ʻO KA ʻEPISETOLE LUA A PAULO KA LUNAʻŌLELO IĀ TIMOTEO 2:2 - Ka Baibala Hemolele

² A ʻo nā mea āu i lohe mai ai iaʻu ma nā mea hōʻike he lehulehu, ʻo ia kāu e kauoha aku ai i nā kānaka kūpaʻa, i ka poʻe mākaukau hoʻi i ke aʻo aku iā haʻi.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 2:2 Iomraidhean Croise

KA BUKE A ʻEZERA 7:10

No ka mea, ua hoʻomākaukau ʻo ʻEzera i kona naʻau e ʻimi i ke Kānāwai o Iēhova, a e hana aku hoʻi, a e aʻo aku i loko o kā ʻIseraʻela i ke kānāwai, a me ka ʻōlelo kūpaʻa.

KA BUKE A ʻEZERA 7:25

“A ʻo ʻoe, e ʻEzera, ma ka naʻauao o kou Akua, ka mea ma kou lima, e hoʻonoho i nā luna, a i nā luna kānāwai, nā mea e hoʻoponopono i nā kānaka a pau ma kēlā ʻaoʻao o ka Muliwai, i nā mea a pau i ʻike i nā kānāwai o kou Akua, a e aʻo aku i ka poʻe ʻike ʻole.

KA BUKE A NEHEMIA 7:2

A laila, kauoha akula au iā Hanani i koʻu hoahānau a me Hanania ka luna o ka pā kaua, no Ierusalema; no ka mea, he kanaka pololei nō ia, a ua ʻoi aku kona makaʻu i ke Akua ma mua o ko nā mea ʻē aʻe he nui loa.

KA BUKE O NĀ HALELŪ 101:6

¶ Aia nō koʻu mau maka ma ka poʻe ʻoiaʻiʻo o ka ʻāina, I noho mai ai lākou me aʻu. ʻO ka mea hele ma ka ʻaoʻao o ka pono, Nāna nō e hoʻokauā mai naʻu.

NĀ ʻŌLELO AKAMAI A SOLOMONA 13:17

ʻO ke kūkini hewa, hāʻule ʻo ia i ka lalau, ʻO ka ʻelele ʻoiaʻiʻo hoʻi, ʻo ia ka mea e pono ai.

KA WĀNANA A IEREMIA 23:28

“ʻO ke kāula moeʻuhane, e haʻi aʻe ʻo ia i ka moeʻuhane; a ʻo ka mea iā ia kaʻu ʻōlelo, e haʻi pololei ʻo ia i kaʻu ʻōlelo. He aha ke ʻaʻa i ka palaoa,” wahi a Iēhova?

KA BUKE ʻAKOLU A MOSE, I KAPA ʻIA ʻOIHANA KAHUNA 14:42

“A e lawe lākou i nā pōhaku hou a hahao ma kahi o kēlā mau pōhaku; a e lawe ʻo ia i ka puna hou e hamo i ka hale.

MALAKI 2:7

“No ka mea, he pono nō e mālama nā lehelehe o ke kahuna i ka naʻauao, a e ʻimi ʻia ke kānāwai ma kona waha; no ka mea, ʻo ia ka ʻelele o Iēhova o nā kaua.

KA BUKE ʻAHĀ A MOSE, I KAPA ʻIA NĀ HELU 12:7

“ʻAʻole naʻe pēlā kaʻu kauā ʻo Mose; Ka mea mālama pono ma koʻu hale a pau.

KA ʻEUANELIO I KĀKAU ʻIA AI E MATAIO 13:52

ʻŌlelo maila kēlā iā lākou, “No ia mea, kēlā kākau ʻōlelo kēia kākau ʻōlelo i aʻo ʻia i nā mea o ke aupuni o ka lani, ua like nō ia me ke kanaka mea hale, nāna i lawe mai nā mea hou a me nā mea kahiko mai loko mai o kona waihona waiwai.”

KA ʻEUANELIO I KĀKAU ʻIA AI E MATAIO 24:25

“Aia hoʻi, ua haʻi ʻē au ma mua iā ʻoukou.

KA ʻEUANELIO I KĀKAU ʻIA AI E LUKA 12:42

A ʻōlelo maila ka Haku, “ʻO wai lā hoʻi ka puʻukū mālama pono me ke akamai e hoʻolilo ʻia aʻe e kona haku i luna no kona poʻe ʻōhua, e hāʻawi ma ka manawa pono, i kauwahi ʻai na lākou?

