NĀ ʻOIHANA A KA POʻE LUNAʻŌLELO 1:16 - Ka Baibala Hemolele

¹⁶ “E nā kānaka, nā hoahānau, he mea pono e hoʻokō ʻia kēia Palapala a ka ʻUhane Hemolele i haʻi mai ai ma ka waha o Dāvida no Iuda, ka mea nāna i alakaʻi i ka poʻe i hopu iā Iesū.

NĀ ʻOIHANA A KA POʻE LUNAʻŌLELO 1:16 Iomraidhean Croise

KA BUKE ʻALUA A SAMUʻELA 23:2

“Ua ʻōlelo aku ka ʻUhane o Iēhova ma oʻu nei, A ma koʻu alelo kāna ʻōlelo.

KA BUKE ʻALUA NO NĀ ALIʻI 15:12

ʻO ia ka ʻōlelo a Iēhova āna i ʻōlelo mai ai iā Iehu, ʻī maila, “E noho kāu poʻe keiki ma luna o ka noho aliʻi o kā ʻIseraʻela, a hiki i ke kualua.” A pēlā ʻiʻo nō.

KA BUKE O NĀ HALELŪ 41:9

ʻOiaʻiʻo, ʻo koʻu hoaaloha aʻu i hilinaʻi aku ai, Ka mea i ʻai i kaʻu berena, ʻO ia kai hāpai kūʻē i kona kuʻekuʻe wāwae iaʻu.

KA ʻEUANELIO I KĀKAU ʻIA AI E MATAIO 26:14

¶ A laila, hele akula kekahi o ka poʻe ʻumikumamālua, ʻo Iuda ʻIsekariota kona inoa, i ka poʻe kāhuna nui,

KA ʻEUANELIO I KĀKAU ʻIA AI E MATAIO 26:47

¶ A i kāna ʻōlelo ʻana, aia hoʻi, hele maila ʻo Iuda, kekahi o ka poʻe ʻumikumamālua, me ia pū ka poʻe kānaka he nui, me nā pahi kaua a me nā newa, i hoʻouna ʻia mai e nā kāhuna nui a me nā lunakahiko.

KA ʻEUANELIO I KĀKAU ʻIA AI E MATAIO 26:54

“Akā, pehea lā hoʻi e hoʻokō ʻia ai ka Palapala, e ʻī mai ana, e hana ʻia kēia mau mea?”

KA ʻEUANELIO I KĀKAU ʻIA AI E MATAIO 26:56

“Ua hana ʻia kēia mau mea a pau i kō ai nā Palapala a ka poʻe kāula.” A laila, haʻalele ihola nā haumāna a pau iā ia, a holo akula.

KA ʻEUANELIO I KĀKAU ʻIA AI E MAREKO 12:36

“No ka mea, ʻōlelo maila ʻo Dāvida ma ka ʻUhane Hemolele, ‘«ʻŌlelo maila ʻo Iēhova i koʻu Haku, “E noho mai ʻoe ma koʻu lima ʻākau, A hoʻolilo aku ai au i kou ʻenemi i keʻehana wāwae nou».”’

KA ʻEUANELIO I KĀKAU ʻIA AI E MAREKO 14:43

¶ I kāna ʻōlelo ʻana, hele koke maila ʻo Iuda, kekahi o ka poʻe ʻumikumamālua, a me ia nō nā kānaka he nui loa, me nā pahi kaua, a me nā newa, na ka poʻe kāhuna nui mai, a me ka poʻe kākau ʻōlelo, a me ka poʻe lunakahiko.

KA ʻEUANELIO I KĀKAU ʻIA AI E LUKA 22:47

¶ A iā ia e ʻōlelo ana, aia hoʻi, ka lehulehu, a ʻo ka mea i kapa ʻia ʻo Iuda, ʻo kekahi o ka poʻe ʻumikumamālua, hele aʻe ia ma mua o lākou, a hoʻokokoke nō ia i o Iesū lā e honi iā ia.

