NĀ ʻOIHANA A KA POʻE LUNAʻŌLELO 1:2 - Ka Baibala Hemolele

² a hiki i ka lā i lawe ʻia aku ai ia i luna, ma hope o kāna kauoha ʻana mai ma ka ʻUhane Hemolele i nā lunaʻōlelo āna i wae mai ai.

NĀ ʻOIHANA A KA POʻE LUNAʻŌLELO 1:2 Iomraidhean Croise

KA WĀNANA A ʻISAIA 42:1

¶ “Aia hoʻi kaʻu Kauā, ka Mea aʻu i mālama ai, ʻO kuʻu Mea i wae ʻia, a ua ʻoliʻoli koʻu naʻau iā ia; E hāʻawi aku nō au i koʻu ʻUhane ma luna ona; A nāna nō e hoʻolaha aʻe ka pono no nā lāhui kanaka.

KA WĀNANA A ʻISAIA 48:16

“E hoʻokokoke mai ʻoukou iaʻu, e hoʻolohe i kēia; Mai kinohi mai, ʻaʻole au i ʻōlelo malū, Mai kona wā i hana ʻia ai, ma laila nō au; ʻĀnō hoʻi, ua hoʻouna mai iaʻu ʻo Iēhova, ka Haku, a me kona ʻUhane.”

KA WĀNANA A ʻISAIA 61:1

¶ Eia nō ma luna oʻu ka ʻUhane o Iēhova, ka Haku, No ka mea, ua poni mai ʻo Iēhova iaʻu, E haʻi i ka ʻōlelo maikaʻi i ka poʻe hoʻohaʻahaʻa; Ua hoʻouna mai ʻo ia iaʻu e wahī i nā naʻau ʻehaʻeha, E haʻi aku i ke kuʻu ʻana no ka poʻe i pio, A me ka wehe ʻana o ka hale paʻahao no ka poʻe i paʻa;

KA ʻEUANELIO I KĀKAU ʻIA AI E MATAIO 12:28

“Inā paha ʻo wau e mahiki aku i nā daimonio ma ka ʻUhane o ke Akua, inā ua kokoke mai ke aupuni o ke Akua i o ʻoukou nei.

KA ʻEUANELIO I KĀKAU ʻIA AI E MATAIO 3:16

A bapetizo ʻia ʻo Iesū, a laila, piʻi koke maila ia mai ka wai mai; aia hoʻi, hāmama aʻela ka lani nona, a ʻikea akula ka ʻUhane o ke Akua e iho mai ana me he manu nūnū lā, a kau ihola ma luna iho ona.

KA ʻEUANELIO I KĀKAU ʻIA AI E MAREKO 6:30

¶ ʻĀkoakoa ihola ka poʻe lunaʻōlelo i o Iesū lā, haʻi akula iā ia i nā mea a pau, ʻo nā mea hoʻi a lākou i hana ai, a me nā mea a lākou i aʻo aku ai.

KA ʻEUANELIO I KĀKAU ʻIA AI E LUKA 24:51

Eia hoʻi kekahi, i kona hoʻomaikaʻi ʻana iā lākou, ua hoʻokaʻawale ʻia aʻela ia mai o lākou aʻe, a lawe ʻia akula i luna i ka lani.

KA ʻEUANELIO I KĀKAU ʻIA AI E LUKA 9:51

¶ Eia kekahi, i ka hiki ʻana o nā lā e lawe ʻia aku ai ia, kau pono kona maka e hele nō ia i Ierusalema;

KA ʻEUANELIO I KĀKAU ʻIA AI E IOANE 1:16

No loko mai o kāna mea i piha ai, ua loaʻa iā kākou nā mea maikaʻi a nui loa.

KA ʻEUANELIO I KĀKAU ʻIA AI E IOANE 13:1

¶ Ma mua o ka ʻAhaʻaina Mōliaola, ʻike ihola ʻo Iesū, ua hiki mai kona manawa e hele aku ai ia i ka Makua mai kēia ao aku, i ke aloha ʻana i kona poʻe ponoʻī i ke ao nei, ua aloha ʻo ia iā lākou a hiki i ka hope.

KA ʻEUANELIO I KĀKAU ʻIA AI E IOANE 13:18

“ʻAʻole no ʻoukou a pau kaʻu e ʻōlelo nei; ua ʻike nō au i nā mea aʻu i wae ai; akā, i kō ai ka Palapala Hemolele, ‘«ʻO ka mea e ʻai pū ana i ka berena me aʻu, ua kaʻikaʻi ʻo ia i kona kuʻekuʻe wāwae iaʻu».’

KA ʻEUANELIO I KĀKAU ʻIA AI E IOANE 13:3

ʻike nō ʻo Iesū, ua hāʻawi mai ka Makua i nā mea a pau i kona lima, a ua hele mai ia mai ke Akua mai, a e hoʻi hou aku nō ia i ke Akua;

KA ʻEUANELIO I KĀKAU ʻIA AI E IOANE 16:28

“Mai ka Makua mai au i hele mai nei i kēia ao; eia hou, e haʻalele ana au i ke ao nei, a e hoʻi aku i ka Makua.”