ʻO KA ʻEPISETOLE MUA A PAULO KA LUNAʻŌLELO I KO KORINETO 4:2

Eia hoʻi, ua kauoha ʻia mai nā puʻukū, i pololei lākou.

ʻO KA ʻEPISETOLE LUA A PAULO KA LUNAʻŌLELO I KO KORINETO 2:14

¶ E hoʻomaikaʻi ʻia aku ke Akua nāna mākou e hoʻolanakila mau mai i loko o Kristo, me ka hoʻolaha aku i ke ʻala o kona naʻauao i nā wahi a pau, ma o mākou nei.

ʻO KA ʻEPISETOLE LUA A PAULO KA LUNAʻŌLELO I KO KORINETO 3:5

ʻAʻole hoʻi e hiki iā mākou kekahi mea ma ko mākou noʻonoʻo ʻana, ʻo mākou wale; akā, ʻo ke Akua nō ko mākou mea e hiki ai.

ʻO KA ʻEPISETOLE A PAULO KA LUNAʻŌLELO I KO KOLOSA 1:7

E like me kā ʻoukou hoʻolohe ʻana iā ʻEpapera i ko māua hoa kauā aloha, i ko Kristo kahuna pule hoʻopono no ʻoukou;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:12

¶ He aloha koʻu iā Kristo Iesū i ko kākou Haku i ka Mea i hoʻoikaika mai iaʻu; no ka mea, ua manaʻo mai ʻo ia e kūpaʻa ana au, a ua hoʻolilo mai iaʻu no kēia ʻoihana;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:18

¶ ʻO kēia kauoha kaʻu e kauoha aku nei iā ʻoe, e ke keiki Timoteo, e like me nā wānana i haʻi mua ʻia mai nou, e kaua aku ʻoe no ia mau mea, i ke kaua maikaʻi;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 4:14

Mai waiho aku i kou haʻawina i loko ou, i hāʻawi ʻia mai nou, ma ka wānana, a me ke kau ʻana iho o nā lima o ka poʻe lunakahiko.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 4:6

¶ Inā, e paipai ʻoe i nēia mau mea i nā hoahānau, e lilo nō ʻoe i kahuna pule maikaʻi no Iesū Kristo, e hānai ʻia me ka hua ʻōlelo o ka manaʻoʻiʻo, a me ke aʻo maikaʻi ʻana i loaʻa pono iā ʻoe.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:22

Mai kau ālulu i nā lima ma luna iho o kekahi, ʻaʻole hoʻi e komo pū ʻoe i ko haʻi hala. E mālama iā ʻoe iho me ka maʻemaʻe.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 6:12

E paio aku i ka paio maikaʻi o ka manaʻoʻiʻo, e hoʻopaʻa aku i ke ola mau loa, i kou mea i koho ʻia mai ai, a e hōʻoia aku ai i ka hōʻoiaʻiʻo maikaʻi i mua o ke alo o nā hōʻike he lehulehu.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 3:10

Akā, ua ʻike paka ʻoe i kaʻu aʻo ʻana, noho ʻana, manaʻo ʻana, paulele ʻana, hoʻomanawanui ʻana, aloha ʻana, ahonui ʻana,

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 3:14

Akā hoʻi, e noho paʻa ʻoe ma nā mea āu i aʻo iho ai, a i manaʻoʻiʻo ai hoʻi, me ka ʻike aku i ka Mea nāna ʻoe i aʻo mai.

ʻO KA ʻEPISETOLE A PAULO KA LUNAʻŌLELO I KO HEBERA 2:17

No laila, ua pono e hoʻohālike loa ʻia ʻo ia me kona poʻe hoahānau, i lilo ai ia i kahuna nui aloha, a me ka hoʻopono ma nā mea no ke Akua, i hiki ai ia ka hoʻomalu ʻana no ka hewa o kānaka.

KA BUKE MUA A SAMUʻELA 2:35

‘A e hoʻokū auaneʻi au i kahuna pono naʻu, nāna e hana ka mea kū i koʻu manaʻo, a me koʻu naʻau; a naʻu nō e kūkulu i hale mau nona, a e hele mau loa nō ia i mua o koʻu mea i poni ʻia.