KA ʻEUANELIO I KĀKAU ʻIA AI E IOANE 10:35

“Inā i kapa mai ʻo ia iā lākou he mau akua, ka poʻe i loaʻa iā lākou ka ʻōlelo a ke Akua, ʻaʻole hoʻi i hewa ka Palapala Hemolele;

KA ʻEUANELIO I KĀKAU ʻIA AI E IOANE 13:18

“ʻAʻole no ʻoukou a pau kaʻu e ʻōlelo nei; ua ʻike nō au i nā mea aʻu i wae ai; akā, i kō ai ka Palapala Hemolele, ‘«ʻO ka mea e ʻai pū ana i ka berena me aʻu, ua kaʻikaʻi ʻo ia i kona kuʻekuʻe wāwae iaʻu».’

KA ʻEUANELIO I KĀKAU ʻIA AI E IOANE 17:12

“I koʻu noho pū ʻana me lākou ma kēia ao, ua mālama au iā lākou ma kou inoa; ua kiaʻi aku au i ka poʻe āu i hāʻawi mai ai iaʻu, ʻaʻole kekahi o lākou i make, ʻo ke keiki no ka make wale nō, i kō ai ka Palapala Hemolele.

KA ʻEUANELIO I KĀKAU ʻIA AI E IOANE 19:36

No ka mea, ua hana ʻia kēia mau mea, i kō ai ka Palapala Hemolele, “«ʻAʻole e uhaʻi ʻia kekahi iwi ona».”

NĀ ʻOIHANA A KA POʻE LUNAʻŌLELO 1:20

“No ka mea, ua palapala ʻia ma ka Buke Halelū, ‘«E lilo kona hale i neoneo, ʻAʻole loa kekahi e noho i laila»; a, ‘«E lawe hoʻi kekahi i kāna ʻoihana».’

NĀ ʻOIHANA A KA POʻE LUNAʻŌLELO 13:15

A ma hope o ka heluhelu ʻana o ke Kānāwai a me kā nā Kāula, kiʻi aʻela nā luna o ka hale hālāwai iā lāua, ʻī aʻela, “E nā kānaka, nā hoahānau, inā iā ʻolua kekahi ʻōlelo hoʻoikaika no nā kānaka, ʻeā, e ʻōlelo mai.”

NĀ ʻOIHANA A KA POʻE LUNAʻŌLELO 13:38

“No ia mea, e ʻike pono ʻoukou, e nā kānaka, nā hoahānau, ma ona lā, ua haʻi ʻia aku iā ʻoukou ke kala ʻana o ka hala.

NĀ ʻOIHANA A KA POʻE LUNAʻŌLELO 15:13

Ma hope iho i ko lāua oki ʻana, a laila ʻōlelo maila ʻo Iakobo, ʻī maila, “E nā kānaka, nā hoahānau, e hoʻolohe mai iaʻu.

NĀ ʻOIHANA A KA POʻE LUNAʻŌLELO 15:7

Nui loa ihola ka hoʻopaʻapaʻa, a laila, kū maila ʻo Petero, ʻī maila iā lākou, “E nā kānaka, nā hoahānau, ua ʻike nō ʻoukou i nā lā ma mua, wau nō ko kākou mea a ke Akua i wae ai, i lohe ko nā ʻāina ʻē i ka ʻōlelo maikaʻi ma koʻu waha, a e manaʻoʻiʻo mai.

NĀ ʻOIHANA A KA POʻE LUNAʻŌLELO 2:23

ua hāʻawi ʻia mai ia ma muli o ka manaʻo kūpaʻa a me ka ʻike mua o ke Akua, na ʻoukou ia i hopu, a, me nā lima hewa, i kau ai i ke keʻa a make ia.

NĀ ʻOIHANA A KA POʻE LUNAʻŌLELO 2:37

¶ A lohe lākou i kēia, walania ihola ko lākou naʻau, ʻī akula iā Petero, a i nā lunaʻōlelo, “E nā kānaka, nā hoahānau, he aha kā mākou e hana ai?”