KA ʻEUANELIO I KĀKAU ʻIA AI E IOANE 17:13

“ʻĀnō lā ke hele aku au i ou lā; a ke ʻōlelo nei au i kēia mau mea ma kēia ao, i māhuahua ai ko lākou ʻoliʻoli iaʻu.

KA ʻEUANELIO I KĀKAU ʻIA AI E IOANE 20:17

ʻĪ maila ʻo Iesū iā ia, “Mai hoʻopā mai ʻoe iaʻu; no ka mea, ʻaʻole au i piʻi aku i koʻu Makua; akā, e hele ʻoe i koʻu poʻe hoahānau, e ʻī aku iā lākou, ‘E piʻi ana au i koʻu Makua, a i ko ʻoukou Makua; a i koʻu Akua, a i ko ʻoukou Akua.’”

KA ʻEUANELIO I KĀKAU ʻIA AI E IOANE 20:21

ʻŌlelo hou akula nō ʻo Iesū iā lākou, “Aloha ʻoukou; e like me ka Makua i hoʻouna mai ai iaʻu, pēlā hoʻi au e hoʻouna aku ai iā ʻoukou.”

KA ʻEUANELIO I KĀKAU ʻIA AI E IOANE 3:34

“No ka mea, ʻo kā ke Akua mea i hoʻouna mai ai, ʻo kā ke Akua ʻōlelo kāna e ʻōlelo ai; no ka mea, ʻaʻole ke Akua e hāʻawi liʻiliʻi mai i ka ʻUhane iā ia.

KA ʻEUANELIO I KĀKAU ʻIA AI E IOANE 6:62

“Pehea lā hoʻi, inā e ʻike ʻoukou i ke Keiki a ke Kanaka e piʻi hou aku ana i luna i kona wahi ma mua?

KA ʻEUANELIO I KĀKAU ʻIA AI E IOANE 6:70

ʻŌlelo maila ʻo Iesū iā lākou, “ʻAʻole anei au i wae iā ʻoukou he ʻumikumamālua, a ʻo kekahi o ʻoukou, he diabolō ia?”

NĀ ʻOIHANA A KA POʻE LUNAʻŌLELO 1:11

ʻĪ maila hoʻi lāua, “E nā kānaka o Galilaia, no ke aha lā ʻoukou e kū nei e nānā aku ana i ka lani? ʻO Iesū nei, ka mea i lawe ʻia aku nei i ka lani, mai o ʻoukou aku nei, pēlā nō ia e hoʻi hou mai ai e like me kā ʻoukou ʻike ʻana aku iā ia e piʻi ana i ka lani.”

NĀ ʻOIHANA A KA POʻE LUNAʻŌLELO 1:13

A komo lākou i loko, piʻi akula, a i loko o kekahi keʻena ma luna, ma laila lākou i noho ai, ʻo Petero, a me Iakobo, a me Ioane, a me ʻAnederea, a me Pilipo, a me Toma, a me Baretolomaio, a me Mataio, a me Iakobo a ʻAlepaio, a me Simona Zelote, a me Iuda ka hoahānau no Iakobo.

NĀ ʻOIHANA A KA POʻE LUNAʻŌLELO 1:22

mai ka hoʻomaka ʻana o Ioane e bapetizo ai, a hiki mai i ka lā i lawe ʻia aku ai ia mai o kākou aku, he mea pono e lilo kekahi o lākou i mea hōʻike pū me kākou i kona ala hou ʻana mai.”

NĀ ʻOIHANA A KA POʻE LUNAʻŌLELO 1:9

A oki aʻela kāna ʻōlelo ʻana ia mau mea, e nānā aku ana lākou, a lawe ʻia akula ia i luna; a na ke ao nō ia i ʻapo mai, mai ko lākou mau maka aku.

NĀ ʻOIHANA A KA POʻE LUNAʻŌLELO 10:38

“ʻO Iesū no Nazareta, ua poni ke Akua iā ia me ka ʻUhane Hemolele, a me ka mana; nāna nō i kaʻahele e hana maikaʻi ana, a me ka hoʻōla ʻana i nā mea a pau i hoʻoluhi ʻia e ka diabolō; no ka mea, ʻo ke Akua pū kekahi me ia.

ʻO KA ʻEPISETOLE A PAULO KA LUNAʻŌLELO I KO GALATIA 1:1

¶ ʻO Paulo, he lunaʻōlelo, ʻaʻole na kānaka mai, ʻaʻole hoʻi ma ke kanaka; akā, ma o Iesū Kristo lā, a na ke Akua ka Makua nāna ia i hoʻāla aʻe mai ka make mai;

ʻO KA ʻEPISETOLE A PAULO KA LUNAʻŌLELO I KO ʻEPESO 2:20

ua kūkulu ʻia ʻoukou ma luna o ke kahua a nā lunaʻōlelo a me nā kāula, ʻo Iesū Kristo iho nō ka pōhaku kumu o ke kihi.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 3:16

Ua akāka nō he mea nui ka mea pohihihi o ka manaʻo i ke Akua: Ua hōʻike ʻia mai ke Akua ma ke kino, Ua hoʻāpono ʻia mai e ka ʻUhane, Ua ʻikea mai e nā ʻānela, Ua haʻi ʻia aku i ko nā ʻāina ʻē, Ua manaʻoʻiʻo ʻia ma ke ao nei, A ua hoʻokipa ʻia aku i luna i ka nani.

