NĀ ʻOIHANA A KA POʻE LUNAʻŌLELO 1:7 - Ka Baibala Hemolele

⁷ ʻĪ maila ʻo ia iā lākou, “ʻAʻole iā ʻoukou ka ʻike i nā wā, a me nā kau a ka Makua i waiho ai i kona mana iho.

NĀ ʻOIHANA A KA POʻE LUNAʻŌLELO 1:7 Iomraidhean Croise

KA BUKE NO IOBA 24:1

¶ “No ka mea, ʻaʻole i hoʻonalo ʻia nā manawa mai ka Mea Mana aku, No ke aha lā ʻaʻole ka poʻe ʻike iā ia e noʻonoʻo i kona mau lā?

KA BUKE NO DANIʻELA 2:21

“Nāna nō i hoʻololi mai i nā wā a me nā kau; Nāna nō i kipaku aku i nā aliʻi, a hoʻokū hoʻi i luna i nā aliʻi; Hāʻawi mai nō hoʻi ʻo ia i ka naʻauao no ka poʻe naʻauao, A me ka ʻike no ka poʻe ʻike.

KA ʻEUANELIO I KĀKAU ʻIA AI E MATAIO 20:23

ʻŌlelo maila ʻo Iesū iā lāua, “E inu nō auaneʻi ʻolua i ko ke kīʻaha oʻu, a e bapetizo ʻia hoʻi i ka bapetizo ʻana aʻu e bapetizo ʻia ai; akā, ʻo ka noho ma koʻu lima ʻākau, a ma koʻu lima hema, ʻaʻole kaʻu ia e hāʻawi aku; aia nō ia no ka poʻe nona i hoʻomākaukau ʻia ai ia mea e koʻu Makua.”

KA ʻEUANELIO I KĀKAU ʻIA AI E MATAIO 24:36

“ʻAʻole i ʻike kekahi kanaka ia lā a me ia hora, ʻaʻole hoʻi nā ʻānela o ka lani; ʻo koʻu Makua wale nō.

KA ʻEUANELIO I KĀKAU ʻIA AI E MAREKO 10:40

“Akā, ʻo ka noho ma koʻu lima ʻākau, a me koʻu lima hema, ʻaʻole ʻo kaʻu ia e hāʻawi aku ai; akā, no ka poʻe ia i hoʻomākaukau ʻia ai ia mea.”

KA ʻEUANELIO I KĀKAU ʻIA AI E MAREKO 13:32

“Akā, ʻo ko laila lā, a me ko laila hora, ʻaʻole loa kekahi kanaka i ʻike, ʻaʻole nō hoʻi ka poʻe ʻānela i luna o ka lani, ʻaʻole nō hoʻi ke Keiki, ʻo ka Makua wale nō.

KA ʻEUANELIO I KĀKAU ʻIA AI E LUKA 21:24

“A e hāʻule nō lākou i ka pahi kaua, a e lawe pio ʻia aku lākou i nā ʻāina a pau; a e hehi ʻia auaneʻi ʻo Ierusalema i lalo e nā kānaka ʻē, a pau aku nā manawa o ko nā ʻāina ʻē.

NĀ ʻOIHANA A KA POʻE LUNAʻŌLELO 17:26

a nāna nō i hana i nā lāhui kanaka a pau i ke koko hoʻokahi, i noho lākou ma ka honua nei; aia hoʻi, ua paʻa i kona manaʻo kahiko ka hope o nā wā, a me nā mokuna o ko lākou wahi e noho ai;

ʻO KA ʻEPISETOLE A PAULO KA LUNAʻŌLELO I KO ʻEPESO 1:10

i ke aupuni o kēia manawa hope, e hōʻuluʻulu i nā mea a pau ma kahi hoʻokahi i loko o Kristo, i nā mea o ka lani a me nā mea o ka honua, i loko ona.

KA BUKE ʻALIMA A MOSE, I KAPA ʻIA KĀNĀWAI LUA 29:29

¶ “No Iēhova ko kākou Akua nā mea i hūnā ʻia; akā, ʻo nā mea i hoʻākāka ʻia mai, no kākou ia, a no kā kākou poʻe keiki i ka manawa pau ʻole, i mālama ai kākou i nā ʻōlelo a pau o kēia kānāwai.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 6:15

i ka Mea i nā manawa ona iho, e hōʻike mai ai ʻo ia, ʻo ka Mōʻī pōmaikaʻi hoʻokahi, ʻo ke Aliʻi o nā aliʻi, ʻo ka Haku o nā haku;

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 3:1

¶ Eia hoʻi kāu mea e ʻike ai; a i nā lā ma hope e hiki mai ana nā manawa pōpilikia.