ʻO KA ʻEPISETOLE LUA A PAULO KA LUNAʻŌLELO I KO TESALONIKE 1:9 - Ka Baibala Hemolele

⁹ ʻO lākou ke hoʻopaʻi ʻia ʻana i ka make mau loa, mai ke alo mai o ka Haku a me kona mana nani;

ʻO KA ʻEPISETOLE LUA A PAULO KA LUNAʻŌLELO I KO TESALONIKE 1:9 Iomraidhean Croise

KA BUKE MUA A MOSE, I KAPA ʻIA KINOHI 3:8

¶ Lohe aʻela lāua i ka leo o Iēhova ke Akua, e holoholo ana ma ka mahina ʻai i ka wā malu o ka lā; peʻe ihola ʻo ʻAdamu me kāna wahine ma waena o nā lāʻau o ua mahina ʻai lā, mai ke alo aku o Iēhova ke Akua.

KA BUKE MUA A MOSE, I KAPA ʻIA KINOHI 4:16

¶ Hele akula ʻo Kaina mai ke alo aku o Iēhova, a noho ihola ma ka ʻāina ʻo Noda, ma ka hikina o ʻEdena.

KA BUKE NO IOBA 21:14

“A ʻōlelo iho lākou i ke Akua, ‘E hele ʻoe mai o mākou aku; A ʻo ka ʻike i kou mau ʻaoʻao, ʻaʻohe mākou makemake.

KA BUKE NO IOBA 22:17

“Ka poʻe i ʻōlelo aku i ke Akua, ‘E hele, mai o mākou aku! A he aha kā ka Mea Mana e hana mai ai no lākou?’

KA BUKE O NĀ HALELŪ 16:11

E hōʻike mai nō ʻoe iaʻu i ke kuamoʻo e ola ai; Inā nō ma kou alo ka nui wale o ka ʻoliʻoli; Ma kou lima ʻākau ka hauʻoli mau loa.

KA BUKE O NĀ HALELŪ 51:11

Mai kiola aʻe ʻoe iaʻu mai kou alo aʻe; ʻAʻole hoʻi e lawe aku i kou ʻUhane Hemolele mai oʻu aku nei.

KA WĀNANA A ʻISAIA 1:28

E luku pū ʻia ka poʻe kipi a me ka poʻe hewa, A e hoʻopau ʻia auaneʻi ka poʻe haʻalele iā Iēhova.

KA WĀNANA A ʻISAIA 2:10

E komo ʻoe i loko o ka pōhaku, e peʻe hoʻi i loko o ka lepo, No ka makaʻu iā Iēhova, a no ka nani hoʻi o kona hanohano.

KA WĀNANA A ʻISAIA 2:19

E komo hoʻi nā kānaka i loko o nā ana pōhaku a me nā lua o ka lepo, No ka makaʻu iā Iēhova, a no ka nani hoʻi o kona hanohano. Iā ia e kū ai i luna, e hoʻonāueue ai i ka honua.

KA WĀNANA A ʻISAIA 2:21

A hele lākou i loko o nā ana pōhaku, I loko hoʻi o nā lua ma ka pali paʻa, No ka makaʻu iā Iēhova, A no ka nani hoʻi o kona hanohano, Iā ia e kū ai i luna e hoʻonāueue ai i ka honua.

KA WĀNANA A ʻISAIA 33:14

Ua makaʻu ka poʻe hewa ma Ziona, Ua loʻohia ka poʻe ʻaiā i ka haʻalulu. “ʻO wai lā ka mea o kākou e hiki ke noho me ke ahi e hoʻopau ana? ʻO wai lā ka mea o kākou e hiki ke noho me ka wela mau loa?”

KA WĀNANA A ʻISAIA 66:24

“A e puka aku nō lākou i waho, a e nānā iho I nā kupapaʻu o nā kānaka i kipi mai iaʻu; No ka mea, ʻaʻole e make ko lākou ilo, ʻAʻole e pio ko lākou ahi, A e lilo nō lākou i mea hoʻopailua no nā mea ʻiʻo a pau.”

KA BUKE NO DANIʻELA 12:2

“A e ala mai auaneʻi nā mea he nui e hiamoe ana i loko o ka lepo o ka honua; ʻo kekahi poʻe, e ala lākou i ke ola mau loa, a ʻo kekahi poʻe i ka hilahila, a me ka hoʻowahāwahā mau loa ʻia.

