ʻO KA ʻEPISETOLE LUA A PAULO KA LUNAʻŌLELO IĀ TIMOTEO 4:17 - Ka Baibala Hemolele

¹⁷ Akā hoʻi, ʻo ka Haku kai kū mai me aʻu; a ua kōkua mai hoʻi iaʻu, i hōʻoiaʻiʻo nui ʻia aku ma oʻu lā ka haʻi ʻana aku o kāna ʻōlelo, i lohe mai nō hoʻi nā lāhui kanaka a pau; a ua hoʻopakele ʻia mai hoʻi au i ka waha o ka liona.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 4:17 Iomraidhean Croise

KA BUKE O NĀ HALELŪ 109:31

No ka mea, e kū mai auaneʻi ʻo ia ma ka lima ʻākau o ka mea hune, E hoʻopakele i kona ʻuhane mai ka poʻe hoʻohewa iā ia.

KA BUKE O NĀ HALELŪ 22:21

E hoʻōla mai ʻoe iaʻu i ka waha o ka liona; Ua lohe mai ʻoe iaʻu ma nā hao o nā reʻema.

NĀ ʻŌLELO AKAMAI A SOLOMONA 20:2

He uō ʻana me he liona lā, ka weliweli i ke aliʻi; ʻO ka mea hoʻonāukiuki iā ia, hōʻeha nō ʻo ia i kona ʻuhane iho.

NĀ ʻŌLELO AKAMAI A SOLOMONA 28:15

ʻO ka liona uō a me ka bea holoholo, ʻO ia ke aliʻi hewa ma luna o nā kānaka ʻilihune.

KA WĀNANA A ʻISAIA 41:10

‘Mai makaʻu ʻoe; no ka mea, ʻo wau pū nō me ʻoe; Mai weliweli hoʻi; no ka mea, ʻo wau nō kou Akua. Naʻu nō i hoʻoikaika aku iā ʻoe, A naʻu hoʻi ʻoe i kōkua aku; Ua hoʻokūpaʻa aku au iā ʻoe i ka lima ʻākau o koʻu pono.’

KA WĀNANA A ʻISAIA 41:14

“Mai makaʻu, e ka ʻenuhe, e Iakoba ē, ʻO ʻoukou nō hoʻi, e nā kānaka o kā ʻIseraʻela; Naʻu nō ʻoe e kōkua aku,” wahi a Iēhova, kou Hoʻōla Pānaʻi, Ka Mea Hemolele hoʻi o kā ʻIseraʻela.

KA WĀNANA A IEREMIA 2:30

“Ua makehewa koʻu paʻipaʻi ʻana i kā ʻoukou poʻe keiki; ʻAʻole i loaʻa iā lākou ka naʻauao. Na kā ʻoukou pahi kaua nō i hoʻopau i ko ʻoukou poʻe kāula, E like me ka liona luku.

KA BUKE NO DANIʻELA 6:22

“Ua hoʻouna mai koʻu Akua i kona ʻānela e hoʻopaʻa mai i ka waha o nā liona, i ʻole e hōʻeha mai lākou iaʻu; no ka mea, i mua ona ʻaʻole hala i loko oʻu, ʻaʻole nō hoʻi au i hana ʻino aku iā ʻoe, e ke aliʻi.”

KA BUKE NO DANIʻELA 6:27

“Ke hoʻopakele mai nei ʻo ia, a hoʻōla mai nō hoʻi, ke hana mai nei ʻo ia i nā hana mana, a me nā mea kupaianaha Ma ka lani a ma ka honua, ʻO ia kai hoʻopakele mai iā Daniʻela mai ka ikaika o nā liona mai.”

KA ʻEUANELIO I KĀKAU ʻIA AI E MATAIO 10:19

“Aia hāʻawi ʻia aku ʻoukou, mai manaʻo nui i kā ʻoukou e ʻōlelo aku ai; no ka mea, e hāʻawi ʻia aku iā ʻoukou i kēlā manawa kā ʻoukou mea e ʻōlelo aku ai.

KA ʻEUANELIO I KĀKAU ʻIA AI E LUKA 1:1

¶ No ka mea, he nui ka poʻe i hoʻāʻo i ka hoʻoponopono i ka moʻoʻōlelo no nā mea i hana ʻia i waena o mākou,

KA ʻEUANELIO I KĀKAU ʻIA AI E LUKA 21:15

“No ka mea, e hāʻawi aku au i waha no ʻoukou a me ke akamai, ʻaʻole e hiki i ko ʻoukou poʻe ʻenemi a pau ke hoʻopohala, ʻaʻole hoʻi ke pale aʻe.

NĀ ʻOIHANA A KA POʻE LUNAʻŌLELO 23:11

¶ A ia pō iho, kū maila ka Haku i mua ona, ʻī maila, “E hoʻolana ʻoe, e Paulo; no ka mea, e like me kou hōʻike ʻana aku iaʻu ma Ierusalema nei, pēlā nō hoʻi ʻoe e hōʻike aku ai iaʻu ma Roma.”