ʻO KA ʻEPISETOLE A PAULO KA LUNAʻŌLELO I KO HEBERA 9:24

No ka mea, ʻaʻole ʻo Kristo i komo i loko o ka halelewa i hana ʻia e nā lima, he aka wale nō no ka mea ʻoiaʻiʻo; akā, i loko o ka lani ponoʻī i hōʻike mau iā ia iho ma ke alo o ke Akua no kākou.

ʻO KA ʻEPISETOLE HOʻOLAHA MUA A PETERO 3:22

ʻo ka mea i hele aku i ka lani, a ʻo ia hoʻi ia e noho lā ma ka lima ʻākau o ke Akua; a ua hoʻonoho ʻia ma lalo iho ona, nā ʻānela, a me nā mea kiʻekiʻe a me nā mea mana.

ʻO KA ʻEPISETOLE HOʻOLAHA ʻALUA A PETERO 3:2

i hoʻomanaʻo ʻoukou i nā ʻōlelo i ʻōlelo ʻia ai ma mua, e ka poʻe kāula hemolele, a me ke kauoha a mākou, a nā lunaʻōlelo a ka Haku, ka Hoʻōla.

KA HŌʻIKE ʻANA A IOANE KA HAIPULE 1:1

¶ Ka Hōʻike ʻana a Iesū Kristo, ka mea a ke Akua i hāʻawi mai ai iā ia, e hōʻike mai i kāna poʻe kauā i nā mea e hiki koke mai ana; a ma kona ʻānela i hoʻouna mai ai ʻo ia, a hōʻike maila hoʻi i kāna kauā iā Ioane;

KA HŌʻIKE ʻANA A IOANE KA HAIPULE 2:11

‘ʻO ka mea pepeiao lā, e hoʻolohe ia i ka mea a ka ʻUhane e ʻōlelo nei i nā ʻekalesia; ʻO ka mea lanakila, ʻaʻole loa ia e ʻeha i ka make ʻalua.’

KA HŌʻIKE ʻANA A IOANE KA HAIPULE 2:17

‘ʻO ka mea pepeiao lā, e hoʻolohe ia i ka mea a ka ʻUhane e ʻōlelo nei i nā ʻekalesia; ʻO ka mea lanakila, e hāʻawi aku au iā ia e ʻai i ka mane i hūnā ʻia, a e hāʻawi nō hoʻi au iā ia i ka pōhaku keʻokeʻo, a ma luna iho o ua pōhaku lā, ua palapala ʻia ka inoa hou, ʻaʻole mea ʻike ia inoa, ʻo ka mea wale nō iā ia ka pōhaku.’

KA HŌʻIKE ʻANA A IOANE KA HAIPULE 2:29

‘ʻO ka mea pepeiao lā, e hoʻolohe ia i ka mea a ka ʻUhane e ʻōlelo nei i nā ʻekalesia.’

KA HŌʻIKE ʻANA A IOANE KA HAIPULE 2:7

‘ʻO ka mea pepeiao lā, e hoʻolohe ia i ka mea a ka ʻUhane e ʻōlelo nei i nā ʻekalesia; ʻo ka mea lanakila, e hāʻawi nō wau iā ia, e ʻai i ko ka lāʻau o ke ola, ka mea ma loko o ka Paradaiso o koʻu Akua.’

KA HŌʻIKE ʻANA A IOANE KA HAIPULE 21:14

He ʻumikumamālua pōhaku kumu o ka pā o ua kūlanakauhale lā, a ma ia mau pōhaku, nā inoa o ka poʻe lunaʻōlelo a ke Keiki Hipa, he ʻumikumamālua.

KA HŌʻIKE ʻANA A IOANE KA HAIPULE 3:13

‘ʻO ka mea pepeiao lā, e hoʻolohe mai ia i ka mea a ka ʻUhane e ʻōlelo nei i nā ʻekalesia.’

KA HŌʻIKE ʻANA A IOANE KA HAIPULE 3:16

‘Akā; no ka mea, ua pumahana wale nō ʻoe, ʻaʻole i anu, ʻaʻole hoʻi i wela; no laila e luaʻi aku auaneʻi au iā ʻoe, mai koʻu waha aku.

KA HŌʻIKE ʻANA A IOANE KA HAIPULE 3:22

‘ʻO ka mea pepeiao lā, e hoʻolohe mai ia i ka mea a ka ʻUhane e ʻōlelo nei i nā ʻekalesia.’”