KA ʻEUANELIO I KĀKAU ʻIA AI E MATAIO 16:27

“E hele mai nō ke Keiki a ke Kanaka i loko o ka nani o kona Makua me kona poʻe ʻānela; a laila ‹e uku aku ia i kēlā kanaka i kēia kanaka e like me kāna hana ʻana›.

KA ʻEUANELIO I KĀKAU ʻIA AI E MATAIO 22:13

“A laila, ʻī akula ua aliʻi lā i ka poʻe lawelawe, ‘E nakiki iho iā ia a paʻa ma nā wāwae a me nā lima, e lawe aku iā ia, a e hoʻolei aku i loko o ka pouli ma waho; i laila e uē ai a e ʻuī ai nā niho.’

KA ʻEUANELIO I KĀKAU ʻIA AI E MATAIO 24:30

“A laila, e ʻikea mai ai ka hōʻailona no ke Keiki a ke Kanaka ma ka lani; a e uē nā lāhui kanaka a pau o ka honua, aia ʻike lākou i «ke Keiki a ke Kanaka e hele mai ana ma luna o nā ao o ka lani», me ka mana a me ka nani nui.

KA ʻEUANELIO I KĀKAU ʻIA AI E MATAIO 25:41

“A laila, e ʻōlelo aʻe ia i ka poʻe ma ka lima hema, ‘E ka poʻe i ʻāhewa ʻia, haele ʻoukou pēlā mai oʻu aku nei i loko o ke ahi mau loa, i hoʻomākaukau ʻia no ka diabolō a me kona poʻe ʻānela.

KA ʻEUANELIO I KĀKAU ʻIA AI E MATAIO 25:46

“A ʻo kēia poʻe lā, e hele aku lākou i kahi make mau loa; akā, ʻo ka poʻe maikaʻi i loko o ke ola mau loa.”

KA ʻEUANELIO I KĀKAU ʻIA AI E MATAIO 26:24

“E hele aku ana ke Keiki a ke Kanaka, e like me ka mea i palapala ʻia nona; auē hoʻi ke kanaka nāna e kumakaia ke Keiki a ke Kanaka! Pōmaikaʻi ua kanaka lā, inā ʻaʻole i hānau ʻia mai ia.”

KA ʻEUANELIO I KĀKAU ʻIA AI E MATAIO 7:23

“A laila, e haʻi aku au iā lākou, ‘ʻAʻole au i ʻike iā ʻoukou; «e haele ʻoukou pēlā mai oʻu aku nei, e ka poʻe hana ʻino».’

KA ʻEUANELIO I KĀKAU ʻIA AI E LUKA 13:27

“A e ʻōlelo hou ia, ‘Ke ʻōlelo aku nei au iā ʻoukou, ʻaʻole au i ʻike iā ʻoukou i ko ʻoukou wahi i hele mai ai; «e hele aku ʻoukou mai oʻu aku nei, e ka poʻe hana hewa a pau».’

KA ʻEUANELIO I KĀKAU ʻIA AI E IOANE 5:14

Ma hope iho, ʻike maila ʻo Iesū iā ia i loko o ka luakini, ʻī maila iā ia, “Eia hoʻi, ua hoʻōla ʻia ʻoe; mai hana hewa hou aku, o loʻohia ʻoe e ka ʻino i ʻoi aku.”

KA BUKE ʻALIMA A MOSE, I KAPA ʻIA KĀNĀWAI LUA 33:2

ʻĪ akula, “Mai Sinai mai, i hele mai ai ʻo Iēhova, A mai Seira mai ia i puka mai ai ma luna o lākou; Mai ka mauna ʻo Parana ia i hoʻomālamalama mai, Ma waena mai o nā ʻumi tausani haipule ʻo ia i hele mai ai; Mai kona lima ʻākau aku ke kānāwai ahi no lākou.

ʻO KA ʻEPISETOLE A PAULO KA LUNAʻŌLELO I KO PILIPI 3:19

ʻo ka make ko lākou hope, ʻo ka ʻōpū hoʻi ko lākou akua, a ma ka mea hilahila ko lākou nani, ke manaʻo nei hoʻi lākou i nā mea o ka honua.)

