ʻO KA ʻEPISETOLE HOʻOLAHA ʻALUA A PETERO 3:4 - Ka Baibala Hemolele

⁴ me ka ʻōlelo mai, “ʻAuhea ka ʻōlelo ʻoiaʻiʻo no kona hiki ʻana mai? No ka mea, mai ka wā mai o ka hiamoe ʻana o nā kūpuna, ua waiho wale ʻia nō nā mea a pau, e like me ka wā i kinohi o ka honua nei.”

ʻO KA ʻEPISETOLE HOʻOLAHA ʻALUA A PETERO 3:4 Iomraidhean Croise

KA BUKE MUA A MOSE, I KAPA ʻIA KINOHI 19:14

Hele akula ʻo Lota i waho, ʻōlelo akula i kona mau hūnōna kāne i mare me nā kaikamāhine āna, ʻī akula, “E ala aʻe, e holo aku i waho o kēia wahi; no ka mea, e luku mai ana ʻo Iēhova i nēia kūlanakauhale.” Akā, ua like ia i ka manaʻo o nā hūnōna kāne me ka mea hoʻomāʻewaʻewa.

KE KAHUNA 1:9

ʻO nā mea ma mua, ʻo ia nā mea e hiki mai ana; A ʻo nā mea i hana ʻia, ʻo ia nā mea e hana ʻia ma hope aku nei; ʻAʻohe mea hou ma lalo iho o ka lā.

KE KAHUNA 8:11

No ka hoʻokō koke ʻole ʻia mai o ka ʻōlelo hoʻāhewa i ka hana ʻino; no ia mea, ua paʻa loa ka naʻau o nā keiki a kānaka e hana hewa.

KA WĀNANA A IEREMIA 17:15

Aia hoʻi, ke ʻōlelo mai nei lākou iaʻu, “ʻAuhea ka ʻōlelo a Iēhova? E hele mai ia, ʻānō.”

KA WĀNANA A ʻEZEKIʻELA 11:3

nā mea ʻōlelo, ‘ʻAʻole kokoke mai, e kūkulu kākou i nā hale; eia ka ipu hao nui, a ʻo kākou ka ʻiʻo.’

MALAKI 2:17

¶ Ua hoʻoluhi ʻoukou iā Iēhova i kā ʻoukou ʻōlelo ʻana. Akā, ke nīnau mai nei ʻoukou, “Ma ke aha lā kā mākou i hoʻoluhi ai?” I ka mea a ʻoukou i ʻōlelo ai, “ʻO ka mea hana hewa, he pono ia i mua o Iēhova, a he leʻaleʻa kona iā lākou”; a ʻo kēia hoʻi, “ʻAuhea lā ke Akua nāna e hoʻohewa mai?”

KA ʻEUANELIO I KĀKAU ʻIA AI E MATAIO 16:27

“E hele mai nō ke Keiki a ke Kanaka i loko o ka nani o kona Makua me kona poʻe ʻānela; a laila ‹e uku aku ia i kēlā kanaka i kēia kanaka e like me kāna hana ʻana›.

KA ʻEUANELIO I KĀKAU ʻIA AI E MATAIO 16:28

“He ʻoiaʻiʻo kaʻu e ʻōlelo aku nei iā ʻoukou, ʻo kekahi poʻe e kū mai nei, ʻaʻole lākou e hoʻāʻo ʻē i ka make, a ʻike lākou i ke Keiki a ke Kanaka e hele mai ana i kona aupuni.”

KA ʻEUANELIO I KĀKAU ʻIA AI E MATAIO 24:28

“No ka mea, i kahi e waiho ai ka heana, i laila nō e ʻākoakoa ai nā ʻaeto.

KA ʻEUANELIO I KĀKAU ʻIA AI E MATAIO 24:48

“Akā, ʻo ke kauā ʻino lā, i ʻōlelo iho i loko o kona naʻau, ‘Ke hoʻohākālia nei kuʻu haku i kona hoʻi ʻana mai;’

KA ʻEUANELIO I KĀKAU ʻIA AI E MAREKO 10:6

“Akā, i kinohi o ka honua nei, «hana ke Akua iā lāua, he kāne, he wahine.

KA ʻEUANELIO I KĀKAU ʻIA AI E MAREKO 13:19

“No ka mea, e nui auaneʻi ka pōpilikia o ua mau lā lā, ʻaʻole me nēia mai kinohi mai o ka honua a ke Akua i hana ai a hiki loa mai nei i kēia wā, ʻaʻole nō hoʻi ma hope aku.

KA ʻEUANELIO I KĀKAU ʻIA AI E LUKA 12:45

“Akā, i ʻōlelo kēlā kauā i loko o kona naʻau, ‘Ua hoʻopaneʻe kuʻu haku i kona hoʻi ʻana mai;’ a i hoʻomaka hoʻi e pepehi i nā kauā kāne a me nā kauā wahine, e ʻai ana hoʻi, a e inu ana a ʻona;

NĀ ʻOIHANA A KA POʻE LUNAʻŌLELO 7:60

Kukuli ihola ia a hea akula me ka leo nui, “E ka Haku, mai kau ʻoe i kēia hewa ma luna o lākou!” A pau kāna ʻōlelo ʻana pēlā, hiamoe ihola ia.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 2:19

He aha hoʻi ko mākou manaʻolana a me ka ʻoliʻoli, a me ka lei e hauʻoli ai mākou? ʻAʻole anei ʻo ʻoukou ia, i ke alo o ko kākou Haku ʻo Iesū Kristo i kona hiki ʻana mai?

ʻO KA ʻEPISETOLE HOʻOLAHA ʻALUA A PETERO 3:12

me ka manaʻo aku, a me ka makemake loa i ka hiki ʻana mai o ka lā o ke Akua, ka manawa e wela ai nā lani i ke ahi, a heheʻe wale, a e kakahe mai nō hoʻi nā kumu mua i ka wela loa o ke ahi?

KA HŌʻIKE ʻANA A IOANE KA HAIPULE 3:14

¶ “E palapala aku ʻoe i ka ʻānela o ka ʻekalesia ma Laodikeia: Ke ʻī mai nei ka ʻĀmene, ka Hōʻike hoʻopono a me ka ʻoiaʻiʻo, ke Poʻo o nā mea a ke Akua i hana ai: