ʻO KA ʻEPISETOLE HOʻOLAHA ʻALUA A PETERO 2:6 - Ka Baibala Hemolele

⁶ a puhi aku nō hoʻi i nā kūlanakauhale o Sodoma a me Gomora a lehu, me ka hoʻohewa e make māinoino, e hoʻolilo ana iā lākou i hōʻailona e ao ai i ka poʻe ʻaiā ma ia hope;

ʻO KA ʻEPISETOLE HOʻOLAHA ʻALUA A PETERO 2:6 Iomraidhean Croise

KA BUKE MUA A MOSE, I KAPA ʻIA KINOHI 19:28

Nānā akula ia ma Sodoma a me Gomora, a ma ka ʻāina pāpū a pau, ʻike akula ia, aia hoʻi, piʻi aʻela ka uahi o ia ʻāina i luna, e like me ka pūnohu o ka lua ahi.

KA WĀNANA A ʻISAIA 1:9

Inā ʻaʻole ʻo Iēhova o nā kaua i waiho mai i koena ʻuʻuku no kākou, Inā ua like kākou me Sodoma, Inā ua like nō me Gomora.

KA WĀNANA A ʻISAIA 13:19

ʻO Babulona, ka mea nani o nā aupuni, Ka mea e hanohano ai, a e kaena ai hoʻi ʻo Kaledea, E like auaneʻi ia me Sodoma a me Gomora, Nā mea a ke Akua i hoʻokahuli ai.

KA WĀNANA A IEREMIA 50:40

“Me kā ke Akua i hoʻohiolo ai iā Sodoma a me Gomora, A me kona mau wahi e kokoke mai ana,” wahi a Iēhova; “Pēlā nō, ʻaʻole e noho kekahi kanaka ma laila, ʻAʻole e hoʻomoana ke keiki a ke kanaka ma loko o ia wahi.

HOSEA 11:8

¶ Pehea lā wau e hoʻokuʻu aku ai iā ʻoe, e ʻEperaima? Pehea lā wau e hoʻolilo ai iā ʻoe, e kā ʻIseraʻela? Pehea lā wau e hana aku ai iā ʻoe e like me ʻAdema? Pehea hoʻi wau e hoʻokū ai iā ʻoe e like me Zeboima? Ua huli ʻia koʻu naʻau i loko oʻu, Ua hoʻāla pū ʻia hoʻi kuʻu minamina.

ʻAMOSA 4:11

“Ua luku aku au i waena o ʻoukou, E like me ka luku ʻana o ke Akua iā Sodoma a me Gomora; Ua like hoʻi ʻoukou me ka momoku ahi i kāʻili ʻia mai loko mai o ke ahi; Akā, ʻaʻole ʻoukou i hoʻi hou mai iaʻu,” wahi a Iēhova.

ZEPANIA 2:9

“No laila, ma kuʻu ola ʻana,” wahi a Iēhova o nā kaua, ʻO ke Akua no kā ʻIseraʻela, “E like auaneʻi ʻo Moaba me Sodoma, A ʻo kā ʻAmona e like me Gomora, He nāhelehele ʻoʻoi, me nā lua paʻakai, A me ka neoneo mau loa; Na ke koena o koʻu poʻe kānaka lākou e hao aku, A e lilo lākou no ke koena o koʻu poʻe kānaka.”

KA BUKE ʻAHĀ A MOSE, I KAPA ʻIA NĀ HELU 16:38

“ʻO nā ipu kuni ʻala o kēia poʻe i hana hewa aku i ko lākou mau ʻuhane, e hana lākou ia mau mea i mau pā pālahalaha, i uhi no ke kuahu; no ka mea, ua kaumaha ihola lākou ia mau mea i mua o Iēhova; no laila ua laʻa; a e lilo lākou i hōʻailona no nā mamo a ʻIseraʻela.”

KA BUKE ʻAHĀ A MOSE, I KAPA ʻIA NĀ HELU 26:10

a hāmama aʻela ka honua i kona waha, a ale ihola iā lākou a me Kora, i ka manawa i make ai ua poʻe lā, a i ka wā i ʻai mai ai ke ahi i ʻelua haneri kānaka a me kanalima; a lilo lākou i hōʻailona.

KA ʻEUANELIO I KĀKAU ʻIA AI E MATAIO 10:15

“He ʻoiaʻiʻo kaʻu e ʻōlelo aku nei iā ʻoukou, e aho nō ka hewa ʻana o ko Sodoma a me ko Gomora i ko ia kūlanakauhale i ka lā e hoʻokolokolo ai.

KA ʻEUANELIO I KĀKAU ʻIA AI E MATAIO 11:23

“ʻO ʻoe hoʻi, e Kaperenauma, kai hoʻokiʻekiʻe ʻia aʻe i ka lani, e kiola ʻia ʻoe i lalo i ka pō; no ka mea, inā i hana ʻia ma Sodoma nā hana mana i hana ʻia aku ai i loko ou, inā ua koe ia a hiki i nēia manawa.

ʻO KA ʻEPISETOLE A PAULO KA LUNAʻŌLELO I KO ROMA 9:29

E like hoʻi me kā ʻIsaia i ʻōlelo mua mai ai, “«Inā i waiho ʻole mai Iēhova Sābāōta i koena no kākou, Inā, ua like pū kākou me Sodoma, a ua hoʻohālike ʻia hoʻi me Gomora».”

ʻO KA ʻEPISETOLE MUA A PAULO KA LUNAʻŌLELO I KO KORINETO 10:11

Ua loʻohia mai lākou i kēia mau mea, i hōʻailona; a ua palapala ʻia mai i mea e naʻauao ai kākou, ka poʻe e ola nei, i kēia hope o ke ao.

KA BUKE ʻALIMA A MOSE, I KAPA ʻIA KĀNĀWAI LUA 29:23

‘E lilo ka ʻāina a pau i luaʻi pele a me ka paʻakai ʻaʻā, ʻaʻole i lūlū ʻia, ʻaʻole i hua mai, ʻaʻole i kupu mai kekahi mea uliuli, e like me ka luku ʻana iā Sodoma a me Gomora, a me ʻAdema a me Zeboima, a Iēhova i luku ai no kona inaina, a me kona huhū.’

ʻO KA ʻEPISETOLE A PAULO KA LUNAʻŌLELO I KO HEBERA 4:11

No ia mea, e hoʻoikaika nui kākou e komo i loko o ia wahi maha, i ʻole ai e hāʻule kekahi ma muli o ua manaʻoʻiʻo ʻole lā.

ʻO KA ʻEPISETOLE HOʻOLAHA A IUDA 1:15

e hoʻokolokolo mai i nā mea a pau, a e hoʻāhewa mai i ka poʻe ʻaiā a pau i waena o lākou i nā hewa a pau a lākou i hana hewa ai, a me nā ʻōlelo paʻakikī a pau a ka poʻe hewa i ʻōlelo ʻino aku ai iā ia.”

ʻO KA ʻEPISETOLE HOʻOLAHA A IUDA 1:7

E like me ko Sodoma poʻe a me ko Gomora hoʻi, a me ko nā kūlanakauhale e kokoke aku ana, i lilo like me lākou nei i poʻe moekolohe, me ka hahai aku ma muli o nā kino ʻē, ua hoʻolilo ʻia mai nō lākou i mea hōʻike, e ʻehaʻeha ana i ka hoʻopaʻi ʻia ma ke ahi ʻaʻā, mau loa.