ʻO KA ʻEPISETOLE HOʻOLAHA ʻALUA A PETERO 3:7 - Ka Baibala Hemolele

⁷ Akā, ʻo ka lani, a me ka honua o kēia manawa, ma ia ʻōlelo hoʻokahi nō, ua hoʻāna ʻē ʻia no ke ahi, ua mālama ʻia hoʻi, no ka lā hoʻokolokolo a me ka make o nā kānaka ʻaiā.

ʻO KA ʻEPISETOLE HOʻOLAHA ʻALUA A PETERO 3:7 Iomraidhean Croise

KA BUKE O NĀ HALELŪ 102:26

“E pau auaneʻi lākou; akā, e mau loa ana nō ʻoe; E ʻelemakule nō lākou me he kapa lā; Akā, e hoʻomalule nō ʻoe iā lākou me he kapa hou lā.

KA BUKE O NĀ HALELŪ 50:3

E hele mai ana nō ko kākou Akua, ʻaʻole e noho wale; E ʻai nō hoʻi ke ahi i mua ona, A e ikaika mai ka ʻino a puni ia.

KA WĀNANA A ʻISAIA 51:6

“E ʻalawa aʻe i ko ʻoukou maka i luna a i ka lani, E nānā hoʻi ma ka honua ma lalo; E holo aku auaneʻi nā lani, e like me ka uahi, A e ʻāpulu nō hoʻi ka honua, me he lole lā, Pēlā nō e make ai ka poʻe e noho ana ma luna iho; Akā, e oia mau ana nō koʻu ola, ʻAʻole hoʻi e pau ana koʻu pono.

KA WĀNANA A ʻISAIA 66:15

No ka mea, aia hoʻi, e hele mai nō ʻo Iēhova me ke ahi, A me kona mau kaʻa kaua, e like me ka puahiohio, E hoʻihoʻi mai i kona huhū me ka ukiuki, A me kona pāpā ʻana, me nā lapalapa o ke ahi.

KA BUKE NO DANIʻELA 7:9

¶ “ʻIke akula au, A ua kau ʻia ihola nā noho aliʻi, A ua noho maila ka Makamua o nā Lā, Ua huali loa kona kapa e like me ka hau, A ʻo ka lauoho o kona poʻo ua like me ka hulu hipa maʻemaʻe; ʻO kona noho aliʻi, ua like ia me ka lapalapa ʻana o ke ahi, A ʻo kona mau kaʻa e like me ke ahi e ʻaʻā ana.

ZEPANIA 3:8

¶ “No ia mea, e kali ʻoukou iaʻu,” wahi a Iēhova, “A hiki i ka lā aʻu e kū aʻe ai i ka waiwai pio; No ka mea, ʻo kuʻu manaʻo nō e hōʻuluʻulu i nā lāhui kanaka, E hoʻākoakoa i ko nā aupuni, E ninini iho i kuʻu inaina ma luna o lākou, I ka wela a pau o koʻu huhū; No ka mea, e pau auaneʻi ka honua a pau I ke ahi o kuʻu lili.

MALAKI 4:1

¶ “No ka mea, aia hoʻi! Ke hele maila ka lā e ʻenaʻena ana me he umu ahi lā, i laila ʻo ka poʻe hoʻokiʻekiʻe a pau, a me ka poʻe hana ʻino, he mauʻu lākou; a e hoʻopau ua lā lā e hiki mai ana iā lākou,” wahi a Iēhova o nā kaua, “a e waiho ʻole ia i aʻa no lākou, ʻaʻole hoʻi lālā.

KA ʻEUANELIO I KĀKAU ʻIA AI E MATAIO 10:15

“He ʻoiaʻiʻo kaʻu e ʻōlelo aku nei iā ʻoukou, e aho nō ka hewa ʻana o ko Sodoma a me ko Gomora i ko ia kūlanakauhale i ka lā e hoʻokolokolo ai.

KA ʻEUANELIO I KĀKAU ʻIA AI E MATAIO 11:22

“Ke ʻōlelo aku nei au iā ʻoukou, e aho nō ka hewa ʻana o Turo a me Sidona i ko ʻolua, i ka lā e hoʻokolokolo ai.

