŌLELO 1:2

a hiki i ka lā i lawe ʻia aku ai ia i luna, ma hope o kāna kauoha ʻana mai ma ka ʻUhane Hemolele i nā lunaʻōlelo āna i wae mai ai.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 4:17

A laila e kāʻili pū ʻia aku kākou ka poʻe i koe e ola ʻokoʻa ana, me lākou, i loko o nā ao kaʻalelewa e hālāwai pū me ka Haku, i ka lewa; ʻo ia hoʻi, e mau loa ana ko kākou noho ʻana me ka Haku.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 3:16

Ua akāka nō he mea nui ka mea pohihihi o ka manaʻo i ke Akua: Ua hōʻike ʻia mai ke Akua ma ke kino, Ua hoʻāpono ʻia mai e ka ʻUhane, Ua ʻikea mai e nā ʻānela, Ua haʻi ʻia aku i ko nā ʻāina ʻē, Ua manaʻoʻiʻo ʻia ma ke ao nei, A ua hoʻokipa ʻia aku i luna i ka nani.

KA HŌʻIKE ʻANA A IOANE KA HAIPULE 1:7

«Aia hoʻi ke hele maila ia me nā ao»; a e ʻike aku nā maka a pau iā ia, a ʻo ka poʻe hoʻi nāna ia i ʻō aku; a iā ia nō e uē ai nā ʻohana a pau o ka honua. ʻO ia, ʻĀmene.

KA HŌʻIKE ʻANA A IOANE KA HAIPULE 11:12

A lohe akula lāua i ka leo nui mai ka lani mai, ʻī maila iā lāua, “E piʻi mai i luna nei;” a piʻi akula lāua i ka lani ma ke ao; a ʻike akula ko lāua poʻe ʻenemi iā lāua.

KA HŌʻIKE ʻANA A IOANE KA HAIPULE 14:4

ʻO ia ka poʻe, ʻaʻole i haumia i nā wāhine; no ka mea, he poʻe puʻupaʻa lākou. ʻO ia ka poʻe hahai i ke Keiki Hipa i kona wahi a pau i hele aku ai. ʻO ia ka poʻe i kūʻai hoʻōla ʻia mai waena aʻe o nā kānaka, i hua mua no ke Akua a no ke Keiki Hipa.