NĀ ʻOIHANA A KA POʻE LUNAʻŌLELO 1:4 - Ka Baibala Hemolele

⁴ A i kona hālāwai ʻana me lākou, kauoha maila ʻo ia iā lākou, “ʻAʻole e haʻalele iā Ierusalema; akā, e kali i kā ka Makua ʻōlelo hoʻopōmaikaʻi, a ʻoukou i lohe ai iaʻu.

NĀ ʻOIHANA A KA POʻE LUNAʻŌLELO 1:4 Iomraidhean Croise

KA BUKE ʻAHĀ A MOSE, I KAPA ʻIA NĀ HELU 9:22

Inā hoʻi i noho ke ao ma luna o ka halelewa i nā lā ʻelua, i ka malama paha, a i ka makahiki paha, e kau ana ma laila, noho ihola nā mamo a ʻIseraʻela i loko o ko lākou mau hale lole, ʻaʻole lākou i hele; aia i ka wā i piʻi aʻe ia, hele lākou.

KA ʻEUANELIO I KĀKAU ʻIA AI E MATAIO 10:20

“No ka mea, ʻaʻole na ʻoukou e ʻōlelo aku, na ka ʻUhane nō o ko ʻoukou Makua e ʻōlelo ana ma o ʻoukou lā.

KA ʻEUANELIO I KĀKAU ʻIA AI E LUKA 11:13

“No ia hoʻi, inā ʻoukou ka poʻe hewa i mākaukau i ka hāʻawi aku i nā makana maikaʻi i kā ʻoukou poʻe keiki; ʻaʻole anei e ʻoi nui aku ko ka Makua ma ka lani hāʻawi ʻana mai i ka ʻUhane Hemolele i ka poʻe e noi aku iā ia.”

KA ʻEUANELIO I KĀKAU ʻIA AI E LUKA 12:12

no ka mea, na ka ʻUhane Hemolele nō e aʻo mai iā ʻoukou, ia hora, i ka mea e pono ai ʻoukou ke ʻōlelo aku.”

KA ʻEUANELIO I KĀKAU ʻIA AI E LUKA 24:49

“Eia hoʻi, e hoʻoili ana au ma luna o ʻoukou i ka mea a koʻu Makua i ʻōlelo hoʻopōmaikaʻi iho ai; akā, e noho ʻoukou ma Ierusalema, a hoʻolako ʻia mai ʻoukou me ka mana no luna mai.”

KA ʻEUANELIO I KĀKAU ʻIA AI E IOANE 14:16

“A e noi au i ka Makua, a e hāʻawi nō i Kōkua hou na ʻoukou, i noho mau loa ia me ʻoukou.

KA ʻEUANELIO I KĀKAU ʻIA AI E IOANE 15:26

“Aia hiki mai ke Kōkua, ka Mea e hoʻouna ʻia e aʻu mai ka Makua mai, ʻo ia ka ʻUhane ʻoiaʻiʻo, ka Mea i hele mai mai ka Makua mai, nāna nō e hōʻike aku noʻu;

KA ʻEUANELIO I KĀKAU ʻIA AI E IOANE 20:22

A pau kāna ʻōlelo ʻana i kēia, hā ihola ʻo ia iā lākou, ʻī maila iā lākou, “E loaʻa iā ʻoukou ka ʻUhane Hemolele.

KA ʻEUANELIO I KĀKAU ʻIA AI E IOANE 7:39

(ʻO kēia kāna i ʻōlelo ai no ka ʻUhane, ka mea e loaʻa auaneʻi i ka poʻe e manaʻoʻiʻo iā ia; ʻaʻole i hiki mai ka ʻUhane Hemolele ia manawa; no ka mea, ʻaʻole i hoʻonani ʻia ʻo Iesū ia wā.)

NĀ ʻOIHANA A KA POʻE LUNAʻŌLELO 10:41

ʻaʻole naʻe i kānaka a pau loa; akā, i ka poʻe hōʻike a ke Akua i wae mua ai, iā mākou nō, i ka poʻe i ʻai pū a i inu pū me ia ma hope o kona ala hou ʻana, mai ka make mai.

NĀ ʻOIHANA A KA POʻE LUNAʻŌLELO 2:33

“Ua hoʻokiʻekiʻe ʻia aʻela ia e ka lima ʻākau o ke Akua, ua loaʻa nō hoʻi iā ia, na ka Makua mai, ka ʻōlelo hoʻolana o kona hāʻawi ʻana mai i ka ʻUhane Hemolele, no ia mea, ua hāʻawi nui ʻo ia i kēia mea a ʻoukou e ʻike nei, a e lohe nei.