KA ʻEUANELIO I KĀKAU ʻIA AI E MATAIO 11:24

“Akā hoʻi, ke ʻōlelo aku nei au iā ʻoukou, e aho nō ka hewa ʻana o Sodoma i kou i ka lā e hoʻokolokolo ai.”

KA ʻEUANELIO I KĀKAU ʻIA AI E MATAIO 12:36

“Ke ʻōlelo aku nei au iā ʻoukou, ‘ʻO nā hua ʻōlelo ʻino a pau a nā kānaka e ʻōlelo ai, e hoʻokolokolo ʻia ana lākou ia mea, i ka lā e hoʻokolokolo ai.’

KA ʻEUANELIO I KĀKAU ʻIA AI E MATAIO 24:35

“E lilo ana ka lani a me ka honua; akā, ʻaʻole loa e lilo kaʻu mau ʻōlelo.

KA ʻEUANELIO I KĀKAU ʻIA AI E MATAIO 25:41

“A laila, e ʻōlelo aʻe ia i ka poʻe ma ka lima hema, ‘E ka poʻe i ʻāhewa ʻia, haele ʻoukou pēlā mai oʻu aku nei i loko o ke ahi mau loa, i hoʻomākaukau ʻia no ka diabolō a me kona poʻe ʻānela.

KA ʻEUANELIO I KĀKAU ʻIA AI E MAREKO 6:11

“A ʻo ka mea hoʻokipa ʻole mai iā ʻoukou, ʻaʻole hoʻi e hoʻolohe mai i kā ʻoukou, a i ko ʻoukou hele ʻana aku, e lūlū i ka lepo ma lalo o ko ʻoukou mau wāwae, i mea hōʻike no lākou. ʻOiaʻiʻo ke ʻōlelo aku nei au iā ʻoukou, i ka lā hoʻopaʻi, e aho nō ka make ʻana o ko Sodoma a me Gomora, i ko ia kūlanakauhale.”

KA ʻEUANELIO I KĀKAU ʻIA AI E IOANE 12:48

“ʻO ka mea e hoʻowahāwahā mai iaʻu, a mālama ʻole hoʻi i kaʻu mau ʻōlelo, he mea nō kāna, nāna ia e hoʻāhewa aku; ʻo ka ʻōlelo aʻu i ʻōlelo ai, ʻo ia ka mea nāna ia e hoʻāhewa aku i ka lā ma hope.

ʻO KA ʻEPISETOLE A PAULO KA LUNAʻŌLELO I KO ROMA 2:5

Akā, ma muli o kou paʻakikī a me ka naʻau mihi ʻole e hoʻāhu ana ʻoe nou iho i ka inaina no ka lā e inaina ʻia mai ai, a e hōʻike ʻia mai ai hoʻi ka hoʻāhewa pono ʻana mai a ke Akua;

ʻO KA ʻEPISETOLE MUA A PAULO KA LUNAʻŌLELO I KO KORINETO 3:13

e maopopo auaneʻi ka hana a kēlā mea kēia mea; e hoʻākāka mai ana nō kēlā lā; no ka mea, ma loko o ke ahi e hoʻomaopopo ʻia mai ai ia mea. Na ke ahi nō e hoʻāʻo ke ʻano o ka hana a nā kānaka a pau.

ʻO KA ʻEPISETOLE A PAULO KA LUNAʻŌLELO I KO PILIPI 1:28

ʻaʻole hoʻi i hoʻoweliweli iki ʻia mai ʻoukou e ka poʻe ʻenemi; he hōʻailona ia iā lākou no ka make; akā, iā ʻoukou, he hōʻailona ia no ke ola, a ʻo ia hoʻi mai ke Akua mai.

ʻO KA ʻEPISETOLE LUA A PAULO KA LUNAʻŌLELO I KO TESALONIKE 2:3

Mai puni ʻoukou i kekahi i kēlā mea a i kēia mea; no ka mea, e hiki ʻē mai ana nō ma mua ka hāʻule ʻana, a e hōʻike ʻia aʻe hoʻi ua kanaka lā o ka hewa, ke keiki o ka make;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 6:9

Akā, ʻo ka poʻe e makemake ana i ka waiwai nui, ua hāʻule lākou i loko o ka hoʻowalewale ʻia a me ka pahele, a i loko o kēlā kuko lapuwale kēia kuko lapuwale e pono ʻole ai, nā mea e paholo ai nā kānaka i ka pōʻino, a me ka make.

