ʻO KA ʻEPISETOLE HOʻOLAHA ʻALUA A PETERO 3:3 - Ka Baibala Hemolele

³ E ʻike mua ʻoukou i kēia; i nā lā ma hope, e hiki mai ana nō ka poʻe hoʻowahāwahā, hilahila ʻole, a e hele ana nō hoʻi lākou ma muli o ko lākou kuko iho,

ʻO KA ʻEPISETOLE HOʻOLAHA ʻALUA A PETERO 3:3 Iomraidhean Croise

NĀ ʻŌLELO AKAMAI A SOLOMONA 1:22

“Pehea ka lōʻihi, e ka poʻe ʻike ʻole, E makemake ai ʻoukou i ka naʻaupō? A ʻoukou hoʻi, e ka poʻe hoʻowahāwahā, E makemake ai i ka hoʻowahāwahā ʻana? A ʻo ʻoukou, e ka poʻe naʻaupō, e inaina aku ai i ka naʻauao?

NĀ ʻŌLELO AKAMAI A SOLOMONA 14:6

ʻImi aʻela ka mea hoʻowahāwahā i ke akamai, ʻaʻole loaʻa; He hikiwawe nō ka ʻike i ka mea naʻauao.

NĀ ʻŌLELO AKAMAI A SOLOMONA 3:34

E hoʻowahāwahā mai ʻo ia i ka poʻe hoʻowahāwahā; E hāʻawi mai ʻo ia i ka lokomaikaʻi i ka poʻe i haʻahaʻa ka naʻau.

KA WĀNANA A ʻISAIA 28:14

No laila, e hoʻolohe ʻoukou i ka ʻōlelo a Iēhova, e nā kānaka hoʻowahāwahā, Ka poʻe e noho aliʻi ana ma luna o kēia poʻe kānaka ma Ierusalema.

KA WĀNANA A ʻISAIA 29:20

No ka mea, ua oki loa ka mea ʻoʻoleʻa, Ua pau hoʻi ka mea hoʻowahāwahā, Ua luku ʻia ka poʻe a pau i makaʻala i ka hewa;

KA WĀNANA A ʻISAIA 5:19

Ka poʻe i ʻōlelo, “E hana wikiwiki ʻo ia i kāna hana, I ʻike mākou; E neʻeneʻe hoʻi a hoʻokō ʻia mai ka manaʻopaʻa o ka Mea Hemolele o kā ʻIseraʻela, I hoʻomaopopo mākou!”

HOSEA 7:5

A i ka lā o ko kākou aliʻi loʻohia iho nā haku e ka maʻi i ka wela o ka waina, A ʻō akula ʻo ia i kona lima me ka poʻe haʻakei.

KA ʻEUANELIO I KĀKAU ʻIA AI E IOANE 12:48

“ʻO ka mea e hoʻowahāwahā mai iaʻu, a mālama ʻole hoʻi i kaʻu mau ʻōlelo, he mea nō kāna, nāna ia e hoʻāhewa aku; ʻo ka ʻōlelo aʻu i ʻōlelo ai, ʻo ia ka mea nāna ia e hoʻāhewa aku i ka lā ma hope.

ʻO KA ʻEPISETOLE LUA A PAULO KA LUNAʻŌLELO I KO KORINETO 4:2

Akā, ua kipaku aku mākou i nā mea huna e hilahila ai, ʻaʻole mākou i hele me ka maʻalea, ʻaʻole hoʻi i hana i ka ʻōlelo a ke Akua me ka hoʻopunipuni; akā, ma ka hoʻākāka ʻana aku i ka ʻoiaʻiʻo, ke hōʻike nei mākou iā mākou iho i nā naʻau a pau o kānaka, he pono i mua o ke Akua.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 3:1

¶ Eia hoʻi kāu mea e ʻike ai; a i nā lā ma hope e hiki mai ana nā manawa pōpilikia.

ʻO KA ʻEPISETOLE A PAULO KA LUNAʻŌLELO I KO HEBERA 1:2

ʻo ia kai ʻōlelo hou mai iā kākou i kēia mau lā muli iho nei ma ke Keiki, ka Mea i hoʻolilo ʻia e ia i Haku no nā mea a pau, ma ona lā hoʻi ia i hana ai i ka lani a me ka honua.

ʻO KA ʻEPISETOLE HOʻOLAHA ʻALUA A PETERO 1:20

Me ka ʻike mua i kēia, ʻo kēlā wānana kēia wānana o ka Palapala Hemolele, ʻaʻole na nā kāula ponoʻī iho ka hōʻike ʻana.

ʻO KA ʻEPISETOLE HOʻOLAHA ʻALUA A PETERO 2:10

ʻO lākou mua, ʻo ka poʻe hahai ma muli o ke kino, ma ke kuko i nā mea haumia, me ka hoʻowahāwahā i nā aliʻi. He poʻe haʻanoʻu wale lākou, a hoʻopaʻa, ʻaʻole makaʻu i ka ʻōlelo ʻino i nā aliʻi.

ʻO KA ʻEPISETOLE HOʻOLAHA MUA A IOANE 2:18

¶ E nā kamaliʻi ʻuʻuku, eia ka hope o ka manawa. Me ko ʻoukou lohe ʻana i ka hiki ʻana mai o ʻAnikristo, pēlā nō e noho nei nā ʻanikristo he nui; no ia mea, ua ʻike nō kākou ʻo ka hope kēia o ka manawa.

ʻO KA ʻEPISETOLE HOʻOLAHA A IUDA 1:16

ʻO ia ka poʻe ʻōhumu, ʻoluʻolu ʻole, e hele ana ma ko lākou kuko iho: haʻanui ihola ko lākou waha me ka ʻōlelo hoʻokano aku, mahalo aʻela hoʻi i ko ke kino no ka uku ʻia mai.

ʻO KA ʻEPISETOLE HOʻOLAHA A IUDA 1:18

i ko lākou haʻi ʻana mai iā ʻoukou, “I ka hope o ka manawa, e hiki mai ai ka poʻe haʻakei e hele ana ma ko lākou kuko ʻaiā iho.”