NĀ ʻOIHANA A KA POʻE LUNAʻŌLELO 9:15

ʻĪ maila ka Haku iā ia, “Ō hele; no ka mea, he ipu i koho ʻia naʻu ʻo ia nei, e lawe aku ai i koʻu inoa i mua o ko nā ʻāina ʻē, a me nā aliʻi, a me nā mamo a ʻIseraʻela.

ʻO KA ʻEPISETOLE A PAULO KA LUNAʻŌLELO I KO ROMA 15:31

i hoʻopakele ʻia ai au i ka poʻe manaʻoʻiʻo ʻole ma Iudea, a i ʻoluʻolu hoʻi ka poʻe haipule i koʻu kōkua ʻana no Ierusalema;

ʻO KA ʻEPISETOLE LUA A PAULO KA LUNAʻŌLELO I KO KORINETO 12:9

ʻĪ maila kēlā iaʻu, “Ua lawa kuʻu lokomaikaʻi nou; no ka mea, ma ka nāwaliwali ka hoʻomaopopo ʻana o koʻu mana.” No ia hoʻi, e kaena aku au me ka ʻoluʻolu i kuʻu nāwaliwali, i kau mai ai ka mana o Kristo ma luna iho oʻu.

ʻO KA ʻEPISETOLE A PAULO KA LUNAʻŌLELO I KO ʻEPESO 3:8

Ua hāʻawi ʻia mai kēia lokomaikaʻi iaʻu, i ka mea ʻuʻuku iho o nā haipule ʻuʻuku loa a pau, e haʻi aku ai au i nā lāhui kanaka ʻē i ka waiwai kupanaha o Kristo;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:12

¶ He aloha koʻu iā Kristo Iesū i ko kākou Haku i ka Mea i hoʻoikaika mai iaʻu; no ka mea, ua manaʻo mai ʻo ia e kūpaʻa ana au, a ua hoʻolilo mai iaʻu no kēia ʻoihana;

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 2:1

¶ ʻO ʻoe hoʻi, e kaʻu keiki, e hoʻoikaika ma ka pono i loko o Kristo Iesū.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 2:9

Ka Mea aʻu i loʻohia ai i ka ʻino a me ka paʻa ʻana, me he kanaka hewa lā; akā, ʻaʻole i hoʻopeʻa ʻia ka ʻōlelo a ke Akua.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 3:11

A me ka hoʻomaʻau ʻia a me ka ʻehaʻeha, me ia i loaʻa iaʻu ma ʻAnetioka, ma ʻIkonio, ma Lusetera, nā hoʻomaʻau ʻana aʻu i hoʻomanawanui ai; akā, ua hoʻōla mai ka Haku iaʻu mai loko mai o ua mau mea lā a pau!

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 4:5

Akā, e kiaʻi ʻoe ma nā mea a pau, e hoʻomanawanui i ka pōpilikia, e hana i ka ʻoihana a ke kahuna haʻi ʻeuanelio, a e hōʻoiaʻiʻo loa aku i kāu ʻoihana.

ʻO KA ʻEPISETOLE A PAULO IĀ TITO 1:3

a i kona manawa pono hoʻi, ua hōʻike i kāna ʻōlelo, ma ka haʻiʻōlelo ʻana, i kauoha ʻia mai iaʻu ma ke kauoha a ko kākou Ola a ke Akua.

ʻO KA ʻEPISETOLE A PAULO KA LUNAʻŌLELO I KO HEBERA 11:33

ka poʻe nāna ma ka manaʻoʻiʻo i hoʻopio ai i nā aupuni, i hoʻopaʻi ai hoʻi ma ka pono i loaʻa ai hoʻi he mau pono i haʻi mua ʻia mai, i papani ai hoʻi i nā waha o nā liona,

ʻO KA ʻEPISETOLE HOʻOLAHA MUA A PETERO 5:8

E kūoʻo, a e makaʻala; no ka mea, e like me ka liona uō, pēlā nō e holoholo nei ko ʻoukou ʻenemi, ʻo ka diabolō, e ʻimi ana i kāna mea e ale ai.

ʻO KA ʻEPISETOLE HOʻOLAHA ʻALUA A PETERO 2:9

ua ʻike nō ka Haku e hoʻopakele aʻe i ka poʻe haipule mai ka hoʻowalewale ʻia aʻe, a e hoʻāna ʻē hoʻi i ka poʻe hewa, no ka lā hoʻokolokolo i hoʻopaʻi ʻia mai lākou.

KA BUKE MUA A SAMUʻELA 17:37

ʻĪ akula hoʻi ʻo Dāvida, “ʻO Iēhova, ka mea nāna au i hoʻopakele mai ka wāwae aku o ka liona, a mai ka wāwae aku o ka bea, nāna nō au e hoʻopakele mai ka lima aku o kēia kanaka Pilisetia.” ʻĪ maila ʻo Saula iā Dāvida, “Ō hele, ʻo Iēhova pū kekahi me ʻoe!”