ʻO KA ʻEPISETOLE LUA A PAULO KA LUNAʻŌLELO I KO TESALONIKE 2:3 - Ka Baibala Hemolele

³ Mai puni ʻoukou i kekahi i kēlā mea a i kēia mea; no ka mea, e hiki ʻē mai ana nō ma mua ka hāʻule ʻana, a e hōʻike ʻia aʻe hoʻi ua kanaka lā o ka hewa, ke keiki o ka make;

ʻO KA ʻEPISETOLE LUA A PAULO KA LUNAʻŌLELO I KO TESALONIKE 2:3 Iomraidhean Croise

KA BUKE NO DANIʻELA 11:36

¶ “A ʻo ke aliʻi e hana nō ia ma muli o kona makemake iho; a e hoʻokiʻekiʻe iā ia iho ma luna o nā akua a pau, a e ʻōlelo i nā mea kupaianaha kūʻē i ke Akua o nā akua, a e pōmaikaʻi nō naʻe ia a hiki i ka pau ʻana o ka huhū ʻia mai; no ka mea, ʻo ka mea i hoʻopaʻa ʻia mai, e hoʻokō ʻia mai nō ia.

KA BUKE NO DANIʻELA 7:25

‘A e ʻōlelo ia i nā mea nui kūʻē i ka Mea Kiʻekiʻe, a e hoʻokaumaha aku ia i ka poʻe haipule o ka Mea Kiʻekiʻe Loa, a e manaʻo iho nō ia e hoʻokāhuli i nā manawa, a me nā kānāwai; a e hāʻawi ʻia ua mau mea i loko o kona lima, a hiki i ka manawa, a me kekahi manawa, a me ka mahele o ka manawa.

KA BUKE NO DANIʻELA 8:25

“A ma kona maʻalea hoʻi, E hoʻolanakila ʻo ia i ka hana maʻalea a kona lima; E hoʻokiʻekiʻe ʻo ia iā ia iho i loko o kona naʻau, A i ka wā maluhia, e luku aku ia i nā lehulehu; A e kūʻē nō hoʻi ia i ke Aliʻi o nā aliʻi; Akā, e okaoka liʻiliʻi nō ia me ka lima ʻole.

KA ʻEUANELIO I KĀKAU ʻIA AI E IOANE 17:12

“I koʻu noho pū ʻana me lākou ma kēia ao, ua mālama au iā lākou ma kou inoa; ua kiaʻi aku au i ka poʻe āu i hāʻawi mai ai iaʻu, ʻaʻole kekahi o lākou i make, ʻo ke keiki no ka make wale nō, i kō ai ka Palapala Hemolele.

ʻO KA ʻEPISETOLE MUA A PAULO KA LUNAʻŌLELO I KO KORINETO 6:9

ʻAʻole anei ʻoukou i ʻike, ʻaʻole e loaʻa ke aupuni o ke Akua i ka poʻe hewa? Mai kuhi hewa ʻoukou; ʻaʻole ka poʻe moe ipo, ʻaʻole ka poʻe hoʻomana kiʻi, ʻaʻole ka poʻe moe i kā haʻi, ʻaʻole ka poʻe moe aikāne, ʻaʻole ka poʻe sodomi,

ʻO KA ʻEPISETOLE A PAULO KA LUNAʻŌLELO I KO ʻEPESO 5:6

E ao o hoʻopunipuni mai kekahi iā ʻoukou i nā ʻōlelo wahaheʻe; no kēia mau mea e hiki mai ana ka inaina o ke Akua ma luna o nā keiki hoʻolohe ʻole.

ʻO KA ʻEPISETOLE HOʻOLAHA MUA A IOANE 2:18

¶ E nā kamaliʻi ʻuʻuku, eia ka hope o ka manawa. Me ko ʻoukou lohe ʻana i ka hiki ʻana mai o ʻAnikristo, pēlā nō e noho nei nā ʻanikristo he nui; no ia mea, ua ʻike nō kākou ʻo ka hope kēia o ka manawa.

ʻO KA ʻEPISETOLE HOʻOLAHA MUA A IOANE 4:3

ʻO kēlā ʻuhane ʻo kēia ʻuhane e hōʻoiaʻiʻo ʻole ana, ua hiki mai ʻo Iesū Kristo ma ke kino, ʻaʻole no ke Akua kēlā; a ʻo ko ʻAnikristo kēia a ʻoukou i lohe ai e hele mai ana; a eia mai nei i loko o ke ao nei i kēia manawa.

KA HŌʻIKE ʻANA A IOANE KA HAIPULE 17:11

“A ʻo ka holoholona, ka mea ma mua, ʻaʻole hoʻi i nēia wā, ʻo ia ka walu, a no nā mea ʻehiku nō hoʻi ia, a ke hele aku nei i ka make.

KA HŌʻIKE ʻANA A IOANE KA HAIPULE 17:8

“ʻO ka holoholona āu i ʻike ai, ma mua ia, i kēia wā hoʻi, ʻaʻole; a ma hope e piʻi mai nō ia mai loko mai o ka lua hohonu, a e hele ana i ka make. E kāhāhā hoʻi ka poʻe noho ma ka honua, ka poʻe ʻaʻole i kākau ʻia ko lākou inoa ma ka Buke o ke Ola mai ka hoʻokumu ʻana mai o ka honua, i ko lākou ʻike ʻana i ka holoholona, i ka mea ma mua, a i kēia wā ʻaʻole, a e noho ana hoʻi.