ʻO KA ʻEPISETOLE A PAULO KA LUNAʻŌLELO I KO HEBERA 12:29

no ka mea, ʻo ko kākou Akua, he ahi ia e hoʻopau ana.

ʻO KA ʻEPISETOLE HOʻOLAHA ʻALUA A PETERO 2:9

ua ʻike nō ka Haku e hoʻopakele aʻe i ka poʻe haipule mai ka hoʻowalewale ʻia aʻe, a e hoʻāna ʻē hoʻi i ka poʻe hewa, no ka lā hoʻokolokolo i hoʻopaʻi ʻia mai lākou.

ʻO KA ʻEPISETOLE HOʻOLAHA ʻALUA A PETERO 3:10

Akā, e hiki mai auaneʻi ka lā o ka Haku, me he ʻaihue lā i ka pō; a laila e lilo nō ka lani me ka halulu nui, a e wela hoʻi nā kumu mua, a heheʻe wale, a e pau nō ka honua nei i ke ahi, a me nā mea a pau i hana ʻia ma luna iho.

ʻO KA ʻEPISETOLE HOʻOLAHA ʻALUA A PETERO 3:12

me ka manaʻo aku, a me ka makemake loa i ka hiki ʻana mai o ka lā o ke Akua, ka manawa e wela ai nā lani i ke ahi, a heheʻe wale, a e kakahe mai nō hoʻi nā kumu mua i ka wela loa o ke ahi?

ʻO KA ʻEPISETOLE HOʻOLAHA MUA A IOANE 4:17

No ia mea, ua paʻa ke aloha iā kākou, i wiwo ʻole kākou i ka lā e hoʻokolokolo ai; no ka mea, e like me ia ma kēia ao, pēlā nō kākou.

ʻO KA ʻEPISETOLE HOʻOLAHA A IUDA 1:7

E like me ko Sodoma poʻe a me ko Gomora hoʻi, a me ko nā kūlanakauhale e kokoke aku ana, i lilo like me lākou nei i poʻe moekolohe, me ka hahai aku ma muli o nā kino ʻē, ua hoʻolilo ʻia mai nō lākou i mea hōʻike, e ʻehaʻeha ana i ka hoʻopaʻi ʻia ma ke ahi ʻaʻā, mau loa.

KA HŌʻIKE ʻANA A IOANE KA HAIPULE 17:11

“A ʻo ka holoholona, ka mea ma mua, ʻaʻole hoʻi i nēia wā, ʻo ia ka walu, a no nā mea ʻehiku nō hoʻi ia, a ke hele aku nei i ka make.

KA HŌʻIKE ʻANA A IOANE KA HAIPULE 17:8

“ʻO ka holoholona āu i ʻike ai, ma mua ia, i kēia wā hoʻi, ʻaʻole; a ma hope e piʻi mai nō ia mai loko mai o ka lua hohonu, a e hele ana i ka make. E kāhāhā hoʻi ka poʻe noho ma ka honua, ka poʻe ʻaʻole i kākau ʻia ko lākou inoa ma ka Buke o ke Ola mai ka hoʻokumu ʻana mai o ka honua, i ko lākou ʻike ʻana i ka holoholona, i ka mea ma mua, a i kēia wā ʻaʻole, a e noho ana hoʻi.

KA HŌʻIKE ʻANA A IOANE KA HAIPULE 20:11

¶ ʻIke akula au i ka noho aliʻi keʻokeʻo nui, a me ka Mea e noho ana i luna iho, holo akula ka honua a me ka lani mai kona alo aku; ʻaʻole i loaʻa hou kahi no lāua.

KA HŌʻIKE ʻANA A IOANE KA HAIPULE 21:1

¶ ʻIke akula au i ka lani hou a me ka honua hou; no ka mea, ua lilo ka lani mua a me ka honua mua; ʻaʻole hoʻi he kai hou aku.