NĀ ʻOIHANA A KA POʻE LUNAʻŌLELO 1:5 - Ka Baibala Hemolele

⁵ “No ka mea, ua bapetizo ʻiʻo nō ʻo Ioane me ka wai; akā, e bapetizo ʻia nō hoʻi ʻoukou i ka ʻUhane Hemolele, ma hope iho o nā lā ʻaʻohe nui.”

NĀ ʻOIHANA A KA POʻE LUNAʻŌLELO 1:5 Iomraidhean Croise

IOʻELA 3:18

¶ A i kēlā lā e hoʻokulu nā mauna i ka waina hou, A e hoʻokahe mai nā puʻu i ka waiū, A e kahe ka wai ma nā kahawai a pau o Iuda, A e puapuaʻi mai ka wai puna mai ka hale o Iēhova mai, A e kahe aku ka wai ma ke awāwa ʻo Sitima.

KA ʻEUANELIO I KĀKAU ʻIA AI E MATAIO 3:11

“ʻO wau nō ke bapetizo aku nei iā ʻoukou i ka wai, no ka mihi; akā, ʻo ka Mea e hele mai ana ma hope oʻu, he nui aku kona mana i koʻu, ʻaʻole au e pono ke lawe i kona mau kāmaʻa; nāna ʻoukou e bapetizo aku i ka ʻUhane Hemolele a me ke ahi.

KA ʻEUANELIO I KĀKAU ʻIA AI E MATAIO 3:6

A bapetizo ʻia ihola lākou e ia i loko o Ioredane, me ka haʻi ʻana mai i ko lākou hewa.

KA ʻEUANELIO I KĀKAU ʻIA AI E MAREKO 1:8

“Ua bapetizo aku nō wau iā ʻoukou i ka wai; akā, nāna ʻoukou e bapetizo aku i ka ʻUhane Hemolele.”

KA ʻEUANELIO I KĀKAU ʻIA AI E LUKA 3:16

ʻŌlelo maila ʻo Ioane iā lākou a pau, ʻī maila, “ʻO wau nō ke bapetizo nei iā ʻoukou me ka wai; akā, e hele mai ana Kekahi, he ʻoi aku kona mana i koʻu, ʻaʻole au e pono ke wehe aʻe i nā kaula o kona mau kāmaʻa; ʻo ia ke bapetizo iā ʻoukou me ka ʻUhane Hemolele a me ke ahi.

KA ʻEUANELIO I KĀKAU ʻIA AI E IOANE 1:26

ʻŌlelo maila ʻo Ioane iā lākou, ʻī maila, “Ke bapetizo nei au me ka wai; akā, ke kū nei kekahi i waena o ʻoukou, ka mea a ʻoukou i ʻike ʻole ai.

KA ʻEUANELIO I KĀKAU ʻIA AI E IOANE 1:31

“ʻAʻole naʻe au i ʻike pono iā ia; akā, i hōʻike ʻia ʻo ia i kā ʻIseraʻela; no laila au i hele mai nei e bapetizo ana me ka wai.”

KA ʻEUANELIO I KĀKAU ʻIA AI E IOANE 1:33

“ʻAʻole naʻe au i ʻike pono iā ia; akā, ʻo ka Mea nāna au i hoʻouna mai e bapetizo me ka wai, ʻo ia kai ʻōlelo mai iaʻu, ‘Aia ʻike aku ʻoe i ka ʻUhane e iho mai ana ma luna ona, a e noho ana ma luna ona, ʻo ia ka mea, nāna e bapetizo me ka ʻUhane Hemolele.’

NĀ ʻOIHANA A KA POʻE LUNAʻŌLELO 10:45

ʻO ka poʻe ma ke ʻoki poepoe i manaʻoʻiʻo, a i hele pū me Petero, kāhāhā ihola lākou; no ka mea, ua ninini ʻia mai ka haʻawina o ka ʻUhane Hemolele ma luna o ko nā ʻāina ʻē.

NĀ ʻOIHANA A KA POʻE LUNAʻŌLELO 19:4

ʻĪ maila ʻo Paulo, “Bapetizo maila ʻo Ioane i ka bapetizo ʻana o ka mihi, i ka ʻī ʻana mai i kānaka, e manaʻoʻiʻo aku lākou i ka mea e hiki mai ana ma hope ona, ʻo ka Mesia nō ia, ʻo Iesū nō.”

ʻO KA ʻEPISETOLE MUA A PAULO KA LUNAʻŌLELO I KO KORINETO 12:13

Na ka ʻUhane hoʻokahi kākou a pau, i bapetizo ʻia mai i loko o ke kino hoʻokahi, ʻo nā Iudaio, a me nā Helene, ʻo ka poʻe i hoʻopaʻa ʻia, a me ka poʻe paʻa ʻole; ua hoʻoinu ʻia mai kākou a pau i loko o ka ʻUhane hoʻokahi.

ʻO KA ʻEPISETOLE A PAULO IĀ TITO 3:5

ʻaʻole no nā hana pono a kākou i hana ai; akā, ma kona aloha wale, ua hoʻōla ʻo ia iā kākou, ma ka holoi hoʻohānau hou ʻana, a ma ka hana hou ʻia e ka ʻUhane Hemolele,