ʻO KA ʻEPISETOLE MUA A PAULO KA LUNAʻŌLELO I KO TESALONIKE 5:3

A i ka wā e ʻōlelo ai lākou, “He pōmaikaʻi, he malu;” a laila, loʻohia koke ʻē mai lākou e ka make, me he haʻakokōhi lā o ka wahine hāpai; ʻaʻole hoʻi lākou e pakele.

ʻO KA ʻEPISETOLE LUA A PAULO KA LUNAʻŌLELO I KO TESALONIKE 2:8

A laila, e hōʻike ʻia mai ua hewa lā, ʻo kā ka Haku ia e kinai aku ai me ka hā o kona waha, a e luku ai hoʻi me ka ʻōlinolino nui o kona hiki ʻana mai.

ʻO KA ʻEPISETOLE A PAULO IĀ TITO 2:13

e kiaʻi ana hoʻi i ka manaʻolana e pōmaikaʻi ai, a me ka ʻikea nani ʻana mai o ke Akua nui a ʻo ko kākou Ola ʻo Iesū Kristo;

ʻO KA ʻEPISETOLE A PAULO KA LUNAʻŌLELO I KO HEBERA 10:29

He aha lā i ko ʻoukou manaʻo ka make ʻeha nui aku e manaʻo ʻia ana he pono; no ka mea, nāna i hehi ma lalo iho o ka wāwae i ke Keiki a ke Akua, me ka manaʻo i ke koko o ka berita āna i hoʻolaʻa ʻia ai he mea haumia, a me ka hoʻowahāwahā aku i ka ʻUhane lokomaikaʻi?

ʻO KA ʻEPISETOLE HOʻOLAHA ʻALUA A PETERO 2:17

He poʻe pūnāwai wai ʻole lākou, he poʻe ao lākou i lele ʻino i ka makani; no lākou i mālama ʻia ai ka pōʻeleʻele o ka pouli mau loa.

ʻO KA ʻEPISETOLE HOʻOLAHA ʻALUA A PETERO 3:7

Akā, ʻo ka lani, a me ka honua o kēia manawa, ma ia ʻōlelo hoʻokahi nō, ua hoʻāna ʻē ʻia no ke ahi, ua mālama ʻia hoʻi, no ka lā hoʻokolokolo a me ka make o nā kānaka ʻaiā.

ʻO KA ʻEPISETOLE HOʻOLAHA A IUDA 1:13

he mau ʻale o ke kai i kūpikipikiʻō, ke huahuaʻi aʻela i ko lākou hilahila iho; nā hōkū lele hoʻi; ua hoʻomākaukau ʻia no lākou ka pōʻeleʻele o ka pouli mau loa.

KA HŌʻIKE ʻANA A IOANE KA HAIPULE 20:11

¶ ʻIke akula au i ka noho aliʻi keʻokeʻo nui, a me ka Mea e noho ana i luna iho, holo akula ka honua a me ka lani mai kona alo aku; ʻaʻole i loaʻa hou kahi no lāua.

KA HŌʻIKE ʻANA A IOANE KA HAIPULE 20:14

Kiola ʻia akula ka Make a me ka Pō, i loko o ka loko o ke ahi; ʻo ia ka make ʻalua.

KA HŌʻIKE ʻANA A IOANE KA HAIPULE 21:8

“Akā, ʻo ka poʻe hopohopo, a me ka poʻe hoʻomaloka, a me ka poʻe i hoʻopailua ʻia, a me ka poʻe pepehi kanaka, a me ka poʻe moekolohe, a me ka poʻe hoʻopiʻopiʻo, a me ka poʻe hoʻomana kiʻi, a me ka poʻe hoʻopunipuni a pau, e loaʻa iā lākou ko lākou puʻu ma ka loko e ʻaʻā mau loa ana i ke ahi a me ka luaʻi pele; ʻo ia ka make ʻalua.”

KA HŌʻIKE ʻANA A IOANE KA HAIPULE 22:15

Aia ma waho, nā ʻīlio, a me nā mea hoʻopiʻopiʻo, a me nā moekolohe, a me nā pepehi kanaka, a me ka poʻe hoʻomana kiʻi, a me ka poʻe a pau i makemake a hana aku hoʻi ma ka wahaheʻe.