ʻO KA ʻEPISETOLE LUA A PAULO KA LUNAʻŌLELO IĀ TIMOTEO 3:15 - Ka Baibala Hemolele

¹⁵ A, mai kou wā kamaliʻi ʻuʻuku mai, ua ʻike ʻoe i ka Palapala Hemolele, i ka mea e hiki iā ia ke hoʻonaʻauao iā ʻoe e ola ai, ma ka manaʻoʻiʻo i loko o Kristo Iesū.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 3:15 Iomraidhean Croise

KA BUKE ʻALUA O KA ʻOIHANA ALIʻI 34:3

I ka makahiki ʻewalu o kona aliʻi ʻana, i kona wā ʻōpiopio nō, hoʻomaka ihola ia e ʻimi i ke Akua o Dāvida, ʻo kona kupuna; a i ka makahiki ʻumikumamālua, hoʻomaka ihola ia e hoʻokaʻawale, mai kā Iuda a me ko Ierusalema aku, i nā wahi kiʻekiʻe, a me nā kiʻi no ʻAsetarota, a me nā kiʻi i kālai ʻia, a me nā kiʻi i hoʻoheheʻe ʻia.

KA BUKE O NĀ HALELŪ 19:7

¶ ʻO ke kānāwai o Iēhova, he hemolele nō ia, e hoʻohuli ana i ka ʻuhane; ʻO ka ʻōlelo a Iēhova, he ʻoiaʻiʻo nō ia, e hoʻonaʻauao ana i ka mea naʻaupō.

KA BUKE O NĀ HALELŪ 71:17

¶ E ke Akua, ua aʻo mai ʻoe iaʻu mai koʻu wā ʻōpiopio; A ua haʻi aku au i kāu mau hana kupanaha a hiki i kēia wā.

NĀ ʻŌLELO AKAMAI A SOLOMONA 22:6

E aʻo aku i ke kamaliʻi i kona ʻaoʻao, A ʻelemakule ʻo ia, ʻaʻole ia e huli aʻe mai laila aku.

NĀ ʻŌLELO AKAMAI A SOLOMONA 8:17

“He aloha koʻu i ka poʻe e aloha mai iaʻu; ʻO ka poʻe ʻimi pono mai, ʻo lākou ke loaʻa iaʻu.

KE KAHUNA 12:1

¶ E hoʻomanaʻo ʻoe i kou Mea nāna i hana, i nā lā o kou noho ʻōpiopio ʻana; ʻoi hiki ʻole mai nā lā ʻino, a hoʻokokoke ʻole ʻia mai nā makahiki āu e ʻōlelo ai, “ʻAʻole oʻu ʻoluʻolu i kēia mau mea”;

KA BUKE NO DANIʻELA 10:21

“Akā, e hōʻike aku au iā ʻoe i nā mea i kākau ʻia ma ka palapala ʻoiaʻiʻo; ʻaʻohe mea e kōkua mai iaʻu ma kēia mau mea, ʻo Mikaʻela wale nō ʻo kou aliʻi.

KA ʻEUANELIO I KĀKAU ʻIA AI E MATAIO 22:29

ʻŌlelo akula ʻo Iesū iā lākou, ʻī akula, “Ua lalau ʻoukou, i ka ʻike ʻole i ka Palapala Hemolele, a me ka mana o ke Akua.

KA ʻEUANELIO I KĀKAU ʻIA AI E LUKA 1:15

“No ka mea, e nui auaneʻi ʻo ia i mua o ka Haku; ʻaʻole ia e inu i ka waina, ʻaʻole hoʻi i ka mea ʻawaʻawa; e piha nō hoʻi ia i ka ʻUhane Hemolele, mai ka ʻōpū mai o kona makuahine.

KA ʻEUANELIO I KĀKAU ʻIA AI E LUKA 2:40

A nui aʻela ua Keiki lā, a ikaika aʻela hoʻi kona manaʻo, a piha i ka naʻauao, a ma luna ona ke aloha o ke Akua.

KA ʻEUANELIO I KĀKAU ʻIA AI E LUKA 24:27

A laila wehewehe maila ʻo ia i nā Palapala Hemolele iā lāua, maiā Mose mai a pau nā kāula i nā mea a pau i kākau ʻia nona iho.

KA ʻEUANELIO I KĀKAU ʻIA AI E LUKA 24:32

A ʻōlelo aʻela kekahi i kekahi, “ʻAʻole anei i mehana ko kāua naʻau i loko o kāua, i kona kamaʻilio ʻana me kāua ma ke alanui, a i kona hoʻomōakāka ʻana mai i ka Palapala Hemolele?”

KA ʻEUANELIO I KĀKAU ʻIA AI E LUKA 24:45

A laila wehewehe ihola ʻo ia i ko lākou manaʻo i hoʻomaopopo lākou i nā Palapala Hemolele,

KA ʻEUANELIO I KĀKAU ʻIA AI E IOANE 5:47

“Akā, i ʻole ʻoukou e manaʻoʻiʻo i kāna mau palapala, pehea lā ʻoukou e manaʻoʻiʻo ai i kaʻu mau ʻōlelo.”

NĀ ʻOIHANA A KA POʻE LUNAʻŌLELO 10:43

“Ua hōʻike maopopo mai ka poʻe kāula a pau nona, e loaʻa ke kala ʻana o ka hala ma kona inoa, i ka poʻe a pau i manaʻoʻiʻo iā ia.”

NĀ ʻOIHANA A KA POʻE LUNAʻŌLELO 13:29

“A pau aʻela nā mea i palapala ʻia nona, i ka hoʻokō ʻia e lākou, lawe maila lākou iā ia, mai ka lāʻau mai, a waiho ma loko o ka hale kupapaʻu.

NĀ ʻOIHANA A KA POʻE LUNAʻŌLELO 16:1

¶ A hele akula ia i Derebe a me Lusetera; aia hoʻi, ma laila kekahi haumāna, ʻo Timoteo kona inoa, he keiki ia na kekahi wahine Iudaio i manaʻoʻiʻo; a ʻo kona makua kāne hoʻi he Helene.

NĀ ʻOIHANA A KA POʻE LUNAʻŌLELO 17:2

Komo akula ʻo Paulo i o lākou lā, e like me kona ʻaoʻao mau, a ʻekolu Sābati āna i kamaʻilio aku ai iā lākou, ma ka Palapala Hemolele;

NĀ ʻOIHANA A KA POʻE LUNAʻŌLELO 26:24

¶ A i kāna hoʻākāka ʻana pēlā i kona iho, ʻī aʻela ʻo Peseto me ka leo nui, “E Paulo, ua hehena ʻoe; na nā palapala he nui ʻoe i hoʻolilo ai i hehena.”

ʻO KA ʻEPISETOLE A PAULO KA LUNAʻŌLELO I KO ROMA 1:2

Āna i hōʻike ʻē mai ai ma mua ma kāna poʻe kāula, ma loko o nā Palapala Hemolele,

ʻO KA ʻEPISETOLE A PAULO KA LUNAʻŌLELO I KO ROMA 16:26

ʻānō lā, ua hoʻākāka ʻia mai ia e nā Palapala a nā kāula, ma ke kauoha a ke Akua mau, ua hōʻike ʻia mai i nā lāhui kanaka a pau i hoʻolohe ʻia ai ka manaʻoʻiʻo;

ʻO KA ʻEPISETOLE A PAULO KA LUNAʻŌLELO I KO ROMA 2:27

A ʻo ka mea i mālama i ke Kānāwai ma muli o kona hānau ʻana a me ke ʻoki poepoe ʻole, e hoʻāhewa ʻo ia iā ʻoe i ka mea i loaʻa ka palapala a me ke ʻoki poepoe ʻia, a i lilo hoʻi i mea haʻihaʻi i ke Kānāwai.

ʻO KA ʻEPISETOLE MUA A PAULO KA LUNAʻŌLELO I KO KORINETO 1:21

No ka mea, i ke akamai o ke Akua, ʻaʻole i ʻike aku ko ke ao nei i ke Akua, ma ko lākou naʻauao ʻana; a laila manaʻo ihola ke Akua, ma ka lapuwale o ka haʻiʻōlelo ʻana, e hoʻōla i ka poʻe manaʻoʻiʻo.

ʻO KA ʻEPISETOLE A PAULO KA LUNAʻŌLELO I KO ʻEPESO 6:4

ʻOukou hoʻi, e nā mākua, mai hoʻonāukiuki aku i nā keiki a ʻoukou; akā, e alakaʻi iā lākou ma ka hoʻopono a me ka hoʻonaʻauao a ka Haku.

KA BUKE ʻALIMA A MOSE, I KAPA ʻIA KĀNĀWAI LUA 4:6

“E mālama hoʻi ʻoukou, a e hana aku; no ka mea, ʻo ko ʻoukou naʻauao kēia, a me ko ʻoukou ʻike i mua o nā lāhui kanaka, ka poʻe e lohe i kēia mau kānāwai a pau, a e ʻī aʻe lākou, ‘He ʻoiaʻiʻo, ʻo kēia lāhui kanaka nui, he poʻe kānaka naʻauao a me ka ʻike.’

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 4:13

Eia kāu e hana ai a hiki wale aku au, ʻo ka heluhelu Palapala, ʻo ka hoʻoikaika aku, a me ke aʻo aku.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 1:1

¶ Na Paulo, he lunaʻōlelo na Iesū Kristo ma ka makemake o ke Akua, ma muli o ka ʻōlelo mua no ke ola i loko o Kristo Iesū,

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 1:5

I koʻu hoʻomanaʻo ʻana hoʻi i ka paulele hoʻokamani ʻole i loko ou, i ka mea i noho mua ai i loko o kou kupuna wahine ʻo Loisa, a me kou makuahine ʻo ʻEunike; a ke manaʻo nei hoʻi au i loko ou kekahi.

ʻO KA ʻEPISETOLE HOʻOLAHA ʻALUA A PETERO 3:16

No ka mea, ma ia mau palapala a pau, ua ʻōlelo nō ia i kēia mau mea; he pohihihi nō hoʻi kekahi mau mea ma ia palapala, ua kāpae hoʻi ka poʻe hoʻonaʻaupō a me ka poʻe kū kāpekepeke, ia ʻōlelo e like me kā lākou hana ʻana i ka ʻŌlelo Hemolele a pau, i mea e make ai lākou.

KA HŌʻIKE ʻANA A IOANE KA HAIPULE 19:10

A moe ihola au i lalo i kona wāwae e hoʻomana iā ia. ʻĪ mai kēlā iaʻu, “Uoki kāu; ʻo wau nō kou hoa kauā, kekahi o kou poʻe hoahānau e hōʻike ana iā Iesū; e hoʻomana i ke Akua; no ka mea, ʻo ka ʻuhane iā ia ka wānana, ʻo ia kai hōʻike iā Iesū.”

KA BUKE MUA A SAMUʻELA 2:18

¶ Akā ʻo Samuʻela, he keiki, lawelawe nō ia i mua o Iēhova, i kāʻei ʻia i ka ʻēpoda olonā.