NĀ ʻOIHANA A KA POʻE LUNAʻŌLELO 22:1

¶ “E nā kānaka, nā hoahānau, a me nā mākua, e hoʻolohe mai ʻoukou i kaʻu ʻōlelo hoʻākāka iā ʻoukou.”

NĀ ʻOIHANA A KA POʻE LUNAʻŌLELO 23:1

¶ Haka pono maila ʻo Paulo i ka ʻAha Luna Kānāwai, ʻī maila, “E nā kānaka, nā hoahānau, ua noho kupa wau me ka lunaʻikehala maikaʻi wale nō i ke Akua a hiki mai nei i kēia lā.”

NĀ ʻOIHANA A KA POʻE LUNAʻŌLELO 23:6

A ʻike akula ʻo Paulo, he poʻe Sadukaio kekahi o lākou, a he poʻe Parisaio kekahi, a laila hea akula ia ma ka ʻAha Luna Kānāwai, “E nā kānaka, nā hoahānau, he Parisaio wau, he keiki na kekahi Parisaio; a no ka manaʻolana i ke ala hou ʻana o ka poʻe make, ua hoʻokolokolo ʻia mai nei au!”

NĀ ʻOIHANA A KA POʻE LUNAʻŌLELO 28:17

¶ A hala nā lā ʻekolu, hoʻākoakoa ihola ʻo Paulo i ka poʻe koʻikoʻi o nā Iudaio. A pau lākou i ka hoʻākoakoa ʻia, ʻī akula ia iā lākou, “E nā kānaka, nā hoahānau, ʻaʻole au i hana i kekahi mea i kūʻēʻē i nā kānaka, a me nā ʻaoʻao o nā mākua; akā ua hāʻawi paʻa ʻia akula au ma Ierusalema i nā lima o ko Roma.

NĀ ʻOIHANA A KA POʻE LUNAʻŌLELO 28:25

A i ka like pū ʻole ʻana o ko lākou manaʻo kekahi i kekahi, hele aku lākou, ma hope iho o ka haʻi ʻana aku o Paulo i kahi ʻōlelo hou; “Pololei wale ka ʻōlelo a ka ʻUhane Hemolele, ma o ʻIsaia lā, ʻo ke kāula, i ko kākou poʻe kūpuna,

NĀ ʻOIHANA A KA POʻE LUNAʻŌLELO 7:2

¶ ʻĪ maila kēlā, “E nā kānaka, nā hoahānau, a me nā mākua, e hoʻolohe mai; ua ʻikea mai ke Akua nani e ko kākou kupuna e ʻAberahama, i kona noho ʻana ma Mesopotamia, i ka wā ma mua aku o kona noho ʻana ma Harana;

ʻO KA ʻEPISETOLE HOʻOLAHA MUA A PETERO 1:11

Ua ʻimi nui nō lākou i ka mea a me ka manawa a ka ʻUhane o Kristo i haʻi mai ai i loko o lākou, i kona hōʻike mua ʻana mai i ka hōʻino ʻia ʻo Kristo, a me ka hoʻonani ʻia, ma hope o kēia mau mea.

ʻO KA ʻEPISETOLE HOʻOLAHA ʻALUA A PETERO 1:21

No ka mea, i ka wā kahiko, ʻaʻole no ka manaʻo o kānaka, kā nā kāula; akā, ua ʻōlelo mai ua kanaka hemolele o ke Akua i ka uluhia mai e ka ʻUhane Hemolele.

ʻO KA ʻEPISETOLE HOʻOLAHA ʻALUA A PETERO 2:21

Inā ua ʻike ʻole lākou i ka ʻaoʻao o ka pono, e aho nō ia, ma mua o ko lākou ʻike ʻana, a ma hope iho haʻalele i ka ʻōlelo hemolele i hāʻawi ʻia mai na lākou.